Rýnt í stöðuna í Úkraínu: „Við verðum að gera tímann að vopni okkar“ Samúel Karl Ólason skrifar 30. janúar 2023 15:00 Úkrainskur hermaður í Donetsk-héraði að flytja skotfæri fyrir stórskotalið. Getty/Mustafa Ciftci Vólódímír Selenskí, forseti Úkraínu, kallaði í gærkvöldi eftir því að bakhjarlar ríkisins flýti vopnasendingum til landsins. Harðir bardagar geisa víða í austurhluta Úkraínu, þar sem Rússar virðast hafa gefið í á undanförnum dögum. „Rússar vonast til að draga stríðið á langinn, að draga móðinn úr sveitum okkar,“ sagði Selenskí í ávarpi sínu í gær. „Við verðum að gera tímann að vopni okkar.“ Með því átti forsetinn við að Úkraína þyrfti fleiri vopn og fyrr. Bakhjarlar Úkraínu hafa heitið því að senda tugi vestrænna skriðdreka til landsins en það ferli gæti tekið allt frá nokkrum mánuðum upp í nokkur ár. Að mestu er um að ræða Leopard 2 skriðdreka sem framleiddir eru í Þýskalandi, Challenger 2 skriðdreka frá Bretlandi og Abrams skriðdreka frá Bandaríkjunum. Í stöðuskýrslu bandarísku hugveitunnar Institute for the study of war í gær sagði að tafir á vopnasendingum til Úkraínu hefðu komið niður á Úkraínumönnum. Þeir hefðu ekki getað nýtt sér mistök Rússa vegna þeirra tafa. Delays in the provision to #Ukraine of Western long-range fires systems, advanced air defense systems, and tanks have limited Ukraine s ability seize opportunities for larger counter-offensive operations presented by #Russian military failures.https://t.co/7WRrRyBAOA pic.twitter.com/jI6o4cue8c— ISW (@TheStudyofWar) January 30, 2023 Rússar sagðir sækja fram í bylgjum Eins og áður segir geisa harðir bardagar víða í austurhluta Úkraínu. Það er sérstaklega við Bakhmut og Vuhledar í Donetsk-héraði. Þar hafa Rússar náð hægum en kostnaðarsömum árangri á undanförnum dögum og vikum. Selenskí sagði í gær að hersveitir Úkraínu í héraðinu séu undir stöðugum árásum. New York Times hefur eftir embættismönnum í Úkraínu að Rússar hendi sér áfram í bylgjum án tillits til mannfalls og þannig veiki þeir varnir Úkraínumanna og sæki hægt fram. Myndefni frá Vuhledar sem birt hefur verið á undanförnum dögum gefur til kynna að Rússar hafi orðið fyrir gífurlegu mannfalli þar. Rússar hafa einnig verið að sækja hægt fram í Saprisíjahéraði. #Ukraine: The Ukrainian 72nd Brigade destroyed and damaged a IMR-2 combat engineering vehicle, two BMP-2 IFV and two BMP-3 IFV of the Russian army during an attempted attack in the vicinity of Vuhledar, #Donetsk Oblast. pic.twitter.com/ESFVX3fxIJ— Ukraine Weapons Tracker (@UAWeapons) January 29, 2023 Undirbúa sig fyrir aukin átök Bæði Rússar og Úkraínumenn vinna að því að þjálfa og vopna nýjar sveitir fyrir vorið en þá búast sérfræðingar við því að hitna muni í kolunum í Úkraínu. Rússar eru að þjálfa kvaðmenn og hafa heitið því að fjölga hermönnum töluvert á næstu árum. Ráðamenn á Vesturlöndum og Úkraínu segja líklegt að Rússar muni kveðja fleiri menn í herinn á næstunni en herkvaðningin sem farið var í haust, eftir að Úkraínumenn frelsuðu Karkív-hérað, er enn í gildi svo tæknilega séð gætu Rússar kvatt menn í herinn án þess að tilkynna nýja herkvaðningu. Til að sjá grófa mynd af stöðunni á víglínunum í Úkraínu má skoða kort ISW hér að neðan eða hér á vef hugveitunnar. Here are