Bjarni Ármansson fjárfestir:
Telur stjórnarmenn þurfa að útskýra fyrir hluthöfum breytta afstöðu til samrunaInnherji
Ætla að fækka aðalmönnum í bankaráði í Landsbankans
Á komandi aðalfundi Landsbankans stendur meðal annars til að fækka þeim aðalmönnum sem sitja í bankaráði bankans um tvo talsins og feta þannig í fótspor Arion banka sem gerði slíkt hið sama fyrir fáeinum árum.
Fréttir í tímaröð
Kallar eftir betri rökstuðningi hvernig eigi að hífa arðsemina upp í 13 prósent
Áform Íslandsbanka að skila að lágmarki þrettán prósenta arðsemi innan fárra ára þýðir að stefnt er að umtalsverðum rekstrarbata og í nýrri greiningu, sem lækkar lítillega verðmatið á bankanum, er kallað eftir því að stjórnendur útskýri og rökstyðji betur hvernig eigi að ná því markmiði. Þá er varað við því að róðurinn gæti þyngst hratt í ár núna þegar er að teiknast upp umhverfi kreppuverðbólgu sem er „allt að því fjandsamlegt fyrir fjárfestingarbankastarfsemi.“
Nefndin „föst í eitruðum kokteil“ og þarf að láta glitta í mögulega vaxtahækkun
Þróunin frá síðustu vaxtaákvörðun hefur verið einstaklega óhagstæð en peningastefnunefnd er núna „föst í eitruðum kokteil“ þar sem fer saman hækkandi verðbólga, aukið atvinnuleysi, kólnandi hagkerfi og verðbólguvæntingar rokið upp. Ef ekki á illa að fara, að mati greinenda Acro verðbréfa, þá þarf nefndin núna að „standa í lappirnar“ með mun hvassari tóni í yfirlýsingu sinni en áður og gefa út skýr skilaboð um að hún sé reiðubúin að hækka vexti.
Fjárfestar hófu árið með því að selja áfram í hlutabréfasjóðum
Þrátt fyrir að fyrsti mánuður ársins hafi farið vel af stað á hlutabréfamarkaði þá héldu fjárfestar uppteknum hætti og seldu sig út úr innlendum hlutabréfasjóðum. Á sama tíma hélt hins vegar fjármagn áfram að streyma í skuldabréfasjóði fyrir milljarða króna.
Brim vill gera breytingar á verðmiðanum í fyrirhuguðum risakaupum á Lýsi
Fyrirhuguð kaup Brims á öllu hlutafé Lýsis fyrir samtals þrjátíu milljarða, sem tilkynnt var um síðasta haust, eru ekki enn komin á borð stjórnar en forstjóri sjávarútvegsfyrirtækisins segir að félögin séu „ekki alveg sammála um verðið“ í viðskiptunum. Hlutabréfaverð Brims hefur hækkað um nærri fimmtíu prósent á síðustu mánuðum samhliða því að afurðaverð hefur verið í hæstu hæðum, sem skilaði sér í feykilega sterku uppgjöri undir lok ársins, en forstjórinn telur samt gengi krónunnar vera „alltof sterkt“ um þessar mundir.
„Kom verulega á óvart“ að ekki tókst að semja um verð vegna mikillar samlegðar
Samruni Íslandsbanka og Skaga hefði getað skilað báðum félögum töluverðum ávinningi, jafnvel mun meiri en þeirri áætluðu samlegð sem var gefin út, og því kom það „verulega á óvart“ að ekki hafi tekist að endursemja um nýja verðskilmála, að sögn hlutabréfagreinenda. Verðmat á Íslandsbanka hefur verið hækkað nokkuð, meðal annars vegna væntinga um betri arðsemi, en uppfærð fjárhagsleg markmið stjórnenda eru sögð vera „afar metnaðarfull“ en alls ekki ógerleg.
Mest lesið
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Partners Group staðfestir sölu á atNorth fyrir nærri fimm hundruð milljarða
Bandaríska félagið Equinix og kanadíski lífeyrissjóðurinn CPP hafa í sameiningu gengið frá samkomulagi um að kaupa atNorth, sem á rætur sínar að rekja til Íslands, af Partners Group og er gagnaversfyrirtækið verðmetið á tæplega fimm hundruð milljarða íslenskra króna í viðskiptunum. Samhliða sölunni hefur Partners Group skuldbundið til að endurfjárfesta í atNorth og eignast allt að tíu prósenta hlut.
