Greiningardeild Arion banka spáir því að vísitala neysluverðs hækki um 0,35 prósent nú í nóvember sem er eilítið hærri spá en bráðabirgðaspá bankans frá því í október síðastliðnum sem hljóðaði upp á 0,25 prósent.
Í tilkynningu frá greiningardeildinni segir að þessi spá þýði að tólf mánaða taktur verðbólgu hækki í 3,4 prósent úr 2,8 prósent frá síðasta mánuði.
„Helstu áhrifaþættir á vísitölu neysluverðs til hækkunar í nóvember eru að okkar mati nánast allir undirliðir aðrir en eldsneyti og flugfargjöld til útlanda. Af liðum til hækkunar má helst nefna matarkörfuna, farartæki, kostnaður við húsnæði, áfengi, tómstundir (m.a. sjónvörp ), fatnaður og húsgögn. Áhrif krónunnar gætir í öllum þessum liðum. Í skammtímalíkani Greiningardeilar tekur það um 1-2 mánuði frá því að krónan veikist þar til fyrstu áhrifa gætir í hækkandi verðlagi,“ segir í tilkynningu greiningardeildar en nánar má lesa um málið hér.
Spá meiri verðbólgu á næstunni
Tengdar fréttir
Gengi hinnar sveiflukenndu krónu vart haggast þrátt fyrir stórar fréttir úr viðskiptalífinu
Sveiflur á gengi krónunnar í október voru miklar en gengið hefur verið stöðugt það sem af er nóvembermánuði.
Krónan veikist
Gengi íslensku krónunnar veiktist nokkuð myndarlega í dag.
Seðlabankinn reiknar með 3 prósenta verðbólgu strax í desember
Horfur eru á að verðbólga haldi áfram að aukast og býst Seðlabankinn við þriggja prósenta verðbólgu strax í desember.