today's control-of-terrain maps for #Russia's invasion of #Ukraine from @TheStudyofWar and @criticalthreats We have added a dedicated Zaporizhia battle map to our slate.Click here to see our interactive map, updated daily: https://t.co/tXBburiWEN pic.twitter.com/eJV6QOZLMX— ISW (@TheStudyofWar) January 29, 2023 Vilja orrustuþotur Selenskí og aðrir ráðamenn í Úkraínu vilja fá vopnin fyrr og þeir vilja sömuleiðis að Vesturlönd taki fyrr ákvörðun um að senda frekari vopn, eins og langdrægari eldflaugar og orrustuþotur. Sama dag og Úkraínumönnum var lofað vestrænum skriðdrekum, báðu þeir um vestrænar orrustuþotur. Eins og með skriðdrekana, þá hafa ráðamenn í Austur-Evrópu sent Úkraínumönnum orrustuþotur og þyrlur sem framleiddar voru á tímum Sovétríkjanna en Úkraínumenn segjast þurfa vestrænar orrustuþotur. Fyrir því eru að miklu leyti sömu ástæður og fyrir því að Úkraínumenn vilja og þurfa vestræna skriðdreka. F–16 orrustuþotur eru í notkun víða um heim. Þessi tiltekna þota er í eigu danska flughersins.EPA/HANNIBAL HANSCHKE Í stuttu máli sagt, þá eru vestrænar orrustuþotur betri en þær rússnesku og þær eru framleiddar á Vesturlöndum. Standi stríðið yfir í einhver ár munu Úkraínumenn þurfa Vestræn vopn þar sem skotfæri, varahlutir og annað sem þarf til að reka rússneskar orrustuþotur er ekki framleitt í Vesturlöndum. Sjá einnig: Rússar undirbúa sig fyrir langvarandi stríð Til lengri tíma þá þurfa Úkraínumenn nánast alfarið að taka upp vestræn vopn, eigi að halda stuðningi við þá áfram. Í stríðinu hafa Rússar nánast gert út af við innlenda hergagnaframleiðslu í Úkraínu, svo Úkraínumenn þurfa að reiða sig á stuðning Vesturlanda. Eins og áður segir vilja Úkraínumenn orrustuþotur og þá helst F-16 þotur, sem framleiddar eru í Bandaríkjunum. Þær þotur eru í notkun víða um heim og til í miklu magni. Þá eru F-35 þoturnar víða að leysa F-16 af hólmi og því mögulegt að ráðamenn víða geti ímyndað sér að láta slíkar orrustuþotur frá sér. Olaf Scholz, kanslari Þýskalands, og aðrir ráðamenn þar hafa sagt að þeir muni ekki senda orrustuþotur til Úkraínu. Þýski flugherinn hefur notast við Tornado orrustuþotur um langt skeið. Þjóðverjar eru þó að kaupa F-35 þotur, eins og svo margir aðrir.EPA/SASCHA STEINBACH Pólverjar fara í hernaðaruppbygginu Mateusz Morawiecki, forsætisráðherra Póllands, sagði á blaðamannafundi í morgun að Pólverjar ætluðu að auka verulega fjárútlát til varnarmála, svo þau yrðu um fjögur prósent af vergri landsframleiðslu ríkisins á þessu ári. Hlutfallið var 2,4 prósent í fyrra. Hann sagði innrás Rússa í Úkraínu hafa sýnt fram á þörf sterkari varna og að uppbyggingin þyrfti að vera hröð. Morawiecki sagði að mögulega yrði það hæsta hlutfallið innan Atlantshafsbandalagsins. Samkvæmt DW var hlutfallið hæst í Grikklandi í fyrra eða 3,76 prósent. Í Bandaríkjunum var það svo 3,47 prósent. Meðlimir NATO eru hvattir til að verja minnst tveimur prósentum af landsframleiðslu til varnarmála. Áköll eftir aukinni hernaðaruppbyggingu heyrast nú víða í Evrópu, þar sem málaflokkurinn þykir hafa verið vanhirtur um árabil. Donald Trump, fyrrverandi forseti Bandaríkjanna, gagnrýndi önnur ríki NATO harðlega vegna þessa. Sjá einnig: Macron ætlar í mikla hernaðaruppbyggingu Pólverjar eru að