Erlendar

Enn skorar Drogba

Nú er kominn hálfleikur í viðureignunum þremur sem standa yfir í ensku úrvalsdeildinni í knattspyrnu. Didier Drogba heldur áfram að skora grimmt fyrir Chelsea og kom liðinu yfir á þriðju mínútu gegn Aston Villa, en gestirnir náðu að jafna leikinn á síðustu mínútu fyrri hálfleiks með marki frá Gabriel Agbonlahor.

Enski boltinn 30.9.2006 14:51

Bolton lagði Liverpool

Bolton gerði sér lítið fyrir og lagði Liverpool 2-0 í fyrsta leik dagsins í ensku úrvalsdeildinni. Gary Speed kom heimamönnum yfir eftir hálftíma leik og Ivan Campo tryggði Bolton sigurinn með laglegu skallamarki í upphafi síðari hálfleiksins. Þetta var þriðji tapleikur Liverpool í röð á útivelli, liðið hefur aðeins krækt í eitt stig á útivöllum það sem af er leiktíðinni.

Enski boltinn 30.9.2006 13:41

Alonso á ráspól í Kína

Heimsmeistarinn Fernando Alonso verður á ráspól í Kínakappakstrinum á morgun eftir að hafa náð besta tímanum í tímatökum í morgun. Michael Schumacher varð að láta sér lynda sjötta sætið, en hann átti erfitt uppdráttar í rigningunni í Shanghai í dag. Giancarlo Fisichella náði öðrum besta tímanum og Honda mennirnir Jenson Button og Rubens Barrichello náðu þriðja og fjórða besta tímanum.

Formúla 1 30.9.2006 13:35

Domenech framlengir til 2010

Knattspyrnuþjálfarinn Raymond Domenech hefur framlengt samning sinn við franska knattspyrnusambandið til þriggja ára og mun því að öllu óbreyttu stýra franska landsliðinu fram yfir HM í Suður-Afríku árið 2010.

Sport 29.9.2006 17:47

Tveir Cech-ar í landsliðshópnum

Karel Brueckner, landsliðsþjálfari Tékka í knattspyrnu, hefur nú valið landsliðshóp sinn sem mætir San Marino og Írum í D-riðli undankeppni EM í næsta mánuði. Einn nýliði verður í hópnum, en það er markvörðurinn Marek Cech frá Slovan Leberec og verður honum ætlað að vera varamaður fyrir nafna sinn Peter Cech hjá Chelsea.

Sport 29.9.2006 18:08

Krefst sönnunargagna í árásum á ensku knattspyrnuna

Brian Barwick vill að það sé á tæru að ef menn ætli sér að leggja fram gögn sem sýna eigi fram á spillingu í ensku knattspyrnunni, verði þeir að leggja fram gögn til að sanna mál sitt svo hægt sé að greina staðreyndir frá áróðri.

Enski boltinn 29.9.2006 17:38

Van Bommel í hópinn á ný

Miðjumaðurinn Mark Van Bommel hjá Bayern Munchen hefur nokkuð óvænt verið kallaður aftur inn í landsliðshóp Hollendinga sem mætir Búlgaríu og Armeníu í undankeppni EM í næsta mánuði.

Sport 29.9.2006 17:52

Krísufundur vegna máls Larry Brown kvöld

Í dag verður haldinn krísufundur hjá New York Knicks þar sem fulltrúar félagsins munu ræða við fyrrum þjálfara félagsins Larry Brown og hans fylgdarlið, þar sem umræðuefnið verður óuppgerður samningur þjálfarans frá því hann var rekinn í júní í sumar.

Körfubolti 29.9.2006 18:16

Woods í algjörum sérflokki

Besti kylfingur heims, Bandaríkjamaðurinn Tiger Woods, er í algjörum sérflokki á heimsmótinu í golfi sem fram fer á Englandi og hefur nú fimm högga forystu á þrjá næstu menn á mótinu eftir að leiknir hafa verið tveir hringir.

Golf 29.9.2006 17:26

Srnicek kominn aftur til Newcastle

Hinn gamalreyndi tékkneski markvörður Pavel Srnicek hefur gert samning við enska úrvalsdeildarfélagið Newcastle og verður varamarkvörður liðsins fram í janúar. Srnicek er öllum hnútum kunnugur á St James Park, en hann varði mark liðsins í sjö ár í upphafi síðasta áratugar. Hann er 38 ára gamall og spilaði síðast með liði í Portúgal.

Enski boltinn 29.9.2006 16:38

Þrjár breytingar á landsliðshóp Eyjólfs

Eyjólfur Sverrisson hefur gert þrjár breytingar á landsliðshópnum sem mætir Lettum og Svíum í undankeppni EM í næsta mánuði. Pétur Hafliði Marteinsson, Marel Jóhann Baldvinsson og Emil Hallfreðsson koma inn í hópinn fyrir Heiðar Helguson, Gunnar Heiðar Þorvaldsson og Ólaf Örn Bjarnason.

