Góði hirðirinn opnar úti­bú í mið­borginni

Góði hirðirinn mun opna útibú í nýbyggingu á horni Barónstígs og Hverfisgötu í Reykjavík á fimmtudaginn.

Morgunblaðið segir frá þessu þar sem haft ef eftir Ruth Einarsdóttur, rekstrarstjóra Góða hirðisins, að verslunin verði í 300 fermetra rými og að vöruframboðið verði þverskurður af því sem hafi verið í boði í Góða hirðinum, en fyrir er rekin verslun í Fellsmúla.

Verslunin er uppspretta – pop-up verslun – sem verður starfrækt yfir jólin, en ef við gengur sé til skoðunar að verslunin verði áfram við Hverfisgötu 94.

Ruth segir í samtali við blaðið að með versluninni sé meðal annars verið að höfða til þess hóps ungra sem er að hefja búskap í miðborginni. Sömuleiðis þeirra sem eru að leita að hönnunarvöru á borð við tekkhúsgögn, auk þess að áhersla verði lögð á sölu notaðra bóka.

Hún segir sömuleiðis að í þessu árferði þá séu margir hættir rekstri íbúða til útleigu á AirBnB og því hafi framboð á notuðum húsgögnum aukist að undanförnu.