Tónlist

Fréttir af innlendum og erlendum tónlistarmönnum, uppákomum og myndböndum.

Úr­slita­kvöld Euro­vision verður í beinni á Rúv 2

Úrslitakvöld Eurovision í Vín 16. maí næstkomandi verður sýnt í beinni á Rúv 2 vegna kosningavöku sveitarstjórnarkosninganna en undankvöldin tvö, 12. og 14. maí, verða sýnd á Rúv. Ríkissjónvarpsstöðvar Slóveníu, Írlands og Spánar hafa tilkynnt að þær muni ekki sýna Eurovision í ár vegna þátttöku Ísraela í keppninni.

Lífið 29.4.2026 14:39

Úlfarnir rifu næstum þakið af Austur­bæ

Það ætlaði allt um koll að keyra þegar rapptvíeykið Úlfur Úlfur steig á svið í Austurbæjarbíói síðastliðinn miðvikudag fyrir troðfullum sal af gestum. Stemningin var gríðarleg og þakið við það að rifna af tónleikasalnum.

Tónlist 27. apríl 2026 16:30

Týndi strax 120 þúsund króna sokkum

Tónlistarmaðurinn Friðrik Róbertsson, betur þekktur sem Flóni, hefur mikinn áhuga á klæðaburði og tísku og hefur fjárfest í ýmsum hátískuflíkum undanfarin ár. Sum kaup hafa verið góð en önnur ekki eins farsæl.

Tíska og hönnun 27. apríl 2026 13:40

Þjóðþekktir tón­listar­menn koma fram í heima­húsum

Síðasta föstudag í aprílmánuði ár hvert hefst tónlistarhátíðin Hljómey í Vestmannaeyjum. Þá stíga landsþekktir listamenn á stokk og spila fyrir gesti hátíðarinnar í heimahúsum. Hún er nú haldin í fjórða skipti og meðal þeirra sem koma fram eru Valdimar, Jakob Frímann og Bríet.

Tónlist 25. apríl 2026 12:38

Flóni og Alaska ekki lengur „bara vinir“

Tónlistarfólkið Kolfreyja Sól Bogadóttir og Friðrik Róbertsson, betur þekkt sem Alaska 1867 og Flóni, eru ekki lengur „bara vinir“ heldur par. Sögusagnir hafa gengið um að þau væru að slá sér upp síðustu mánuði en þau ekki staðfest það fyrr en nú.

Tónlist 24. apríl 2026 14:50

Námið ekki eins krefjandi og á Tene

Fiðluleikarinn Matthildur Traustadóttir fæddist á Ítalíu, ólst upp á Spáni, gekk í menntaskóla á Íslandi og lærir nú við tónlistarháskólann Oberlin í Bandaríkjunum. Lengi vel átti hún erfitt með að velja á milli balletts og fiðluleiks og spiluðu álagsmeiðsli inn í endanlegt val. Matthildur er ein fjögurra sem kemur fram á tónleikunum Ungum einleikurum með Sinfóníuhljómsveit Íslands í kvöld.

Tónlist 24. apríl 2026 14:09

Síðasti lær­lingur Rakmaninoff látinn

Píanóleikarinn Ruth Slenczynska er látin, 101 árs að aldri, að loknum glæstum ferli sem spannaði níu áratugi.

Lífið 23. apríl 2026 18:40

Sumir sáttir en flestir keppast við að tæta Michael í sig

Ný ævisögumynd um Michael Jackson, konung poppsins, fær misjafna dóma. Og í meira lagi eru þeir neikvæðir.

Lífið 23. apríl 2026 10:49

Samdi lagið meðan hún gekk í gegnum erfiða tíma

Kristný Eiríksdóttir er klippari, leikstjóri og stillumyndagerðarkona sem var verðlaunuð fyrir tónlistarmyndband árins á Íslensku tónlistarverðlaununum í mars. Kristný hefur verið í tónlist frá æsku, er sjálflærð á gítar og gefur í dag út sitt annað lag, „Ein leið að elska,“ sem kom fyrst fyrir í verðlaunastuttmyndinni Allir hundar vilja deyja einir.

Tónlist 23. apríl 2026 10:01

Sýknaður af á­kæru fyrir ítrekaðan harmonikkuleik

Karlmaður hefur verið dæmdur til 90 daga skilorðsbundinnar fangelsisvistar fyrir auðgunarbrot, brot gegn útlendingalögum og fíkniefnalagabrot. Hann var aftur á móti sýknaður af ákæru fyrir að hafa ítrekað valdið hneykslan og óspektum á almannafæri vegna ölvunar og ónæði með því að betla þar peninga af almenningi með harmonikkuspili.

Innlent 22. apríl 2026 14:48

Út­för Björg­vins Hall­dórs­sonar í beinni á Vísi og Sýn

Útför Björgvins Halldórssonar verður gerð frá Hallgrímskirkju þriðjudaginn 28. apríl klukkan 15. Fjöldi tónlistarmanna syngur og spilar við athöfnina. Útförin verður opin almenningi og sýnd í beinu streymi á Vísi og Sýn.

Tónlist 22. apríl 2026 13:54

Forrest Gump rokksins allur

Enski gítarleikarinn og rokkgoðsögnin Dave Mason er látinn, 79 ára að aldri. Mason var einn af stofnmeðlimum proggrokksveitarinnar Traffic, spilaði undir á plötum Jimi Hendrix, George Harrison og Rolling Stones, túraði með Eric Clapton og samdi slagarana „Feelin’ Alright?“ og „We Just Disagree“.

