Rúmenska þingið samþykkti vantraust á ríkisstjórnina

Ríkisstjórn Rúmeníu er fallin eftir að þjóðþing landsins samþykkti vantrauststillögu.

Marcel Ciolacu, forseti þingsins, greindi frá niðurstöðu atkvæðagreiðslunnar, en 238 af 465 þingmönnum studdu tillöguna um að lýsa yfir vantrausti á ríkisstjórn Viorica Dancila.

Það kemur nú í hlut forseta landsins, íhaldsmannsins Klaus Johannis, sem Dancila hefur áður hótað að draga fyrir dóm, að tilnefna nýjan forsætisráðherra.

Stjórnmálaástandið í Rúmeníu hefur verið mjög óstöðug eftir að Alde, stuðningsflokkur stjórnar Jafnaðarmannaflokks Dancila, sagði skilið við stjórnina í ágúst síðastliðinn.