Sport 29.9.2006 16:02

Scott Parker kominn aftur í hóp Englendinga

Steve McClaren hefur nú tilkynnt 24 manna hóp sinn sem mætir Makedónum og Króötum í eundankeppni EM í næsta mánuði og þar ber hæst að miðjumaðurinn Scott Parker fær aftur tækifæri með liðinu eftir meira en tveggja ára fjarveru. Þrátt fyrir að mikil meiðsli séu á meðal miðjumanna í landsliðshópnum, er þar ekkert pláss fyrir fyrrum fyrirliða enska liðsins David Beckham.

Sport 29.9.2006 16:22

Þrír nýliðar í landsliðshópi Loew

Joachim Loew hefur kallað þrjá nýliða inn í landsliðshóp sinn fyrir leiki Þjóðverja gegn Georgíu og Slóvakíu í næsta mánuði. Þetta eru miðjumaðurinn Piotr Trochowski frá HSV, Jan Schlaudraff frá Aachen og varnarmaðurinn Clemens Fritz. Þá verður markvörðurinn Robert Enke frá Hannover einnig í hópnum, en sá hefur áður verið kallaður inn í þýska hópinn án þess þó að spila leik.

Sport 29.9.2006 13:39

Allt í járnum í Kína

Það er ekki laust við að spennan sé að verða óbærileg í Shanghai í Kína þar sem æfingar standa nú yfir fyrir Kínakappaksturinn í Formúlu 1 um helgina. Keppinautarnir um heimsmeistaratitil ökumanna, Fernando Alonso og Michael Schumacher, komu í mark á nánast nákvæmlega sama tíma í dag.

Formúla 1 29.9.2006 13:23

Hendrie lánaður til Stoke

Miðjumaðurinn Lee Hendrie hjá Aston Villa hefur nú verið lánaður til 1. deildarliðs Stoke City. Hendrie var á árum áður fastamaður í liði Villa, en hefur aðeins einu sinni komið inn sem varamaður á þessari leiktíð. Honum verður nú ætlað að hressa upp á miðjuspilið hjá Tony Pulis og félögum í Stoke, sem hafa aðeins unnið einn af fyrstu níu leikjum sínum í deildinni.

Enski boltinn 29.9.2006 13:18

Raul úti í kuldanum í fyrsta skipti í áratug

Gulldrengurinn Raul frá Real Madrid náði í dag þeim vafasama áfanga að vera ekki valinn í landsliðshóp Spánverja af ástæðum öðrum en meiðslum í fyrsta sinn í áratug. Raul verður ekki í leikmannahópi Spánverja sem mæta Svíum í undankeppni EM í næstu viku.

Sport 29.9.2006 13:30

Silvestre nýjasta nafnið á meiðslalistanum

Franski landsliðsmaðurinn Mikael Silvestre hjá Manchester United verður frá keppni í allt að sex vikur eftir að í ljós kom að hann er með brákað bein í ristinni. Hann varð fyrir þessum meiðslum í leiknum gegn Arsenal á dögunum, en þessi 29 ára gamli varnarmaður hefur verið fastamaður í liði United í fjölda ára. Meiðsli hans eru af sömu tegund og þau sem hrjáð hafa menn á borð við Michael Owen og Wayne Rooney svo einhverjir séu nefndir.

Enski boltinn 29.9.2006 13:13

Sleppur við lögregluákæru

Varnarmaðurinn Ben Thatcher hjá Manchester City sleppur með skrekkinn við lögregluákæru eftir líkamsárás sína á Pedro Mendes, leikmann Portsmout, í leik liðanna fyrir nokkrum vikum. Mendes óskaði eftir því á sínum tíma að farið yrði með málið innan knattspyrnuhreyfingarinnar og það er talið hafa orðið til þess að lögregluyfirvöld hafa nú ákveðið að blanda sér ekki í málið.

Enski boltinn 29.9.2006 13:06

Shevchenko og Bellamy eru enn ekki farnir að skora

Glenn Roeder, stjóri Newcastle, var skiljanlega sáttur við frammistöðu framherjans Obafemi Martins í kvöld þegar hann skoraði bæði mörk liðsins í sigrinum á eistneska liðinu Levadia Tallin á St James Park.

Sport 28.9.2006 23:00

Úrslitin gefa ekki rétta mynd af leiknum

Alan Pardew var að vonum vonsvikinn með niðustöðuna í kvöld þegar hans menn í West Ham steinlágu 3-0 fyrir ítalska liðinu Palermo frá Sikiley í Evrópukeppni félagsliða og eru því úr leik samtals 4-0. Pardew sagði úrslitin gefa óraunhæfa mynd af leiknum.

