Einkaþotufyrirtæki með skrautlega sögu svipt starfsleyfi vegna öryggismála Kjartan Kjartansson skrifar 24. janúar 2025 07:02 Einkaþota í aðflugi að Reykjavíkurflugvelli. Hilmar segir fyrirtæki sitt hafa þjónustað um 80 prósent einkaþotna á flugvellinum undanfarin ár. Vísir/Vilhelm Isavia svipti stærsta flugþjónustufyrirtæki einkaþotna starfsleyfi á bæði Reykjavíkur- og Keflavíkurflugvelli vegna öryggisástæðna í síðustu viku. Eigandi fyrirtækisins segir að sviptingin hafi verið kærð til Samgöngustofu en Isavia vill ekki svara hvers vegna rekstrarleyfið var tekið af því. Rekstrarleyfi ACE FBO á báðum flugvöllum var afturkallað með hálfs sólarhrings fyrirvara á miðvikudag í síðustu viku, að sögn Hilmars Ágústs Hilmarssonar, eiganda fyrirtækisins. Aðalástæðan sem Isavia hafi gefið upp hafi verið öryggisatriði og að fyrirtækið væri hættulegt á flugvöllunum. Isavia vildi ekki staðfesta að ACE FBO hefði verið svipt rektrarleyfi vegna þess að það tjáði sig ekki um málefni einstakra rekstraraðila, aðeins að flugþjónustufyrirtækið væri ekki með starfsemi á Keflavíkur- og Reykjavíkurflugvelli líkt og komið hafi fram í formlegri tilkynningu til flugrekstraraðila. Athugasemdir voru gerðar við nokkur atriði í kjölfar úttektar Isavia á ACE FBO í sumar, að sögn Hilmars. Isavia hafi meðal annars krafist gagna um þjálfun starfsmanna fyrirtækisins og um viðhald á búnaði. Svör fyrirtækisins við þeim athugasemdum hafi ekki verið talin fullnægjandi. „Við bættum úr öllum þessum atriðum. Þetta var bara skriffinnska. Við erum alltaf búin að gera allt rétt,“ segir Hilmar við Vísi. Isavia hafi hins vegar ekki brugðist við frekari svörum fyrirtækisins. „Við fengum bréf sent á miðvikudaginn klukkan hálf tvö og þeir segja að frá og með miðnætti megum við ekki lengur afgreiða,“ segir Hilmar en þá hafi fyrirtækið átt von á nokkrum flugvélum. Isavia sér um rekstur bæði Reykjavíkur- og Keflavíkurflugvallar. Það segist ekki gefa neinn afslátt af öryggiskröfum en vill ekki upplýsa hvers vegna ACE FBO var svipt rekstrarleyfi.Vísir/Vilhelm Enginn afsláttur af öryggiskröfum Hilmar furðar sig á hversu hart Isavia hafi gengið fram gegn fyrirtæki sínu sem þjónustaði um 1.500 flugvélar í fyrra. Þá þykir honum sérstakt að rekstrarleyfi fyrirtækisins sé afturkallað bæði í Reykjavík og í Keflavík þrátt fyrir að athugasemdirnar sem Isavia gerði hafi aðeins verið á síðarnefnda flugvellinum. Isavia hafi hafnað ósk fyrirtækisins um að taka málið upp aftur. Því segir Hilmar að búið sé að kæra ákvörðunina til Samgöngustofu. „Þetta eru ekki eðlileg samskipti, þetta er mjög óeðlilegt allt saman,“ segir hann. Í skriflegu svari við fyrirspurn Vísis segir Isavia að það „gefi engan afslátt af kröfum í starfsemi flugvallanna þegar kemur að öryggismálum“. Það vildi ekki svara neinum spurningum um forsendur sviptingarinnar eða við hvaða öryggisatriði athugasemdir hefur verið gerðar. Dómur fyrir skjalafals og með Sigga hakkara í vinnu Saga ACE FBO er nokkuð skrautleg. ACE FBO ehf. var úrskurðað gjaldþrota árið 2020. Starfsemin hefur verið rekin í félaginu ACE FBO Reykjavík ehf. síðustu ár. Hilmar hlaut sextíu daga skilorðsbundinn fangelsisdóm fyrir skjalafals árið 2018. Hann var fundinn sekur um að falsa afrit af hæfnisprófi fyrir Bombardier-flugvél þegar hann sótti um endurútgáfu af flugliðaskírteini sínu árið 2015, að því er kom fram í umfjöllun DV á sínum tíma. Nafn hans kom einnig fyrir í Panamaskjölunum svonefndu. Þar var einnig fjallað um önnur félög í eigu Hilmars á Reykjavíkurflugvelli. Sigurður Ingi Þórðarson, betur þekktur sem Siggi hakkari, var skráður stjórnarformaður og framkvæmdastjóri eins þeirra félaga. Hann hefur hlotið refsidóma, meðal