kaupa mikið magn hergagna frá Bandaríkjunum og Suður-Kóreu. Þeir eru til að mynda að kaupa Abrams skriðdreka og F-35 orrustuþotur frá Bandaríkjunum og skriðdreka og stórskotaliðsvopn frá Suður-Kóreu. Pólverjar eru meðal annars að kaupa K2 Black Panther skriðdreka frá Suður-Kóreu.EPA/YONHAP Morawiecki sagði á fundinum í morgun að Pólland væri tilbúið að útvega Úkraínumönnum F-16 orrustuþotur en það þyrfti að gera í samfloti með öðrum NATO-ríkjum. Ráðamenn í Hollandi hafa áður sagt að til greina komi að gefa Úkraínumönnum F-16 orrustuþotur. Samkvæmt frétt CNN eiga Hollendingar 24 slíkar þotur eftir Vilja einnig eldflaugar Úkraínumenn vilja einnig fá eldflaugar sem gera þeim kleift að gera árásir á birgðageymslur og stjórnstöðvar rússneska hersins sem eru langt frá víglínunum í Úkraínu. Fyrr í stríðinu fengu Úkraínumenn HIMARS-eldflaugakerfi sem gerðu þeim kleift að gera árásir í um sjötíu kílómetra fjarlægð frá víglínunum. Það hafði mikil áhrif á stríðið um tíma og leiddi til þess að Rússar þurftu að færa birgðastöðvar sínar og stjórnstöðvar lengra frá víglínunni. Sjá einnig: Farsímanotkun sögð hafa leitt til einnar mannskæðustu árásar stríðsins Nú vilja Úkraínumenn leika sama leikinn aftur og því leggja þeir mikla áherslu á að fá eldflaugar sem kallast ATACMS. Oleksii Reznikov, varnarmálaráðherra Úkraínu, sagði í viðtali við kanadíska ríkisútvarpið í gær að hann væri vongóður um að viðræður um þessi vopnakerfið gætu skilað árangri á næstu vikum. „Fyrir mér er allt það sem er ómögulegt í dag mögulegt á morgun,“ sagði hann í viðtalinu. Dmitrí Peskóv, talsmaður Vladimírs Pútíns, forseta Rússlands.EPA/VALERIY SHARIFULIN Dmitrí Peskóv, talsmaður Vladimírs Pútíns, forseta Rússlands, sagði í morgun að sífellt fleiri vopnasendingar til Úkraínu myndu leiða til og hefðu leitt til stigmögnunar. Hin sértæka hernaðaraðgerð, eins og Rússar kalla innrásina í Úkraínu stundum, myndi þó halda áfram. Rússar eru þó ekki án bakhjarla. Jens Stoltenberg, framkvæmdastjóri Atlantshafsbandalagsins, sagði til að mynda í ræðu í Suður-Kóreu í gær að Rússar fengju stuðning frá Norður-Kóreu. Sá stuðningur væri í formi skotfæra og eldflauga fyrir stórskotalið. Þá fá Rússar einnig sjálfsprengidróna frá Íran. Rýnt í stöðuna í Úkraínu Úkraína Innrás Rússa í Úkraínu Rússland NATO Pólland Bandaríkin Þýskaland Tengdar fréttir Rússar segja að sendingar vestrænna skriðdreka muni engu máli skipta Dmitrí Peskóv, talsmaður Valdimírs Pútíns, forseta Rússlands, segir að hergagnasendingar Vesturlanda til Úkraínu muni ekki hafa nein áhrif á stöðu mála á víglínum landsins. Sendingarnar muni eingöngu auka á vandræði Úkraínumanna. 20. janúar 2023 11:17 Evrópa í basli með skotfærabirgðir og framleiðslu Ríki Evrópu eiga í vandræðum með að auka framleiðslu hergagna, þrátt fyrir að mörg af stærstu vopnaframleiðslufyrirtækjum heims megi finna á heimsálfunni. Vandræðin snúa sérstaklega að framleiðslu skotfæra fyrir stórskotaliðsvopn. 23. desember 2022 15:30 Rússar safna í nýjan herafla á Krímskaga Rússar gerðu stórfelldar loftárásir á borgir og raforkuinnviði í Úkraínu í morgun. Þeir segja ákvörðun Vesturlanda um að senda skriðdreka til landsins marka beina þátttöku vestrænna ríkja í vörnum Úkraínu og ögrun við öryggi Rússlands. 