Bryndís ráðin sem sölu og markaðsstjóri hjá Artasan

Bryndís Ragna Hákonardóttir hefur verið ráðin sem sölu og markaðsstjóri hjá Artasan. Bryndís er menntaður viðskiptafræðingur frá The American College í Bandaríkjunum.

Bryndís mun vera yfir nýrri heilsuvörudeild og er hún meðal annars útskrifaður næringarþerapisti frá Center for Ernæring og Terapi í Kaupmannahöfn og hefur því veitt ráðgjöf og upplýsingar um heilsu og lífsstíl til hópa sem og einstaklinga.

Áður vann Bryndís sem útflutningsstjóri hjá Kjötumboðinu og sem vörumerkjastjóri hjá Nóa Siríus.