Engin bráð hætta á „bíólausu Íslandi“ Jón Þór Stefánsson skrifar 1. mars 2025 15:02 Til stendur að halda Sambíóunum í Álfabakka. Vísir/Vilhelm Alfreð Ásberg Árnason, framkvæmdastjóri Sambíóanna, segir íslenskan bíómarkað standa frammi fyrir áskorunum, líkt og hækkandi rekstrarkostnaði og breyttu neyslumynstri. Þrátt fyrir það sé ekki hætta á að Ísland verði bíólaust. „Það er óumdeilt að streymisveitur og ólöglegt niðurhal hafa haft áhrif á rekstrarumhverfi bíóhúsa. Hins vegar sjáum við einnig sterkar vísbendingar um að fólk hafi enn mikinn áhuga á bíóupplifuninni,“ segir Alfreð. Hann nefnir að aukin aðsókn sé á ákveðnar kvikmyndir, líkt og sérstaklega stórar verðlaunamyndir. Þá hafi sýningar á klassískum myndum og aðrir sérviðburðir einnig verið að njóta vaxandi vinsælda. Þá segir hann streymisveitur jafnframt hafa jákvæða hluti í för með sér. Þær hafi kennt fleirum að horfa á myndir frá öðrum löndum, og þá nefnir hann sérstaklega spænskumælandi kvikmyndir. „Hvað varðar framtíð kvikmyndahúsa á Íslandi, þá teljum við enga bráða hættu á „bíólausu Íslandi“. Hins vegar eru áskoranir til staðar, svo sem hækkandi rekstrarkostnaður og breytt neyslumynstur,“ segir Alfreð. „Bíómarkaðurinn hefur verið stöðugur undanfarin tvö ár með um eina milljón gesta á ári. Fyrir 2020 var heildarfjöldi gesta á bilinu 1,2 til 1,4 milljónir, en eins og margir þekkja hefur verið krefjandi að vinna sig út úr þeim áskorunum sem heimsfaraldurinn skapaði,“ segir Alfreð sem bætir við að hann hafi trú á því að aðsóknin verði betri á komandi árum. Standi til að halda áfram í Álfabakka Á dögunum var greint frá því að bíóhúsið í Álfabakka, þar sem Sambíóin hafa verið til húsa um áratugaskeið, hafi verið selt. „Álfabakki var í eigu föður míns, Árna Samúelssonar, sem seldi fasteignina. Það stendur þó til að reka kvikmyndahús áfram í Álfabakka. Orðrómur hefur verið um aðra starfsemi í húsinu, en það varðar kjallarann, þar sem áður var skemmtistaðurinn Broadway sem Ólafur Laufdal átti. Það stendur til að koma með nýja starfsemi í þann hluta hússins,“ segir Alfreð. Sambíóin Álfabakka opnuðu þann 2. mars 1982.Vísir/Vilhelm Í umfjöllun Morgunblaðsins um söluna var haft eftir Þórarni Arnari Sævarssyni, einn kaupandanna, að það væri „athyglisverð hugmynd“ að opna keilusal í húsinu. Alfreð bendir á að þegar bíóið hóf göngu sína í Álfabakka í mars 1982, hafi því verið velt upp hvort tímabært væri að opna nýtt kvikmyndahús á tímum þegar VHS-myndbandstæki væru að ryðja sér til rúms. „Þessi umræða hefur fylgt bíórekstri allar götur síðan, en kvikmyndahúsin hafa staðið af sér ýmsar breytingar í tækni og neysluhegðun.“ Óskarinn auki aðsókn Óskarsverðlaunin fara fram vestanhafs um helgina og sýna Sambíóin nú sex myndir sem tilnefndar eru sem besta mynd, en þær eru The Brutalist, Anora, The Substance, A Complete Unkown, og Conclave. Alfreð segir að þau hjá Sambíóunum finni fyrir auknum áhuga í kringum Óskarsverðlaunin. „Á hverju ári sjáum við að tilnefningar og verðlaun geta haft töluverð áhrif á aðsókn, sérstaklega þegar um sterkar myndir er að ræða. Það er skemmtilegt að sjá hvernig verðlaunahátíðir eins og Óskarsverðlaunin vekja áhuga fólks á kvikmyndum.“ Klassík og listamyndir fá aukna aðsókn Undanfarið hafa Sambíóin verið duglegri að sýna klassískar sem og listrænar kvikmyndir. Alfreð segir að aðsókn í þær hafa aukist. „Þetta var drifkrafturinn á bak við þá stefnu að bæta slíkum myndum við dagskrána okkar. Þótt aðsókn í þessar myndir sé ekki jafnmikil og í vinsælustu Hollywood-myndunum, hefur hún vaxið stöðugt og við höfum fengið afar jákvæð viðbrögð við þessari þróun,“ segir Alfreð. „Fyrir tilkomu myndbandaleiga var algengt að sýna eldri kvikmyndir reglulega í bíóhúsum, og það var mikil hefð fyrir því á árum áður. Við höfum ákveðið að endurvekja þessa hefð með sérstökum sýningum á klassískum myndum, sem hefur mælst vel fyrir hjá kvikmyndaáhugafólki.