Eig­andi Michelin-staðar á­kærður fyrir notkun maura í mat

Eigandinn hefur játað að maurar hafi verið notaðir í matseld en aðeins í nokkra rétti og aðallega til skrauts. Viðskiptavinir hafi verið upplýstir um notkun maurana og getað valið um annað skraut.

Þá hefur eigandinn bent á að maurar séu notaðir á veitingastöðum í Ástralíu, Bretlandi og Danmörku.

Maurar eru ekki meðal þeirra tíu skordýrategunda sem heimilt er að bera á borð í Suður-Kóreu. Horft er til nokkurra þátta þegar notkun skordýra er leyfð, meðal annars öryggis, næringargildis og þess hvort hægt sé að rækta dýrin á hreinlátan hátt.

Meðal þeirra skordýra sem eru leyfð til átu eru engisprettur og krybbur.

Samkvæmt heilbrigðisyfirvöldum var magn þungamálma í maurunum 55-falt á við magnið í öðrum ætum skordýrum.

Yfirvöld telja að um 49 þúsund maurar hafi verið notaðir í matseld á staðnum á fjórum árum.

Tíu veitingastaðir í Suður-Kóreu eru með tvær Michelin-stjörnur, allir í Seúl.