Ró að færast yfir LA eftir fjögur hundruð hand­tökur

AP hefur eftir lögreglunni að flestar handtökurnar hafi verið framkvæmdar vegna þess að mótmælendur hlýddu ekki fyrirmælum lögreglu. Þá hafa einhverjir verið handteknir fyrir að ganga í skrokk á lögreglumönnum og fyrir vörslu sprengiefna.

Í frétt BBC segir að 330 hinna handteknu séu óskráðir innflytjendur. Einn hafi verið handtekinn vegna gruns um tilraun til manndráps eftir að hafa ráðist að lögreglumanni. 

Í gærkvöldi var komið á útgöngubanni í hluta Los Angeles til að stöðva gripdeildir og ofbeldi af hálfu mótmælenda. Fjögur þúsund þjóðvarðliðar og sjö hundruð landgönguliðar höfðu þá verið sendir til borgarinnar vegna mótmælanna. 

Karen Bass borgarstjóri Los Angeles kenndi áhlaupum Innflytjendastofnunnar Bandaríkjanna (ICE) um hvernig fór á blaðamannafundi í dag. Útsendarar ICE og annarra löggæslustofnanna hafa fjölgað áhlaupum sínum og handtökum víðs vegar um Bandaríkin að undanförnu.

Markmiðið er verða við loforði Donalds Trump, forseta Bandaríkjanna, um að fjölga brottvísunum fólks sem ólöglega í Bandaríkjunum.

Á blaðamannafundinum sagði Bass að LA væri hluti af tilraun til að ákvarða hve langt ríkisstjórnin gæti gengið inn á valdsvið borgarstjórnarinnar. Hún hefur áður biðlað til ríkisstjórnarinnar að binda enda á áhlaupin.