“ Til stendur að sýna nokkrar kvikmyndir eftir David Lynch, sem féll frá á dögunum, í mars. Þá sé á dagskrá að sýna The French Connection í ágúst til heiðurs Gene Hackman, en greint var frá andláti hans í gær. „Við munum án efa sýna fleiri myndir með Gene Hackman á næstunni. Hann var frábær leikari. Blessuð sé minning hans.“ Að sögn Alfreðs voru tóku eldri myndir um fjögur prósent af heildarmarkaðnum á síðasta ári, en listrænar kvikmyndir um sex prósent. Þá hafi íslenskar kvikmyndir tekið sextán prósent af heildaraðsókninni í Sambíóunum Kringlunni. Þá minnist Alfreð á fjölskyldumyndir með pólsku tali hafi verið að vekja lukku. Þúsund til tvö þúsund manns hafi verð að mæta á þannig sýningar. „Það er þó hægt að gera enn betur fyrir pólska samfélagið og fleiri hópa með fjölbreyttara framboði mynda á þeirra tungumáli.“ Kvikmyndahús Bíó og sjónvarp Mest lesið Vaktin: Tollar Trump valda usla Viðskipti erlent Tæknirisarnir sjö fengu skell þegar markaðir opnuðu Viðskipti erlent Öll félög lækkuðu nema þrjú Viðskipti innlent Neita að skila umsögn um frumvarpið fyrir tilskilinn frest Viðskipti innlent 36 manns sagt upp í tveimur hópuppsögnum Viðskipti innlent Ísland megi ekki verða á milli í stríði ESB og Bandaríkjanna Viðskipti innlent Bæði vonbrigði og léttir Viðskipti innlent Eistnesk að kenna íslensku: „Þúst, ehaggibara og kúka” Atvinnulíf Ísland ekki á spjaldi Trumps en fær samt tíu prósenta toll Viðskipti erlent Tollar alltaf slæmir og skaða lífskjör almennings Viðskipti innlent Fleiri fréttir Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum „Þetta er afnotagjald“ Sjá meira
„Það er óumdeilt að streymisveitur og ólöglegt niðurhal hafa haft áhrif á rekstrarumhverfi bíóhúsa. Hins vegar sjáum við einnig sterkar vísbendingar um að fólk hafi enn mikinn áhuga á bíóupplifuninni,“ segir Alfreð. Hann nefnir að aukin aðsókn sé á ákveðnar kvikmyndir, líkt og sérstaklega stórar verðlaunamyndir. Þá hafi sýningar á klassískum myndum og aðrir sérviðburðir einnig verið að njóta vaxandi vinsælda. Þá segir hann streymisveitur jafnframt hafa jákvæða hluti í för með sér. Þær hafi kennt fleirum að horfa á myndir frá öðrum löndum, og þá nefnir hann sérstaklega spænskumælandi kvikmyndir. „Hvað varðar framtíð kvikmyndahúsa á Íslandi, þá teljum við enga bráða hættu á „bíólausu Íslandi“. Hins vegar eru áskoranir til staðar, svo sem hækkandi rekstrarkostnaður og breytt neyslumynstur,“ segir Alfreð. „Bíómarkaðurinn hefur verið stöðugur undanfarin tvö ár með um eina milljón gesta á ári. Fyrir 2020 var heildarfjöldi gesta á bilinu 1,2 til 1,4 milljónir, en eins og margir þekkja hefur verið krefjandi að vinna sig út úr þeim áskorunum sem heimsfaraldurinn skapaði,“ segir Alfreð sem bætir við að hann hafi trú á því að aðsóknin verði betri á komandi árum. Standi til að halda áfram í Álfabakka Á dögunum var greint frá því að bíóhúsið í Álfabakka, þar sem Sambíóin hafa verið til húsa um áratugaskeið, hafi verið selt. „Álfabakki var í eigu föður míns, Árna Samúelssonar, sem seldi fasteignina. Það stendur þó til að reka kvikmyndahús áfram í Álfabakka. Orðrómur hefur verið um aðra starfsemi í húsinu, en það varðar kjallarann, þar sem áður var skemmtistaðurinn