26. janúar 2023 19:21 Kirkjugarður Wagner hefur sjöfaldast að stærð Kirkjugarður þar sem málaliðar Wagner Group eru jarðaðir hefur margfaldast af stærð á undanförnum mánuðum. Málaliðahópurinn er sagður hafa orðið fyrir miklu mannfalli í austurhluta Úkraínu en flestir þeirra sem falla eru sagðir vera fangar sem tóku tilboði um sex mánaða þjónustu í Wagner í skiptum fyrir frelsi. 26. janúar 2023 13:50 Skutu þrjátíu eldflaugum á Úkraínu Umfangsmikil loftárás er nú í gangi í Úkraínu en Rússar skutu í morgun að minnsta kosti þrjátíu eldflaugum á skotmörk í landinu. 26. janúar 2023 08:32 Selenskí þakklátur fyrir skriðdrekana en vill líka þotur Volodomír Selenskí Úkraínuforseti þakkar kollegum sínum á vesturlöndum fyrir þá ákvörðun að senda Úkraínuher skriðdreka í tugatali en málið virðist loksins vera komið á rekspöl eftir margra vikna umræður. 26. janúar 2023 07:39 Mest lesið Albert mættur í dómsal Innlent Helgi í Góu og fyrrverandi borguðu brúsann Innlent Skilur ekkert í niðurstöðu Guðrúnar Innlent Silja Björk biður Ingó afsökunar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent Fleiri fréttir Bon Jovi lofaður fyrir að bjarga konu í sjálfsvígshugleiðingum Fyrsta geimganga óbreyttra borgara Fujimori er látinn „Lærisveinn“ Pélicot sagður hafa beitt sömu aðferðum á eigin konu 171 handtekinn og 402 börnum bjargað í aðgerðum í Malasíu Sex starfsmenn UNRWA sagðir hafa verið drepnir í árás Ísraelshers Gerði sér mat úr kattaráti andlega veikrar konu Sprengdu yfirgefinn skýjakljúf í Lousiana Daunill þróun í metanlosun mannkynsins Baráttan um Bandaríkin: Sögulegar kappræður gerðar upp Gætu leyft Úkraínu að nota langdræg flugskeyti gegn Rússlandi Krefjast þess að Ísraelsher bæti ráð sitt eftir dráp á Bandaríkjamanni Brú yfir Saxelfi hrundi í Dresden Trump í mikilli vörn en lýsir yfir sigri 1,4 milljarðar króna fyrir að mæta ekki fyrir rétt Bein útsending: Harris og Trump takast á í fyrsta sinn Sveik 1,3 milljarða úr streymisveitum með gervispilunum Trump verði áfram Trump en meira í húfi fyrir Harris Verður næsti utanríkisráðherra Svíþjóðar Hafa fengið skotflaugar frá Íran Reglur kvöldsins: Engir áhorfendur og slökkt á meðan hinn talar Siðblindur raðlygari sem sýndi aðra hlið út á við Ætla í fyrstu borgaralegu geimgönguna Handtekinn í Dubaí Rannsókn hafin en efasemdir uppi um sekt Letby Auglýsa eftir upplýsingum um 28 ára gamalt morðmál Brú hrundi eftir gríðarlegan fellibyl Weinstein fluttur í flýti í bráðaaðgerð Þjóðverjar herða tökin á landamærum Meintir nauðgarar kvarta undan birtingu mynda og nafna Sjá meira
„Rússar vonast til að draga stríðið á langinn, að draga móðinn úr sveitum okkar,“ sagði Selenskí í ávarpi sínu í gær. „Við verðum að gera tímann að vopni okkar.“ Með því átti forsetinn við að Úkraína þyrfti fleiri vopn og fyrr. Bakhjarlar Úkraínu hafa heitið því að senda tugi vestrænna skriðdreka til landsins en það ferli gæti tekið allt frá nokkrum mánuðum upp í nokkur ár. Að mestu er um að ræða Leopard 2 skriðdreka sem framleiddir eru í Þýskalandi, Challenger 2 skriðdreka frá Bretlandi og Abrams skriðdreka frá Bandaríkjunum. Í stöðuskýrslu bandarísku hugveitunnar Institute for the study of war í gær sagði að tafir á vopnasendingum til Úkraínu hefðu komið