Skipu­leggur þú tímann þinn?

Hér koma nokkrar pælingar á föstudegi varðandi tímanotkun.

Að mínu mati er tíminn minn og athygli mikilvægasti gjaldmiðill sem ég hef. Því ég fæ tímann minn aldrei aftur. Ekki eins og pening sem ég get alltaf eignast að nýju ef ég eyði honum.

1. Þá spyr maður sig hvernig er ég að eyða tíma mínum?
2. Hvernig vil ég nýta tímann í fullkomnum heimi?
3. Hvernig get ég nýtt tímann núna og í framtíðinni?

Hér koma nokkur ráð sem ég nota persónulega til að nýta tímann minn sem best!!

1. Vera með skýran ásetning í því hvernig ég vil nýta daginn minn. Það getur verið mismunandi eftir tímabilum.

- a. Stundum er ég í vinnu tímabili og þá er ég að forgangsraða því að vinna sem mest.

- b. Stundum er ég í æfingatímabili og þá set ég meiri tíma í æfingar.

- c. Stundum er það slökun og frí, sem er líka mjög mikilvægt!!

2. Reyni að forðast hluti sem munu skaða mig í framtíðinni og leggja áherslu á að gera frekar hluti sem munu gagnast mér í framtíðinni.

- a. Ég reyni að forðast áfengi og slík efni alla virka daga og oft um helgar líka ef ég er að keppa eða vinna. Því það hefur slæm áhrif á svefn, lundarfar, líðan og orku daginn eftir. Ég vil vera í topp standi næstum alla daga.

- b. Sé til þess að hreyfa mig á hverjum degi því mér líður svo vel eftir á og það hjálpar mér að halda mér í formi.

- c. Legg mig fram við að hafa sambönd og samskipti við fólk góð. Byggi ég það á því að segja sannleikann og vera hreinskilinn. Það getur oft verið mjög erfitt.

3. Skoða dagatalið mitt með þennan ásetning ☝️ .

4. Set upp hvern dag kvöldið áður og skipulegg vikuna vel fram í tímann.

5. Er grimmur í því að segja nei við hlutum sem hjálpa mér ekki að ná markmiðum mínum.

6. En síðan já við öllum hinum hlutunum sem koma mér nær því.

- a. Eins og æfingar, vinna, sund með vinum, matur með vinum og fjölskyldu og fleira.

7. Smá mikilvægt lokaráð í lokin.

- a. Fer yfir skjá tíma í símanum mínum og sé hversu mikið ég er að eyða í samfélagsmiðla og fleira. Reyni að vera mjög meðvitaður um hversu mikill tími fer í tilganslaust áhorf á líf annara sem kemur mér ekkert við. 🤪

- b. Ef það gerist þá stoppa í strax og beini athygli minni að næsta verkefni.

Vona að þessi ráð hjálpi ykkur inn í helgina að nýta tímann rétt, það mun láta ykkur líða betur við það að njóta líðandi stundar.

Góða helgi.

Magnús Jóhann Hjartarson, BS – Sálfræði, Einkaþjálfari.