Tónlist 22. apríl 2026 10:52

Rifjaði upp mar­tröðina á Arnarhóli

Friðrik Dór Jónsson var gestur Auðuns Blöndal í síðasta þætti af Tónlistarmönnunum okkar á Sýn+. Þar fór Frikki um víðan völl og fór yfir feril sinn sem tónlistarmaður en hann hefur verið að í að verða tvo áratugi.

Lífið 21. apríl 2026 14:03

Björk, Sigur Rós og ríf­lega þúsund aðrir krefjast sniðgöngu

Björk, Ólafur Arnalds og Pálmi Gunnarsson eru meðal þeirra hundrað tuttugu og þriggja íslenskra listamanna sem hafa skrifað undir opið bréf þar sem aðdáendur eru hvattir til að sniðganga Söngvakeppni evrópskra sjónvarpsstöðva árið 2026. Alls eru á listanum undirskriftir ríflega ellefu hundruð tónlistarmanna og hljómsveita á borð við Peter Gabriel, Massive Attack og Hot Chip.

Tónlist 21. apríl 2026 13:26

Hljóðblöndunin hörmung en Hebbi gamli bjargaði kvöldinu

Þegar ég sat sveittur yfir textum þýska heimspekingsins Jürgens Habermas í námi á Bifröst á sínum tíma, var efnið svo óheyrilega þurrt, tyrfið og samfélagslega þungt að heili minn brann næstum yfir. Til að halda sönsum og létta mér lundina fór ég að kalla þennan risa félagsfræðinnar „Hebba gamla“, rétt eins og hann væri bara einhver hress poppari úr Hafnarfirði. Þar sem Hebbi gamli dó í mars síðastliðnum, 96 ára að aldri, fannst mér hið eina rétta í stöðunni að minnast hans með því að mæta í Bæjarbíó á föstudagskvöldið, þar sem nafni hans Guðmundsson tróð upp – og sjá um leið hvort lífheimur nostalgíunnar gæti sigrast á tæknilegum göllum kvöldsins.

Gagnrýni 21. apríl 2026 07:01

Ingó veðurguð hefur fengið meira en nóg

Ingólfur Þórarinsson, sem betur er þekktur sem Ingó veðurguð, stígur fram í ítarlegu viðtali í þættinum Spjallið með Frosta Logasyni og ræðir í fyrsta sinn opinberlega um ásakanir, útilokunarmenningu og áhrif MeToo-byltingarinnar á líf sitt og feril.

Innlent 21. apríl 2026 07:01

„Glowie-kaflanum í lífi mínu er lokið“

Tónlistarkonan Sara Pétursdóttir, betur þekkt sem Glowie, segir Glowie-kaflanum í sínu lífi lokið, allavega í bili. Síðustu fjögur ár hefur tónlistarferill hennar verið í dvala og nú virðist hún tilbúin að segja alveg skilið við hann. Hún muni í staðinn einbeita sér að myndlist, móðurhlutverkinu og kaffigerð.

Tónlist 20. apríl 2026 09:49

„Eitt­hvað það tilgerðarlegasta og hallærislegasta sem ég hef séð“

Eigandi umboðsskrifstofu segir nýsamþykktar aðgerðir Reykjavíkurborgar sem eiga að efla tónleikastaði í borginni tilgerðalegar og hallærislegar. Upphæðin sem verja eigi í verkefnið sé dropi í hafið og að tónleikahaldarar greiði hana margfalt til baka vegna hækkandi gjalda.

Innlent 19. apríl 2026 13:00

Alex fetaði í fót­spor Bó á dánar­degi hans

Tilviljun réði því að hinn tólf ára stórsöngvari Alex Óli Jónsson gaf út lagið Himinn og jörð sem Björgvin Halldórsson söng svo eftirminnilega á dánardegi tónlistarmannsins.

Lífið 18. apríl 2026 15:54

Opnar sig um kvíða og þung­lyndi

Una Torfadóttir söngkona segir að hún hafi fyrst leitað til sálfræðings þegar hún var sautján ára gömul eftir að hafa glímt meðal annars við þunglyndi og kvíða. Flóknar tilfinningar hafi svo tekið við þegar hún áttaði sig á því að hún væri ekki gagnkynhneigð.

Lífið 18. apríl 2026 15:00

Hlustun á Bó snaraukist

Hlustun á poppgoðsögnina Björgvin Halldórsson hefur snaraukist frá því hann lést 9. apríl síðastliðinn. Mánaðarleg hlustun á Björgvin á Spotify hefur frá síðasta mánuði aukist um tæp fjörutíu prósent og á Youtube hefur áhorfið aukist um rúm 400 prósent. Íslenskar sjónvarpsveitur hafa sömuleiðis grafið upp og gert aðgengilega ýmsa gullmola með Björgvini gegnum tíðina.

Tónlist 17. apríl 2026 14:06

Þau syngja Þjóðhátíðarlagið í ár

Birgitta Haukdal og Herra Hnetusmjör eru höfundar og flytjendur Þjóðhátíðarlagsins í ár. Þjóðhátíð í Eyjum er stærsta og vinsælasta útihátíð landsins. 

Lífið 17. apríl 2026 09:15

Mest lesið