niður á Úkraínumönnum. Þeir hefðu ekki getað nýtt sér mistök Rússa vegna þeirra tafa. Delays in the provision to #Ukraine of Western long-range fires systems, advanced air defense systems, and tanks have limited Ukraine s ability seize opportunities for larger counter-offensive operations presented by #Russian military failures.https://t.co/7WRrRyBAOA pic.twitter.com/jI6o4cue8c— ISW (@TheStudyofWar) January 30, 2023 Rússar sagðir sækja fram í bylgjum Eins og áður segir geisa harðir bardagar víða í austurhluta Úkraínu. Það er sérstaklega við Bakhmut og Vuhledar í Donetsk-héraði. Þar hafa Rússar náð hægum en kostnaðarsömum árangri á undanförnum dögum og vikum. Selenskí sagði í gær að hersveitir Úkraínu í héraðinu séu undir stöðugum árásum. New York Times hefur eftir embættismönnum í Úkraínu að Rússar hendi sér áfram í bylgjum án tillits til mannfalls og þannig veiki þeir varnir Úkraínumanna og sæki hægt fram. Myndefni frá Vuhledar sem birt hefur verið á undanförnum dögum gefur til kynna að Rússar hafi orðið fyrir gífurlegu mannfalli þar. Rússar hafa einnig verið að sækja hægt fram í Saprisíjahéraði. #Ukraine: The Ukrainian 72nd Brigade destroyed and damaged a IMR-2 combat engineering vehicle, two BMP-2 IFV and two BMP-3 IFV of the Russian army during an attempted attack in the vicinity of Vuhledar, #Donetsk Oblast. pic.twitter.com/ESFVX3fxIJ— Ukraine Weapons Tracker (@UAWeapons) January 29, 2023 Undirbúa sig fyrir aukin átök Bæði Rússar og Úkraínumenn vinna að því að þjálfa og vopna nýjar sveitir fyrir vorið en þá búast sérfræðingar við því að hitna muni í kolunum í Úkraínu. Rússar eru að þjálfa kvaðmenn og hafa heitið því að fjölga hermönnum töluvert á næstu árum. Ráðamenn á Vesturlöndum og Úkraínu segja líklegt að Rússar muni kveðja fleiri menn í herinn á næstunni en herkvaðningin sem farið var í haust, eftir að Úkraínumenn frelsuðu Karkív-hérað, er enn í gildi svo tæknilega séð gætu Rússar kvatt menn í herinn án þess að tilkynna nýja herkvaðningu. Til að sjá grófa mynd af stöðunni á víglínunum í Úkraínu má skoða kort ISW hér að neðan eða hér á vef hugveitunnar. Here are today's control-of-terrain maps for #Russia's invasion of #Ukraine from @TheStudyofWar and @criticalthreats We have added a dedicated Zaporizhia battle map to our slate.Click here to see our interactive map, updated daily: https://t.co/tXBburiWEN pic.twitter.com/eJV6QOZLMX— ISW (@TheStudyofWar) January 29, 2023 Vilja orrustuþotur Selenskí og aðrir ráðamenn í Úkraínu vilja fá vopnin fyrr og þeir vilja sömuleiðis að Vesturlönd taki fyrr ákvörðun um að senda frekari vopn, eins og langdrægari eldflaugar og orrustuþotur. Sama dag og Úkraínumönnum var lofað vestrænum skriðdrekum, báðu þeir um vestrænar orrustuþotur. Eins og með skriðdrekana, þá hafa ráðamenn í Austur-Evrópu sent Úkraínumönnum orrustuþotur og þyrlur sem framleiddar voru á tímum Sovétríkjanna en Úkraínumenn segjast þurfa vestrænar orrustuþotur. Fyrir því eru að miklu leyti sömu ástæður og fyrir því að Úkraínumenn vilja og þurfa vestræna skriðdreka. F–16 orrustuþotur eru í notkun víða um heim. Þessi tiltekna þota er í eigu danska flughersins.EPA/HANNIBAL HANSCHKE Í stuttu máli sagt, þá eru vestrænar orrustuþotur betri en þær rússnesku og