Viðskipti innlent

Bar Ananas endurheimtir húsnæðið og opnar á ný

Snorri Másson skrifar
Mæja Sif Daníelsdóttir rekstrarstjóri á nýjum Bar Ananas.
Mæja Sif Daníelsdóttir rekstrarstjóri á nýjum Bar Ananas. Bar Ananas

Bar Ananas opnaði á ný í kvöld í sama húsnæði og endranær, eftir að hafa legið í dvala í þrjú ár. Barinn, sem er á horni Klapparstígs og Grettisgötu, verður með nýju sniði og í takt við tímann; náttúruvín og kokteilar á krana, segir rekstrarstjóri.

„Við ætlum að bjóða upp á einfaldan en góðan barseðil, við verðum með kokteila á krana, úrval af góðum bjór og náttúruvíni. Við höldum í gömlu góðu gleðina sem var á Bar Ananas en þó með nýrri umgjörð. Þetta þarf ekki að vera flókið, bara skemmtilegt,“ segir Mæja Sif Daníelsdóttir rekstrarstjóri í tilkynningu til fréttastofu um málið.

Bar Ananas var þekktur fyrir suðrænt yfirbragð þegar hann var og hét á tímabilinu 2014-2018. Eftir það lokaði hann og veitingastaðurinn Papaku var rekinn í húsnæðinu í tvö ár. Sá lagði upp laupana þegar kórónuveiran skall á í fyrra.

Veitingastaðir Faraldur kórónuveiru (COVID-19) Reykjavík


Mest lesið


Fleiri fréttir

Sjá meira


×

Mest lesið