annars fyrir barnaníð og fjársvik. Reykjavíkurflugvöllur Keflavíkurflugvöllur Fréttir af flugi Stjórnsýsla Mest lesið Segja upp 52 sjómönnum Viðskipti innlent Varað við svörtum eldhúsáhöldum Neytendur Síðasta hláturskast tók verulega á grindarbotninn Atvinnulíf Segir skilið við Grillmarkaðinn Viðskipti innlent Baðlón og nýr veitingastaður Gísla Matt í Laugarási Viðskipti innlent Himinháar kröfur í galtóm bú veitingamanna á Akureyri Viðskipti innlent Milljarðar Menntasjóðsins skrítnir þegar stúdentar sligist undan vöxtum Neytendur Að taka því ekki persónulega hvernig týpa þinn yfirmaður er Atvinnulíf Góð ráð: Draumastarfið á draumavinnustaðnum Atvinnulíf Fylltu tankinn fyrir tólf hundruð krónur vegna kommuvillu Viðskipti innlent Fleiri fréttir Segja upp 52 sjómönnum Tuttugu þúsund færri farþegar á milli ára Frá Seðlabankanum í sýndarheima CCP Hagnaður jókst um tæpan helming milli ára Truflanir á greiðsluhirðingu Rapyd Fylltu tankinn fyrir tólf hundruð krónur vegna kommuvillu Kveður Heimildina og hefur störf hjá Rauða krossinum Metsætanýting í febrúar hjá Icelandair Segir skilið við Grillmarkaðinn Skipar í valnefndir til að meta umsækjendur um stjórnarsetu Bein útsending: Iðnþing 2025 – Ísland á stóra sviðinu Airbus vottuð með hreyflum sem knýja þotur Icelandair Vill færa RÚV nær fyrirkomulaginu á Norðurlöndunum Grunnskólarnir pöntuðu fjögur þúsund pizzur Slæm staða einkarekinna fjölmiðla kom á óvart Árétta að uppsagnir geti verið liður í framkvæmd samruna Bein útsending: Magnast spennan – Orkuöryggi í breyttu umhverfi Tilnefningar til Íslensku vefverðalaunanna Norræni bankinn fjármagnar þrjú verkefni Heima Nýir eigendur endurreisa Snúruna Ráðinn yfirverkefnastjóri Colas Halldóra Fanney, Auður Erla og Sunna Ösp ráðnar til Samkaupa Starfsfólki fjölgar hjá RÚV en hríðfækkar í bransanum Eldrauður dagur í Kauphöllinni Bein útsending: Ársfundur Landsvirkjunar Stækka Smárabíó og bæta við þrettán veitingastöðum í Smáralind Gunnar tekur við af Hálfdáni hjá Örnu 64 sagt upp í þremur hópuppsögnum Baðlón og nýr veitingastaður Gísla Matt í Laugarási Sérfræðingur í gervigreind til KPMG Sjá meira
Rekstrarleyfi ACE FBO á báðum flugvöllum var afturkallað með hálfs sólarhrings fyrirvara á miðvikudag í síðustu viku, að sögn Hilmars Ágústs Hilmarssonar, eiganda fyrirtækisins. Aðalástæðan sem Isavia hafi gefið upp hafi verið öryggisatriði og að fyrirtækið væri hættulegt á flugvöllunum. Isavia vildi ekki staðfesta að ACE FBO hefði verið svipt rektrarleyfi vegna þess að það tjáði sig ekki um málefni einstakra rekstraraðila, aðeins að flugþjónustufyrirtækið væri ekki með starfsemi á Keflavíkur- og Reykjavíkurflugvelli líkt og komið hafi fram í formlegri tilkynningu til flugrekstraraðila. Athugasemdir voru gerðar við nokkur atriði í kjölfar úttektar Isavia á ACE FBO í sumar, að sögn Hilmars. Isavia hafi meðal annars krafist gagna um þjálfun starfsmanna fyrirtækisins og um viðhald á búnaði. Svör fyrirtækisins við þeim athugasemdum hafi ekki verið talin fullnægjandi. „Við bættum úr öllum þessum atriðum. Þetta var bara skriffinnska. Við erum alltaf búin að gera allt rétt,“ segir Hilmar við Vísi. Isavia hafi hins vegar ekki brugðist við frekari svörum fyrirtækisins. „Við fengum bréf sent á miðvikudaginn klukkan hálf tvö og þeir segja að frá og með miðnætti megum við ekki lengur afgreiða,“ segir Hilmar en þá hafi fyrirtækið átt von á nokkrum flugvélum. Isavia sér um rekstur bæði Reykjavíkur- og Keflavíkurflugvallar. Það segist ekki gefa neinn afslátt af öryggiskröfum en vill ekki upplýsa hvers vegna ACE FBO var svipt rekstrarleyfi.Vísir/Vilhelm Enginn afsláttur af öryggiskröfum Hilmar furðar sig á hversu hart Isavia hafi