þær eru framleiddar á Vesturlöndum. Standi stríðið yfir í einhver ár munu Úkraínumenn þurfa Vestræn vopn þar sem skotfæri, varahlutir og annað sem þarf til að reka rússneskar orrustuþotur er ekki framleitt í Vesturlöndum. Sjá einnig: Rússar undirbúa sig fyrir langvarandi stríð Til lengri tíma þá þurfa Úkraínumenn nánast alfarið að taka upp vestræn vopn, eigi að halda stuðningi við þá áfram. Í stríðinu hafa Rússar nánast gert út af við innlenda hergagnaframleiðslu í Úkraínu, svo Úkraínumenn þurfa að reiða sig á stuðning Vesturlanda. Eins og áður segir vilja Úkraínumenn orrustuþotur og þá helst F-16 þotur, sem framleiddar eru í Bandaríkjunum. Þær þotur eru í notkun víða um heim og til í miklu magni. Þá eru F-35 þoturnar víða að leysa F-16 af hólmi og því mögulegt að ráðamenn víða geti ímyndað sér að láta slíkar orrustuþotur frá sér. Olaf Scholz, kanslari Þýskalands, og aðrir ráðamenn þar hafa sagt að þeir muni ekki senda orrustuþotur til Úkraínu. Þýski flugherinn hefur notast við Tornado orrustuþotur um langt skeið. Þjóðverjar eru þó að kaupa F-35 þotur, eins og svo margir aðrir.EPA/SASCHA STEINBACH Pólverjar fara í hernaðaruppbygginu Mateusz Morawiecki, forsætisráðherra Póllands, sagði á blaðamannafundi í morgun að Pólverjar ætluðu að auka verulega fjárútlát til varnarmála, svo þau yrðu um fjögur prósent af vergri landsframleiðslu ríkisins á þessu ári. Hlutfallið var 2,4 prósent í fyrra. Hann sagði innrás Rússa í Úkraínu hafa sýnt fram á þörf sterkari varna og að uppbyggingin þyrfti að vera hröð. Morawiecki sagði að mögulega yrði það hæsta hlutfallið innan Atlantshafsbandalagsins. Samkvæmt DW var hlutfallið hæst í Grikklandi í fyrra eða 3,76 prósent. Í Bandaríkjunum var það svo 3,47 prósent. Meðlimir NATO eru hvattir til að verja minnst tveimur prósentum af landsframleiðslu til varnarmála. Áköll eftir aukinni hernaðaruppbyggingu heyrast nú víða í Evrópu, þar sem málaflokkurinn þykir hafa verið vanhirtur um árabil. Donald Trump, fyrrverandi forseti Bandaríkjanna, gagnrýndi önnur ríki NATO harðlega vegna þessa. Sjá einnig: Macron ætlar í mikla hernaðaruppbyggingu Pólverjar eru að kaupa mikið magn hergagna frá Bandaríkjunum og Suður-Kóreu. Þeir eru til að mynda að kaupa Abrams skriðdreka og F-35 orrustuþotur frá Bandaríkjunum og skriðdreka og stórskotaliðsvopn frá Suður-Kóreu. Pólverjar eru meðal annars að kaupa K2 Black Panther skriðdreka frá Suður-Kóreu.EPA/YONHAP Morawiecki sagði á fundinum í morgun að Pólland væri tilbúið að útvega Úkraínumönnum F-16 orrustuþotur en það þyrfti að gera í samfloti með öðrum NATO-ríkjum. Ráðamenn í Hollandi hafa áður sagt að til greina komi að gefa Úkraínumönnum F-16 orrustuþotur. Samkvæmt frétt CNN eiga Hollendingar 24 slíkar þotur eftir Vilja einnig eldflaugar Úkraínumenn vilja einnig fá eldflaugar sem gera þeim kleift að gera árásir á birgðageymslur og stjórnstöðvar rússneska hersins sem eru langt frá víglínunum í Úkraínu. Fyrr í stríðinu fengu Úkraínumenn HIMARS-eldflaugakerfi sem gerðu þeim kleift að gera árásir í um sjötíu kílómetra fjarlægð frá víglínunum. Það hafði mikil áhrif á stríðið um tíma og leiddi til þess að Rússar þurftu að færa birgðastöðvar sínar og stjórnstöðvar lengra frá víglínunni. Sjá einnig: Farsímanotkun sögð