Sveinn Bjarki ráðinn tækni­stjóri Swapp Agen­cy

Í tilkynningu segir að Sveinn muni hafa yfirumsjón með þróun stafrænna lausna og tækniumhverfi Swapp Agency sem býður fyrirtækjum upp á lausn við að setja upp starfsfólk í fjarvinnu í öðrum löndum.

„Sveinn starfaði áður sem forritari hjá Origo og kom þar að ýmsum verkefnum, til að mynda hönnun og forritun á sýnatöku- og bólusetningarkerfi fyrir íslenska heilbrigðiskerfið í Covid-19 faraldrinum. Þar áður starfaði hann við forritun hjá Advania.

Sveinn er með B.S. gráðu í tölvunarfræði frá Háskóla Íslands,“ segir í tilkynningunni.