Sport 28.9.2006 22:53

Woods í stuði á heimsmótinu

Bandaríski stjörnukylfingurinn Tiger Woods hristi heldur betur af sér vonbrigðin í Ryder keppninni í kvöld þegar hann lék fyrsta hringinn á heimsmótinu sem fram fer á Englandi á 63 höggum eða 8 undir pari. Woods hefur eins höggs forystu á Ian Poulter og Padraig Harrington. Woods hefur fjórum sinnum unnið sigur á mótinu.

Golf 28.9.2006 22:49

Jay Williams snýr aftur

Leikstjórnandinn Jay Williams hefur skrifað undir samning við New Jersey Nets í NBA deildinni en hann hefur ekki spilað leik í þrjú ár eftir að hafa lent í mjög alvarlegu bifhjólaslysi í júní árið 2003.

Körfubolti 28.9.2006 22:23

Tim Borowski meiddur

Þýski landsliðsmaðurinn Tim Borowski hjá Werder Bremen verður frá keppni í tvær til þrjár vikur að sögn lækna félagsins eftir að hann meiddist á fæti í leiknum gegn Barcelona í gærkvöldi. Þetta þýðir að Borowski mun missa af leik Þjóðverja og Georgíu í byrjun næsta mánaðar - sem og næsta leik Bremen í Evrópukeppninni.

Fótbolti 28.9.2006 21:52

Góður sigur hjá Flensburg

Viggó Sigurðsson og lærisveinar hans í þýska liðinu Flensburg unnu í kvöld mikilvægan 35-28 sigur á króatísku meisturunum RK Zagreb á heimavelli sínum í kvöld í leik sem sýndur var beint á Eurosport 2 á Digital Ísland. Joachim Boldsen skoraði 8 mörk fyrir Flensburg og Lars Christiansen skoraði 7 mörk.

Handbolti 28.9.2006 21:33

Öruggur sigur hjá Blackburn

Enska úrvalsdeildarliðið Blackburn vann í kvöld sannfærandi 2-0 sigur á Salzburg í Evrópukeppni félagsliða og tryggði sér sæti í riðlakeppninni með 4-2 sigri í einvíginu. Benni McCarthy og David Bentley skoruðu mörk Blackburn í leiknum og réðu heimamenn ferðinni frá upphafi til enda.

Sport 28.9.2006 21:13

West Ham úr leik

Ítalska liðið Palermo var ekki í teljandi vandræðum með að slá enska liðið West Ham úr leik í forkeppni Evrópukeppni félagsliða í kvöld og vann síðari leik liðanna 3-0 á heimavelli sínum á Sikiley eftir að hafa sigrað 1-0 í fyrri leiknum á Englandi á dögunum.

Sport 28.9.2006 20:59

Tottenham áfram

Tottenham komst í kvöld áfram í riðlana í Evrópukeppni félagsliða eftir tilþrifalítinn 1-0 sigur á tékkneska liðinu Slavia Prag og vann því samanlagt 2-0. Það var fyrirliðinn Robbie Keane sem skoraði sigurmarkið þegar skammt var eftir af leiknum, en bæði lið fengu reyndar dauðafæri á lokasprettinum.

Sport 28.9.2006 20:52

Newcastle í riðlakeppnina

Newcastle vann nokkuð þægilegan 2-1 sigur á Levadia Tallin í forkeppni Evrópukeppni félagsliða í kvöld og er því komið í riðlakeppnina með samtals 3-1 sigri í einvíginu. Það var Obafemi Martins sem gerði út um leikinn með tveimur mörkum með skömmu millibili í upphafi síðari hálfleiks. Kristinn Jakobsson dæmdi leikinn ásamt þremur íslenskum aðstoðarmönnum og komst ágætlega frá verkefninu.

Sport 28.9.2006 20:36

Viggó og félagar í beinni á Eurosport

Viggó Sigurðsson og lærisveinar hans í þýska handknattleiksliðinu Flensburg etja nú kappi við Króatíumeistara RK Zagreb í meistaradeildinni og er leikurinn sýndur beint á Eurosport 2 sem er að finna Fjölvarpi Digital Ísland.

Handbolti 28.9.2006 20:22

Kominn með HM húðflúr

Varnarmaðurinn umdeildi Marco Materazzi hjá Inter Milan er búinn að fá sér enn eitt húðflúrið og er það minnisvarði um sigur Ítala á HM í sumar. Materazzi komst þar eins og allir vita í heimsfréttirnar með því að verða fyrir reiðum skalla Zinedine Zidane, en ítalski varnarmaðurinn skoraði líka mark Ítala í leiknum dramatíska.

Fótbolti 28.9.2006 19:32