Krist­rún og von der Leyen í útsýnisflugi um eld­gosið

Kristrún sem bauð von der Leyen svo um um borð í Tf-Eir, þyrlu landhelgisgæslunnar, þegar þær hittust í morgun. Þyrlan tók svo á loft og flaug í suðausturátt að Þorlákshöfn og þar hvarf vélin af flugkortum.

„Þvílíkt útsýni,“ sagði von der Leyen í morgun er þær stóðu á flugvellinum í Vatnsmýrinni í Reykjavík.

„Finnst þér þetta utsýni?“ svaraði Kristrún. „Þetta er bara byrjunin.“ Þær stigu svo upp í þyrlu gæslunnar.

Viggó Sigurðsson á bakvakt aðgerðasviðs gæslunnar segist lítið mega gefa upp um ferðir þyrlunnar af öryggisástæðum en viðurkennir að förinni sé meðal annars heitið að Sundhnúksgígaröðinni á Reykjanesskaga þar sem þær munu væntanlega skoða eldgosið sem staðið hefur yfir á svæðinu síðasta sólarhring.

Von der Leyen dvelur á Íslandi dagana 16. til 18. júlí. Á meðan dvölinni stendur mun hún funda með Kristrúnu Frostadóttur forsætisráðherra og Þorgerði Katrínu Gunnarsdóttur utanríkisráðherra. Að sögn forsætisráðuneytisins var efnt til heimsóknarinnar í kjölfar fundar Kristrúnu með von der Leyen í Brussel í apríl.

Tilgangur heimsóknar framkvæmdastjórans er til að ræða stöðu alþjóðamála, öryggis- og varnarmála, viðskiptamála, almannavarna og loftslagsmála.