Körfuboltakempa nýr úti­bús­stjóri á Króknum

Helgi hefur starfað sem viðskiptastjóri fyrirtækja í útibúinu á Sauðárkróki. Hann tekur við stjórn þess af Birgi Rafni Rafnssyni sem hafði verið útibússtjóri frá 2010, segir í tilkynningu á vef Landsbankans.  

„Helgi er með B.Sc.-próf í viðskiptafræði frá Birmingham Southern College í Alabama-ríki í Bandaríkjunum og M.Sc.-próf í fjármálum og alþjóðaviðskiptum frá Háskólanum í Árósum í Danmörku. Hann hefur einnig lokið námi til kennsluréttinda frá Háskólanum á Akureyri og hefur m.a. kennt áfanga í meistaranámi við Fjölbrautaskóla Norðurlands vestra og við Körfuboltaskóla Norðurlands sem hann stofnaði árið 2019,“ segir í tilkynningunni. 

Þess má geta að Helgi er fæddur og uppalinn á Sauðárkróki og á farsælan körfuboltaferil að baki. Hann lék sinn fyrsta meistaraflokksleik með Tindastóli aðeins 14 ára gamall og þann síðasta 37 ára með sama liði. Í dag hangir treyjan hans, #8, uppi á heimavelli Tindastóls í Síkinu á Sauðárkróki.