gengið fram gegn fyrirtæki sínu sem þjónustaði um 1.500 flugvélar í fyrra. Þá þykir honum sérstakt að rekstrarleyfi fyrirtækisins sé afturkallað bæði í Reykjavík og í Keflavík þrátt fyrir að athugasemdirnar sem Isavia gerði hafi aðeins verið á síðarnefnda flugvellinum. Isavia hafi hafnað ósk fyrirtækisins um að taka málið upp aftur. Því segir Hilmar að búið sé að kæra ákvörðunina til Samgöngustofu. „Þetta eru ekki eðlileg samskipti, þetta er mjög óeðlilegt allt saman,“ segir hann. Í skriflegu svari við fyrirspurn Vísis segir Isavia að það „gefi engan afslátt af kröfum í starfsemi flugvallanna þegar kemur að öryggismálum“. Það vildi ekki svara neinum spurningum um forsendur sviptingarinnar eða við hvaða öryggisatriði athugasemdir hefur verið gerðar. Dómur fyrir skjalafals og með Sigga hakkara í vinnu Saga ACE FBO er nokkuð skrautleg. ACE FBO ehf. var úrskurðað gjaldþrota árið 2020. Starfsemin hefur verið rekin í félaginu ACE FBO Reykjavík ehf. síðustu ár. Hilmar hlaut sextíu daga skilorðsbundinn fangelsisdóm fyrir skjalafals árið 2018. Hann var fundinn sekur um að falsa afrit af hæfnisprófi fyrir Bombardier-flugvél þegar hann sótti um endurútgáfu af flugliðaskírteini sínu árið 2015, að því er kom fram í umfjöllun DV á sínum tíma. Nafn hans kom einnig fyrir í Panamaskjölunum svonefndu. Þar var einnig fjallað um önnur félög í eigu Hilmars á Reykjavíkurflugvelli. Sigurður Ingi Þórðarson, betur þekktur sem Siggi hakkari, var skráður stjórnarformaður og framkvæmdastjóri eins þeirra félaga. Hann hefur hlotið refsidóma, meðal annars fyrir barnaníð og fjársvik.
Reykjavíkurflugvöllur Keflavíkurflugvöllur Fréttir af flugi Stjórnsýsla Mest lesið Segja upp 52 sjómönnum Viðskipti innlent Varað við svörtum eldhúsáhöldum Neytendur Síðasta hláturskast tók verulega á grindarbotninn Atvinnulíf Segir skilið við Grillmarkaðinn Viðskipti innlent Baðlón og nýr veitingastaður Gísla Matt í Laugarási Viðskipti innlent Himinháar kröfur í galtóm bú veitingamanna á Akureyri Viðskipti innlent Milljarðar Menntasjóðsins skrítnir þegar stúdentar sligist undan vöxtum Neytendur Að taka því ekki persónulega hvernig týpa þinn yfirmaður er Atvinnulíf Góð ráð: Draumastarfið á draumavinnustaðnum Atvinnulíf Fylltu tankinn fyrir tólf hundruð krónur vegna kommuvillu Viðskipti innlent Fleiri fréttir Segja upp 52 sjómönnum Tuttugu þúsund færri farþegar á milli ára Frá Seðlabankanum í sýndarheima CCP Hagnaður jókst um tæpan helming milli ára Truflanir á greiðsluhirðingu Rapyd Fylltu tankinn fyrir tólf hundruð krónur vegna kommuvillu Kveður Heimildina og hefur störf hjá Rauða krossinum Metsætanýting í febrúar hjá Icelandair Segir skilið við Grillmarkaðinn Skipar í valnefndir til að meta umsækjendur um stjórnarsetu Bein útsending: Iðnþing 2025 – Ísland á stóra sviðinu Airbus vottuð með hreyflum sem knýja þotur Icelandair Vill færa RÚV nær fyrirkomulaginu á Norðurlöndunum Grunnskólarnir pöntuðu fjögur þúsund pizzur Slæm staða einkarekinna fjölmiðla kom á óvart Árétta að uppsagnir geti verið liður í framkvæmd samruna Bein útsending: Magnast spennan – Orkuöryggi í breyttu umhverfi Tilnefningar til Íslensku vefverðalaunanna Norræni bankinn fjármagnar þrjú verkefni Heima Nýir eigendur endurreisa Snúruna Ráðinn yfirverkefnastjóri Colas Halldóra Fanney, Auður Erla og Sunna Ösp ráðnar til Samkaupa Starfsfólki fjölgar hjá RÚV en hríðfækkar í bransanum Eldrauður dagur í Kauphöllinni Bein útsending: Ársfundur Landsvirkjunar Stækka Smárabíó og bæta við þrettán veitingastöðum í Smáralind Gunnar tekur við af Hálfdáni hjá Örnu 64 sagt upp í þremur hópuppsögnum Baðlón og nýr veitingastaður Gísla Matt í Laugarási Sérfræðingur í gervigreind til KPMG Sjá meira