Jóhann Óskar ráðinn yfirflugstjóri PLAY

Jóhann hefur þegar tekið til starfa en hann á að baki yfir átján ára reynslu í flugheiminum. Hann hefur starfað hjá Air Atlanta, Icelandair, WOW Air og Royal Brunei Airlines og nú PLAY.

Þá hefur Jóhann látið sig varða réttindi flugmanna varða en hann sat í stjórn Félags íslenskra flugmanna.

„Það er óhætt að fullyrða að Jóhann er mikill fengur fyrir flugdeild PLAY og ég hlakka til að starfa með honum að uppbyggingu félagsins á komandi árum,“ segir Finnbogi Karl Bjarnason, flugrekstrarstjóri PLAY.

Þá stofnaði Jóhann Brettafélags Hafnarfjarðar fyrir um áratug, þar sem rík áhersla var lögð á barna- og unglingastarf. En Finnbogi segir að leikgleði sé mikilvægur eiginleiki starfsfólks PLAY.

„Mér finnst dálítið eins og ég sé bara loksins kominn aftur heim eftir að hafa aflað mér frekari þekkingar og reynslu í hinum stóra heimi sem við opnum leiðir til fyrir okkar viðskiptavini. Enda eru framundan skemmtilegar áskoranir í uppbyggingu PLAY á nýjum mörkuðum,“ segir Jóhann Óskar, nýr yfirflugstjóri PLAY.