hafa leitt til einnar mannskæðustu árásar stríðsins Nú vilja Úkraínumenn leika sama leikinn aftur og því leggja þeir mikla áherslu á að fá eldflaugar sem kallast ATACMS. Oleksii Reznikov, varnarmálaráðherra Úkraínu, sagði í viðtali við kanadíska ríkisútvarpið í gær að hann væri vongóður um að viðræður um þessi vopnakerfið gætu skilað árangri á næstu vikum. „Fyrir mér er allt það sem er ómögulegt í dag mögulegt á morgun,“ sagði hann í viðtalinu. Dmitrí Peskóv, talsmaður Vladimírs Pútíns, forseta Rússlands.EPA/VALERIY SHARIFULIN Dmitrí Peskóv, talsmaður Vladimírs Pútíns, forseta Rússlands, sagði í morgun að sífellt fleiri vopnasendingar til Úkraínu myndu leiða til og hefðu leitt til stigmögnunar. Hin sértæka hernaðaraðgerð, eins og Rússar kalla innrásina í Úkraínu stundum, myndi þó halda áfram. Rússar eru þó ekki án bakhjarla. Jens Stoltenberg, framkvæmdastjóri Atlantshafsbandalagsins, sagði til að mynda í ræðu í Suður-Kóreu í gær að Rússar fengju stuðning frá Norður-Kóreu. Sá stuðningur væri í formi skotfæra og eldflauga fyrir stórskotalið. Þá fá Rússar einnig sjálfsprengidróna frá Íran.
Rýnt í stöðuna í Úkraínu Úkraína Innrás Rússa í Úkraínu Rússland NATO Pólland Bandaríkin Þýskaland Tengdar fréttir Rússar segja að sendingar vestrænna skriðdreka muni engu máli skipta Dmitrí Peskóv, talsmaður Valdimírs Pútíns, forseta Rússlands, segir að hergagnasendingar Vesturlanda til Úkraínu muni ekki hafa nein áhrif á stöðu mála á víglínum landsins. Sendingarnar muni eingöngu auka á vandræði Úkraínumanna. 20. janúar 2023 11:17 Evrópa í basli með skotfærabirgðir og framleiðslu Ríki Evrópu eiga í vandræðum með að auka framleiðslu hergagna, þrátt fyrir að mörg af stærstu vopnaframleiðslufyrirtækjum heims megi finna á heimsálfunni. Vandræðin snúa sérstaklega að framleiðslu skotfæra fyrir stórskotaliðsvopn. 23. desember 2022 15:30 Rússar safna í nýjan herafla á Krímskaga Rússar gerðu stórfelldar loftárásir á borgir og raforkuinnviði í Úkraínu í morgun. Þeir segja ákvörðun Vesturlanda um að senda skriðdreka til landsins marka beina þátttöku vestrænna ríkja í vörnum Úkraínu og ögrun við öryggi Rússlands. 26. janúar 2023 19:21 Kirkjugarður Wagner hefur sjöfaldast að stærð Kirkjugarður þar sem málaliðar Wagner Group eru jarðaðir hefur margfaldast af stærð á undanförnum mánuðum. Málaliðahópurinn er sagður hafa orðið fyrir miklu mannfalli í austurhluta Úkraínu en flestir þeirra sem falla eru sagðir vera fangar sem tóku tilboði um sex mánaða þjónustu í Wagner í skiptum fyrir frelsi. 26. janúar 2023 13:50 Skutu þrjátíu eldflaugum á Úkraínu Umfangsmikil loftárás er nú í gangi í Úkraínu en Rússar skutu í morgun að minnsta kosti þrjátíu eldflaugum á skotmörk í landinu. 26. janúar 2023 08:32 Selenskí þakklátur fyrir skriðdrekana en vill líka þotur Volodomír Selenskí Úkraínuforseti þakkar kollegum sínum á vesturlöndum fyrir þá ákvörðun að senda Úkraínuher skriðdreka í tugatali en málið virðist loksins vera komið á rekspöl eftir margra vikna umræður. 