Innlent

Miðflokkur rýkur upp en Sjálf­stæðis­flokkur dalar

Sólrún Dögg Jósefsdóttir skrifar
Sigmundur Davíð Gunnlaugsson er formaður Miðflokksins.
Sigmundur Davíð Gunnlaugsson er formaður Miðflokksins. Vísir/Anton brink

Fylgi Sjálfstæðisflokksins mælist 17,3 prósent í nýjustu könnun Maskínu og lækkar þar með um 1,6 prósent. Samfylkingin bætir við sig frá síðustu könnun Maskínu og mælist nú með 28,1 prósenta fylgi. 

Í niðurstöðum könnunarinnar kemur fram að fylgi Viðreisnar lækki um eitt og hálft prósent, úr 16,8 prósentum í 15,3 prósent.

Miðflokkurinn bætir mest við sig, fer úr 9,7 prósentum í þrettán prósent. Fylgi Framsóknar haggast varla frá síðustu könnun Maskínu og mælist nú sjö prósent. 

Flokkur fólksins, sem mældist með 13,8 prósenta fylki í kosningunum í nóvember 2024, mælist í 6,6 prósentum en í maí mældist fylgi hans í 7,2 prósentum. 

Lítil hreyfing er á fylgi Pírata (4,6 prósent), Sósíalistaflokksins (4,4 prósent) og Vinstri grænna (3,7 prósent).

Könnunin fór fram dagana 20. til 24. júní 2025 og voru 876 svarendur sem tóku afstöðu til flokks. Maskína
Skoðanakannanir Alþingi

Mest lesið


Fleiri fréttir

Sjá meira


×

Mest lesið