Viðskipti innlent

Verð­bólga stendur í stað

Verðbólga mælist nú 5,9 prósent og er óbreytt frá því í september. Vísitala neysluverðs hækkar um 0,44 prósentustig á milli mánaða. Þetta sýnir ný verðbólgumæling Hagstofu Íslands sem birt var rétt í þessu.

Viðskipti innlent

Boðar sam­tök sendla eftir fýlufund með Wolt: „Og það verður stórt verk­fall“

Wolt-sendlar á Íslandi gengu margir ósáttir af fundi með finnskum stjórnendum fyrirtækisins í dag. Talsmaður sendlanna segir þá hafa búist við því að geta rætt kröfur sínar en þess í stað hafi þeir fengið fyrirlestur um hvernig appið og algrímið virkaði. Hann vinnur nú að því í samstarfi við Eflingu að koma á fót eins konar samtökum Wolt-sendla í von um að geta skipulagt lögmætt verkfall. „Og það verður stórt verkfall,“ boðar hann.

Viðskipti innlent

TAP flýgur milli Kefla­víkur og Lissabon

Portúgalska flugfélagið TAP Air tilkynnti í dag að það ætlaði að hefja flug milli Keflavíkurflugvallar og Lissabon á sumaráætlun sinni 2027. Flogið verður þrisvar í viku milli áfangastaðanna frá 1. apríl til 28. október 2027.

Viðskipti innlent

Birta gott upp­gjör og hnýta í ríkis­stjórnina

Afkoma Arion banka á þriðja ársfjórðungi er í samræmi við markmið að sögn bankastjóra. Hann segir áform stjórnvalda um að hækka bankaskatt um ríflega 75 prósent þó vera skammsýna ráðstöfun og það sé nauðsynlegt að til staðar sé framtíðarsýn um starfsumhverfi fyrirtækja. Skattahækkunin muni í tilfelli Arion banka nema um 1.700 milljónum á ári.

Viðskipti innlent

Spænskt fé­lag kaupir Sam­skip

Spænska skipafélagið Boluda Shipping hefur fest kaup á flutningsfyrirtækinu Samskipum og dótturfélögum þess. Hjónin Ólafur Ólafsson og Ingibjörg Kristjánsdóttir voru langsamlega stærstu eigendur skipafélagsins rótgróna. Kaupverðið er trúnaðarmál.

Viðskipti innlent

Sorpa lætur sau­tján róa

Sorpa framkvæmdi í dag uppsagnir í hagræðingarskyni. Samtals var tíu sagt upp, og tímabundnir samningar við sjö verða ekki endurnýjaðir. Starfsmönnum hjá Sorpu fækkar því um 17, eða um sjö prósent af heildarstarfsmannafjölda.

Viðskipti innlent

Guð­ný Helga tekur við af Haraldi

Stjórn Skaga hefur samið við Harald I. Þórðarson, forstjóra félagsins, um starfslok en hann mun áfram gegna stjórnarstörfum innan samstæðunnar. Guðný Helga Herbertsdóttir, forstjóri VÍS trygginga, verður æðsti stjórnandi samstæðunnar og mun leiða hana frá og með deginum í dag, samhliða því að stýra áfram VÍS tryggingum.

Viðskipti innlent

Greiða hundruð milljóna króna sekt

Arion banki hefur fallist á að greiða 280 milljóna króna sekt vegna brota á reglum um verðbréfaviðskipti og fjárfestavernd. Bankinn gerði sátt við Fjármálaeftirlit Seðlabankans eftir að í ljós kom að hann hafði ekki tilkynnt um grunsamleg hlutabréfaviðskipti tveggja viðskiptavina á árunum 2022 og 2023, þrátt fyrir skýrar vísbendingar um mögulega markaðsmisnotkun.

Viðskipti innlent

Bein út­sending: Umhverfisdagur at­vinnu­lífsins

Umhverfisdagur atvinnulífsins fer fram í dag á Grand Hótel Reykjavík og hefst klukkan 13:00 með opnunarávarpi Bjarna Benediktssonar, framkvæmdastjóra Samtaka atvinnulífsins. Þá verða einnig veitt Umhverfisverðlaun atvinnulífsins 2026 en sýnt verður frá deginum í beinni á Vísi.

Viðskipti innlent

Gagn­rýnir að ekkert bóli á að­gerðum varðandi skatt­lagningu tæknirisa

Guðmundur Halldór Björnsson, framkvæmdastjóri sölu- og markaðsmála Sýnar, gagnrýnir í aðsendri grein á Vísi að enn hafi engar aðgerðir verið kynntar um skattlagningu alþjóðlegra tæknifyrirtækja. Hann segir fjölmiðlafyrirtæki verða að geta treyst boðuðum aðgerðum og kallar eftir því að brugðist sé við. Málið er ekki á þingmálaskrá stjórnvalda.

Viðskipti innlent

Kaldvík fær enn frekari frest

Lánveitendur sjókvíeldisfyrirtækisins Kaldvíkur framlengdu enn frekar frest tímabundinnar undanþágu félagsins frá lánaskilmálum. Stóð til að frestur rynni út í dag en hefur hann verið framlengdur til miðvikudags.

Viðskipti innlent

Hjúkrunar­heimili í Ný­herja­húsið

Reitum hefur borist tilkynning frá Framkvæmdasýslunni – Ríkiseignum þess efnis að Borgartún 37 hafi verið valið í markaðskönnun um hjúkrunarheimili á höfuðborgarsvæðinu en mat tilboða byggðist meðal annars á verði, stærð, staðsetningu og öryggi. Húsið hýsti um árabil upplýsingatæknifyrirtækið Nýherja, sem varð síðar að Origo.

Viðskipti innlent

ÁTVR segir upp og sparar 150 milljónir

Sviðum ÁTVR verður fækkað um eitt og staða eins framkvæmdastjóra lögð niður, auk þess sem stöðugildum á skrifstofu og í dreifingarmiðstöð verður fækkað um tæplega sex, í hagræðingaraðgerðum. Með þeim er áætlað að spara um 150 milljónir króna á ári.

Viðskipti innlent

Ella frá Marel til Lands­bankans

Elín Gränz hefur verið ráðin sem mannauðsstjóri Landsbankans. Hún starfar í dag sem mannauðsstjóri rekstrarsviðsins Meat & Prepared Foods hjá JBT Marel, með ábyrgð á mannauðsmálum í Evrópu og Norður-Ameríku en hefur störf hjá Landsbankanum í upphafi næsta árs.

Viðskipti innlent

Frá­farandi for­stjóri Lands­virkjunar opnar sig um starfs­lokin

Það vakti mikla athygli þegar Hörður Arnarson, fráfarandi forstjóri Landsvirkjunar, tilkynnti starfslok sín en hann gaf engin skýr svör við því hvers vegna hann hafi ákveðið að hætta fyrr. Nú hefur hann sagt ágreining sem olli starfslokunum meðal annars tilkominn vegna skorts á umboði og trausti í sinn garð en hann gangi mjög sáttur frá borði og fyrirtækið sé á góðum stað.

Viðskipti innlent

Mest lesið