Broadway sem Ólafur Laufdal átti. Það stendur til að koma með nýja starfsemi í þann hluta hússins,“ segir Alfreð. Sambíóin Álfabakka opnuðu þann 2. mars 1982.Vísir/Vilhelm Í umfjöllun Morgunblaðsins um söluna var haft eftir Þórarni Arnari Sævarssyni, einn kaupandanna, að það væri „athyglisverð hugmynd“ að opna keilusal í húsinu. Alfreð bendir á að þegar bíóið hóf göngu sína í Álfabakka í mars 1982, hafi því verið velt upp hvort tímabært væri að opna nýtt kvikmyndahús á tímum þegar VHS-myndbandstæki væru að ryðja sér til rúms. „Þessi umræða hefur fylgt bíórekstri allar götur síðan, en kvikmyndahúsin hafa staðið af sér ýmsar breytingar í tækni og neysluhegðun.“ Óskarinn auki aðsókn Óskarsverðlaunin fara fram vestanhafs um helgina og sýna Sambíóin nú sex myndir sem tilnefndar eru sem besta mynd, en þær eru The Brutalist, Anora, The Substance, A Complete Unkown, og Conclave. Alfreð segir að þau hjá Sambíóunum finni fyrir auknum áhuga í kringum Óskarsverðlaunin. „Á hverju ári sjáum við að tilnefningar og verðlaun geta haft töluverð áhrif á aðsókn, sérstaklega þegar um sterkar myndir er að ræða. Það er skemmtilegt að sjá hvernig verðlaunahátíðir eins og Óskarsverðlaunin vekja áhuga fólks á kvikmyndum.“ Klassík og listamyndir fá aukna aðsókn Undanfarið hafa Sambíóin verið duglegri að sýna klassískar sem og listrænar kvikmyndir. Alfreð segir að aðsókn í þær hafa aukist. „Þetta var drifkrafturinn á bak við þá stefnu að bæta slíkum myndum við dagskrána okkar. Þótt aðsókn í þessar myndir sé ekki jafnmikil og í vinsælustu Hollywood-myndunum, hefur hún vaxið stöðugt og við höfum fengið afar jákvæð viðbrögð við þessari þróun,“ segir Alfreð. „Fyrir tilkomu myndbandaleiga var algengt að sýna eldri kvikmyndir reglulega í bíóhúsum, og það var mikil hefð fyrir því á árum áður. Við höfum ákveðið að endurvekja þessa hefð með sérstökum sýningum á klassískum myndum, sem hefur mælst vel fyrir hjá kvikmyndaáhugafólki.“ Til stendur að sýna nokkrar kvikmyndir eftir David Lynch, sem féll frá á dögunum, í mars. Þá sé á dagskrá að sýna The French Connection í ágúst til heiðurs Gene Hackman, en greint var frá andláti hans í gær. „Við munum án efa sýna fleiri myndir með Gene Hackman á næstunni. Hann var frábær leikari. Blessuð sé minning hans.“ Að sögn Alfreðs voru tóku eldri myndir um fjögur prósent af heildarmarkaðnum á síðasta ári, en listrænar kvikmyndir um sex prósent. Þá hafi íslenskar kvikmyndir tekið sextán prósent af heildaraðsókninni í Sambíóunum Kringlunni. Þá minnist Alfreð á fjölskyldumyndir með pólsku tali hafi verið að vekja lukku. Þúsund til tvö þúsund manns hafi verð að mæta á þannig sýningar. „Það er þó hægt að gera enn betur fyrir pólska samfélagið og fleiri hópa með fjölbreyttara framboði mynda á þeirra tungumáli.“
Kvikmyndahús Bíó og sjónvarp Mest lesið Vaktin: Tollar Trump valda usla Viðskipti erlent Tæknirisarnir sjö fengu skell þegar markaðir opnuðu Viðskipti erlent Öll félög lækkuðu nema þrjú Viðskipti innlent Neita að skila umsögn um frumvarpið fyrir tilskilinn frest Viðskipti innlent 36 manns sagt upp í tveimur hópuppsögnum Viðskipti innlent Ísland megi ekki verða á milli í stríði ESB og Bandaríkjanna Viðskipti innlent Bæði vonbrigði og léttir Viðskipti innlent Eistnesk að kenna íslensku: „Þúst, ehaggibara og kúka” Atvinnulíf Ísland ekki á spjaldi Trumps en fær samt tíu prósenta toll Viðskipti erlent Tollar alltaf slæmir og skaða lífskjör almennings Viðskipti innlent Fleiri fréttir Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum „Þetta er afnotagjald“ Sjá meira