26. janúar 2023 07:39 Mest lesið Albert mættur í dómsal Innlent Helgi í Góu og fyrrverandi borguðu brúsann Innlent Skilur ekkert í niðurstöðu Guðrúnar Innlent Silja Björk biður Ingó afsökunar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent Fleiri fréttir Bon Jovi lofaður fyrir að bjarga konu í sjálfsvígshugleiðingum Fyrsta geimganga óbreyttra borgara Fujimori er látinn „Lærisveinn“ Pélicot sagður hafa beitt sömu aðferðum á eigin konu 171 handtekinn og 402 börnum bjargað í aðgerðum í Malasíu Sex starfsmenn UNRWA sagðir hafa verið drepnir í árás Ísraelshers Gerði sér mat úr kattaráti andlega veikrar konu Sprengdu yfirgefinn skýjakljúf í Lousiana Daunill þróun í metanlosun mannkynsins Baráttan um Bandaríkin: Sögulegar kappræður gerðar upp Gætu leyft Úkraínu að nota langdræg flugskeyti gegn Rússlandi Krefjast þess að Ísraelsher bæti ráð sitt eftir dráp á Bandaríkjamanni Brú yfir Saxelfi hrundi í Dresden Trump í mikilli vörn en lýsir yfir sigri 1,4 milljarðar króna fyrir að mæta ekki fyrir rétt Bein útsending: Harris og Trump takast á í fyrsta sinn Sveik 1,3 milljarða úr streymisveitum með gervispilunum Trump verði áfram Trump en meira í húfi fyrir Harris Verður næsti utanríkisráðherra Svíþjóðar Hafa fengið skotflaugar frá Íran Reglur kvöldsins: Engir áhorfendur og slökkt á meðan hinn talar Siðblindur raðlygari sem sýndi aðra hlið út á við Ætla í fyrstu borgaralegu geimgönguna Handtekinn í Dubaí Rannsókn hafin en efasemdir uppi um sekt Letby Auglýsa eftir upplýsingum um 28 ára gamalt morðmál Brú hrundi eftir gríðarlegan fellibyl Weinstein fluttur í flýti í bráðaaðgerð Þjóðverjar herða tökin á landamærum Meintir nauðgarar kvarta undan birtingu mynda og nafna Sjá meira
Rússar segja að sendingar vestrænna skriðdreka muni engu máli skipta Dmitrí Peskóv, talsmaður Valdimírs Pútíns, forseta Rússlands, segir að hergagnasendingar Vesturlanda til Úkraínu muni ekki hafa nein áhrif á stöðu mála á víglínum landsins. Sendingarnar muni eingöngu auka á vandræði Úkraínumanna. 20. janúar 2023 11:17
Evrópa í basli með skotfærabirgðir og framleiðslu Ríki Evrópu eiga í vandræðum með að auka framleiðslu hergagna, þrátt fyrir að mörg af stærstu vopnaframleiðslufyrirtækjum heims megi finna á heimsálfunni. Vandræðin snúa sérstaklega að framleiðslu skotfæra fyrir stórskotaliðsvopn. 23. desember 2022 15:30
Rússar safna í nýjan herafla á Krímskaga Rússar gerðu stórfelldar loftárásir á borgir og raforkuinnviði í Úkraínu í morgun. Þeir segja ákvörðun Vesturlanda um að senda skriðdreka til landsins marka beina þátttöku vestrænna ríkja í vörnum Úkraínu og ögrun við öryggi Rússlands. 26. janúar 2023 19:21
Kirkjugarður Wagner hefur sjöfaldast að stærð Kirkjugarður þar sem málaliðar Wagner Group eru jarðaðir hefur margfaldast af stærð á undanförnum mánuðum. Málaliðahópurinn er sagður hafa orðið fyrir miklu mannfalli í austurhluta Úkraínu en flestir þeirra sem falla eru sagðir vera fangar sem tóku tilboði um sex mánaða þjónustu í Wagner í skiptum fyrir frelsi. 26. janúar 2023 13:50
Skutu þrjátíu eldflaugum á Úkraínu Umfangsmikil loftárás er nú í gangi í Úkraínu en Rússar skutu í morgun að minnsta kosti þrjátíu eldflaugum á skotmörk í landinu. 26. janúar 2023 08:32
Selenskí þakklátur fyrir skriðdrekana en vill líka þotur Volodomír Selenskí Úkraínuforseti þakkar kollegum sínum á vesturlöndum fyrir þá ákvörðun að senda Úkraínuher skriðdreka í tugatali en málið virðist loksins vera komið á rekspöl eftir margra vikna umræður. 26. janúar 2023 07:39