Erlent

Engin tímamótaskref tekin á fundi Rússa og Úkraínu­manna

Silja Rún Sigurbjörnsdóttir skrifar
Fulltrúar Rússlands mæta á fundinn í höfuðborg Tyrklands.
Fulltrúar Rússlands mæta á fundinn í höfuðborg Tyrklands. AP

Fulltrúar Rússlands og Úkraínu áttu í friðarviðræðum í Istanbúl í dag. Fundurinn stóð yfir í tæpa klukkustund. Þetta er í annað skipti sem fulltrúar landana funda. 

Engin tímamótaskref voru tekin á fundinum í dag samkvæmt umfjöllun Reuters. Fundurinn var haldinn í skugga umfangsmikla árása Úkraínumanna þar sem þeir grönduðu yfir fjörutíu flugvélum Rússa með sprengjudrónum langt innan landamæra Rússlands.

Á fundinum samþykktu báðar hliðar að skila hvor um sig jarðneskum leyfum sex þúsund hermanna sem hafa fallið í stríðinu. 

Að auki munu fara fram fangaskipti. Að sögn Rustem Umerov, varnarmálaráðherra Úkraínumanna og leiðtogi úkraínsku sendinefndarinnar, verða umræddir fangar helst þeir sem eru alvarlega særðir eftir stríðsátökin og ungt fólk. Sambærileg fangaskipti áttu sér stað um miðjan maí eftir fyrsta fund fulltrúa ríkjanna en þá var skipts á þúsund föngum.

Umerov sagði einnig að Rússar hefðu afhent drög að friðarsamkomulagi sem Úkraínumenn myndu taka til skoðunar. 

339 börnum „bjargað“

Á fundinum báðu Úkraínumenn einnig um lista frá Rússum yfir öll úkraínsku börnin sem flutt hafa verið til Rússlands. Vladimir Medinskí, ráðgjafi Vladimírs Pútíns og leiðtogi rússnesku sendinefndarinnar sagði að Rússar hefðu tekið börn þar sem þeir væru að vernda þau fyrir stríðsátökunum.

Medinskí, sagði að 339 nöfn úkraínska barna væru á lista yfir börn sem hafi verið „bjargað.“




Fleiri fréttir

Sjá meira


×