Sala á gagnaversfélaginu atNorth að klárast fyrir um 500 milljarða
Bandarískur gagnaversrisi í samfloti með kanadískum lífeyrissjóði er að leggja lokahönd á samkomulag um að kaupa félagið atNorth Holding, sem rekur meðal annars fjölmörg gagnaver hér á landi, fyrir samtals um fjóra milljarða Bandaríkjadala.
Verðbólguálagið á markaði rýkur upp eftir enn eina „svarta“ verðbólgumælingu
Verðbólguvæntingar skuldabréfafjárfesta til skamms tíma hafa versnað verulega eftir nýja mælingu á vísitölu neysluverðs í morgun sem sýndi, þriðja mánuðinn í röð, talsvert meiri hækkun milli mánaða en svartsýnustu spár greinenda höfðu gert ráð fyrir.
Oaktree seldi meira en helminginn af stöðu sjóðsins í Alvotech í lok ársins
Vogunarsjóðurinn Oaktree Capital, sem eignaðist stóran hlut í Alvotech í aðdraganda skráningar á markað fyrir fjórum árum, var umsvifamestur á söluhliðinni með bréf félagsins á síðustu mánuðum ársins 2025 þegar hann losaði um meginþorra af eftirstandandi eignarhlutar. Eftir að hafa rétt aðeins úr kútnum á fyrstu vikum ársins hefur hlutabréfaverð Alvotech fallið um fjórðung á skömmum tíma.
Fjárfestar taka vel í nýja afkomuspá Amaroq sem er umfram væntingar
Miðað við núverandi heimsmarkaðsverð á gulli og helstu forsendur að baki nýrri afkomuspá Amaroq fyrir árið 2026 er útlit fyrir að rekstrarhagnaður auðlindafélagsins geti orðið eilítið meiri en síðustu spár greinenda hafa gert ráð fyrir. Hlutabréfaverðið hefur rokið upp eftir að félagið opinberaði nýjar áætlanir sínar.
Kemur „mjög á óvart“ að stjórn ISB treysti sér ekki til að standa við samkomulagið
Stóru lífeyrissjóðirnir sem eru í þeirri stöðu að eignarhald þeirra þverast með svipuðum hætti í Íslandsbanka og Skaga eru fremur fámálir um þá ákvörðun að samrunaviðræðum hafi verið slitið, á meðan afstaða sumra annarra sjóða litast af því hvar hagsmunir þeirra vega hlutfallslega meira. Stærsti einkafjárfestir Skaga segir það koma „mjög á óvart“ að stjórn Íslandsbanka hafi ekki treyst sér til að standa við samkomulagið en hún fór fram á verulegar breytingar á fyrri verðskilmálum við samruna félaganna sem yrðu aðlagaðir með tilliti gengishækkunar á bréfum bankans og gagngjaldið að hluta greitt með reiðufé.
Spá því að verðbólgan fari rétt undir fimm prósent en óvissan er upp á við
Útlit er fyrir að tólf mánaða verðbólgan geti farið aftur undir fimm prósent þegar ný mæling birtist síðar í vikunni, ef marka má meðalspá sex greinenda, en sumir benda á að óvissan sé upp á við í spánum og vara við annarrar umferðar áhrifum af hærri verðbólgu á næstunni.
Ekki lengur stærsti erlendi hluthafinn eftir að hafa selt fyrir nærri fjóra milljarða
Bandaríska sjóðastýringarfélagið Capital Group er ekki lengur stærsti erlendi fjárfestirinn í hluthafahópi Íslandsbanka eftir að hafa verið statt og stöðugt á söluhliðinni í bankanum frá því um miðjan janúar. Á þeim tíma hefur gengið lækkað um liðlega sjö prósent.
Arion verðlagður á „spottprís“ þrátt fyrir sambærilega arðsemi og norrænir bankar
Þrátt fyrir að skila sambærilegri arðsemi og aðrir helstu bankar á hinum Norðurlöndunum þá er Arion verðlagður á markaði talsvert lægra með hliðsjón af afkomu og eigið fé. Í nýrri hlutabréfagreiningu er Arion því sagður vera „á spottprís“ en verðmat á bankanum er lækkað lítillega og gert er ráð fyrir minni efnahagsumsvifum samtímis háum grunnvöxtum.
Erlendu sjóðastýringarrisarnir sem eru að byggja hratt upp stöðu í Oculis
Erlendir fjárfestingarsjóðir, meðal annars sérhæfðir sjóðastýringarrisar með áherslu á líftækni- og heilbrigðisgeirann, eru að stækka hratt stöðu sína í Oculis og hafa sumir þeirra keypt í félaginu fyrir marga milljarða á allra síðustu vikum og mánuðum. Vaxandi eftirspurn meðal erlendra fjárfesta hefur skilað sér í meiri veltu og hækkun á hlutabréfaverði en Oculis er núna orðið fjórða verðmætasta félagið á íslenskum hlutabréfamarkaði.
