Fréttir af flugi

Fréttir af flugi

Allt það helsta sem viðkemur flugi.

Fréttir í tímaröð

Fréttamynd

Vilja hefja einn stærsta flug­völl landsins til vegs og virðingar

Náttúruverndarsamtök Austurlands og Landhelgisgæslan heiðruðu Ómar Ragnarsson í dag með dagsferð á Sauðárflugvöll á hálendi Austurlands. Ómar kom flugvellinum á kortið í baráttu sinni fyrir náttúruvernd á Austurlandi og gegn Kárahnjúkavirkjun. Ómar segir brýnt að viðhalda flugbrautum þar og auka vitneskju um völlinn, öryggisins vegna.

Innlent
Fréttamynd

Næturborun í sjó lokið og verk­takar þakka í­búum þolin­mæðina

Síðustu vikur hefur borun staðið yfir að næturlagi í sjónum úti fyrir Kársnesi en henni er nú lokið. Borunin er skref í smíði Fossvogsbrúar sem verður 270 metra löng, allt að sautján metra breið og opnar þann 16. júní árið 2028, ef allt fer eftir áætlun. Staðarstjóri segir framkvæmdina vera hreint út sagt ótrúlega en meðal þeirra sem hafa komið að smíðinni eru atvinnukafarar sem sérhæfa sig í logsuðu neðansjávar.

Innlent
Fréttamynd

Dani lést í þyrluslysinu

Annar tveggja manna sem létust eftir að tvær slökkiliðsþyrlur skullu saman í loftinu í Grikklandi í dag var danskur ríkisborgari. Hinn var heimamaður.

Erlent
Fréttamynd

Sexan milli­lendir aftur í Reykja­vík

Douglas DC 6B-flugvél austurríska félagsins The Flying Bulls er væntanleg til Reykjavíkur síðdegis í dag á heimleið úr fjögurra vikna sýningarflugi um Bandaríkin. Þetta er eina flughæfa sexan í heiminum sem hefur leyfi til að fljúga með farþega.

Innlent
Fréttamynd

Bæta við sex nýjum Airbus-vélum

Icelandair hefur undirritað leigusamninga fyrir sex Airbus A320neo flugvélar og heldur þannig áfram færslu sinni frá Boeing-flugvélum yfir í Airbus. Vélarnar verða komnar í þjónustu félagsins fyrir sumarið 2028 og verða Airbus-vélar félagsins þá orðnar tuttugu alls. 

Viðskipti innlent
Fréttamynd

Stór­slysa­leg fyrsta upp­lifun af landinu

Móðir April Dobbins og dóttir eru meðal þeirra sem lentu í miklum hremmingum á Keflavíkurflugvelli við komuna til landsins nú fyrir helgi. April segir móður sína, sem er á áttræðisaldri, hafa verið algjörlega búna eftir að hafa staðið í tveggja tíma röð í Leifsstöð.

Innlent
Fréttamynd

Flug­maðurinn er fundinn

Björgunarsveitir og þyrla landhelgisgæslunnar voru kallaðar út til leitar og björgunar eftir að flugmanni svifvængs hlekktist á og hann varð viðskila við samferðamenn sunnan Mýrdalsjökuls. Hann hefur nú verið fluttur á Landspítalann til skoðunar og aðhlynningar á bráðamóttöku.

Innlent
Fréttamynd

Renni­braut vélarinnar hafi virkjast á flug­hlaði

Nítíu og þrír, eða helmingur farþega vélar Icelandair urðu eftir á flugvelli í Alicante á Spáni í dag eftir að hún var rýmd vegna bilunar í neyðarútgangi vélarinnar. Flestir þurftu að fljúga heim í fleiri en einum fluglegg. Flogið var til Íslands með hinn helming farþega vélar Icelandair eftir einhverja seinkun en barnafjölskyldur voru settar í forgang. 

Innlent
Fréttamynd

„Eins og ein­hverjir fá­vitar á gólfinu, korter í að grenja“

„Það kom enginn að tala við okkur. Það voru engar upplýsingar. Við stóðum og sátum eins og einhverjir fávitar á gólfinu, korter í að grenja, allar geðveikt pirraðar og búnar á því. Klukkan var svo seint um nóttina. Síðan horfum við í kringum okkur og sjáum bara einhverjar fjölskyldur og krakka sofandi í ferðatösku. Það var líka einhver eldgömul kona að rífa kjaft við alla.“ 

Innlent
Fréttamynd

Fjöl­skyldur skildar eftir á Alicante um miðja nótt

Tugir Íslendinga, þar á meðal fjölskyldur með ung börn, voru skildir eftir á flugvellinum í Alicante á Spáni í nótt vegna bilunar sem kom upp í flugvél Icelandair. Allir farþegarnir voru komnir um borð í flugvélina þegar bilun á neyðarútgangi hennar varð til þess að hún var rýmd af farþegum og farangri og einungis helmingur farþega fékk að fara aftur um borð.

Innlent
Fréttamynd

Stærsta rafflugvélin fær grænt ljós á fyrsta flug

Rafmagnsflugvélin sem líklegust þykir til að ryðja brautina í átt að sjálfbærum og arðbærum mengunarlausum flugsamgöngum hefur fengið samþykki bandarísku flugmálastjórnarinnar, FAA, til að fara í sitt fyrsta reynsluflug og hefja flugprófanir. Icelandair hefur með viljayfirlýsingu skráð sig fyrir kaupum á fimm eintökum þessarar tegundar.

Innlent
Fréttamynd

Þúsund sjúkra­flug á árinu: „Fyrsta skipti sem við brjótum þann múr“

Sjúkraflugferðum hefur fjölgað umtalsvert á milli ára en slökkviliðsstjóri á Akureyri segir ástæðurnar vera margar. Það hafi hátt í níutíu flugferðir verið skráðar það sem af er liðnum júlímánuði, sem sé met, en gott veður víða um land, ferðamannastraumur og minni heilbrigðisþjónusta í boði á landsbyggðinni sé meðal þess sem valdi miklum fjölda ferða. Það sé nauðsynlegt að auka fjármagn til að tryggja góða þjónustu.

Innlent
Fréttamynd

„Klappað eins og það væri stór­stjarna að koma inn“

Ferðaþjónustuaðilar lýsa ófremdarástandi á Keflavíkurflugvelli vegna mikils biðtíma sem skapast hefur í kjölfar innleiðingar nýs kerfis í landamæraeftirliti hérlendis. Ferðamenn, sem séu margir hverjir á efri árum, séu margir að bíða í allt á þriðja tíma en lögregla segist kappkosta að manna eftirlitið. Nýtt sjálfvirkt kerfi verði vonandi komið í gagnið í haust.

Innlent

Mest lesið