Fjárfestar selja í Símanum eftir vonbrigði með nýja afkomuspá
Þótt rekstrarniðurstaðan á síðustu mánuðum ársins 2025 hafi verið ákveðin varnarsigur fyrir Símann eftir brotthvarf Enska boltans þá olli ný afkomuspá fyrir yfirstandandi ár, sem litast meðal annars af kostnaðarþrýstingi frá erlendum birgjum, nokkrum vonbrigðum meðal fjárfesta. Hlutabréfaverð félagsins lækkaði skarpt á markaði í dag.
Amaroq ætlar að færa sig yfir á Aðalmarkaðinn í London síðar á árinu
Amaroq hefur ráðið alþjóðlega fjárfestingabankann Citigroup til að undirbúa skráningu á Aðalmarkað Kauphallarinnar í London síðar á árinu í því skyni að auðvelda félaginu að fá fjármögnun frá stórum erlendum stofnanafjárfestum og vísitölusjóðum. Aðalmarkaðurinn í London hýsir í dag flest af helstu námufyrirtækjum heimsins.
Áform um að vaxa út úr vandanum sögð bjartsýn eða í „versta falli hrein tálsýn“
Fyrirætlanir stjórnvalda um að hægt verði að ná tökum á ríkisrekstrinum með því að vaxa út úr vandanum eru „í besta falli bjartsýnar og í versta falli hrein tálsýn“, að mati greinenda Acro verðbréfa, en ófjármögnuð útgjaldaloforð hafa nú þegar valdið hækkun fjármagnskostnaðar á markaði. Án eignasölu verður nokkur bið á skuldalækkun ríkissjóðs og því er þeim varnarorðum beint að ríkisstjórninni að boðaður halli á lánsfjárjöfnuði næstu árin, sem er í sögulegu samhengi umtalsverður, gæti hæglega orðið jafnvel enn meiri.
Mælir með Birgi Má og Steingrími í stjórn Heima
Tilnefningarnefnd Heima mælir með því að þeir Birgir Már Ragnarsson og Steingrímur Halldór Pétursson komi nýir inn í stjórn fasteignafélagsins á komandi aðalfundi. Birgir Már er annar eigenda fjárfestingafélagsins Omega sem varð stærsti hluthafi Heima snemma árs í fyrra eftir sölu á Grósku.
Horfa til þess að fá Tómas nýjan inn í stjórn Arion
Stokka þarf lítillega upp í stjórn Arion á komandi aðalfundi eftir stutt stopp hjá norskum stjórnarmanni og er tilnefningarnefnd bankans sögð horfa til þess að mæla með kjöri Tómasar Más Sigurðssonar, forstjóra HS Orku.
Vill ekki að „setja neinar prósentur“ á líkurnar á að samruni við Skaga klárist
Bankastjóri Íslandsbanka segist ekki vilja „setja neinar prósentur“ á líkurnar á að boðaður samruni við Skaga muni klárast en viðræður standa enn yfir. Umfram eigið fé bankans, að teknu tilliti til áformaðra endurkaupa og arðgreiðslu til hluthafa, er núna talið nema hátt í 50 milljarðar króna.
Rífleg eiginfjárstaða skapar svigrúm til verulegs vaxtar hjá Festi
Festi ræður yfir talsverðu umfram eigin fé um þessar mundir sem stjórnendur horfa til að geta nýtt í „verulegan“ innri og ytri vöxt en í nýrri greiningu er fjárfestum ráðlagt að halda stöðu sinni í smásölufélaginu óbreyttri, enda þótt verðmatsgengið sé hækkað nokkuð. Undir lok síðasta árs fór dótturfélagið Elko að hasla sér völl í lánastarfsemi og útlit er fyrir hraðan vöxt þar á þessu ári.
„Algjört hrun á grænum orkumarkaði“ og færir niður virði bréfa í CRI um helming
Erfiðleikar í rekstri og „algjört hrun á grænum orkumarkaði“ veldur því að Sjóvá telur rétt að færa niður virði eignarhlutar síns í íslenska hátæknifyrirtækinu Carbon Recycling um helming. Lífeyrissjóðurinn Gildi er einn allra stærsti hluthafi CRI eftir að hafa fjárfest í félaginu fyrir vel á annan milljarð á sama tíma og Sjóvá fyrir meira en tveimur árum.