Blæs á gagnrýni frá Filippseyjum og segir mannréttindaráð engan spjallklúbb Berghildur Erla Bernharðsdóttir og Kolbeinn Tumi Daðason skrifa 11. júlí 2019 12:45 Guðlaugur Þór Þórðarson utanríkisráðherra undrast að þjóðir sem viðhafi sömu gildi og Íslendingar hvað mannréttindi varði hafi sumar hverjar ekki greitt atkvæði með tillögunni. Vísir/Vilhelm Guðlaugur Þór Þórðarson utanríkisráðherra gagnrýnir að nokkur lönd sem viðhafa sömu gildi og Íslendingar hafi ekki beitt sér fyrir eða kosið með ályktun Íslands um stöðu mannréttindamála á Filippseyjum. Ályktunin var samþykkt með átján atkvæðum gegn fjórtán en fimmtán þjóðir sátu hjá. „Þetta er mjög ánægjulegt og mjög góðar fréttir, fyrst og fremst í baráttunni fyrir mannréttindum og líka fyrir okkur Íslendinga að sú vinna sem við erum að vinna á alþjóðlegum vettvangi er að skila árangri,“ segir Guðlaugur Þór. Mannréttindaráðið eigi ekki að vera einhver spjallklúbbur. Þar eigi að passa upp á mannréttindi í heiminum og undrast Guðlaugur Þór að mörg lönd, sem byggi á sömu gildum og Íslendingar, hafi ekki greitt atkvæði með tillögunni. 47 þjóðir innan Sameinuðu þjóðanna eiga sæti í mannréttindaráðinu hverju sinni. Meðal landa sem greiddu ekki atkvæði með tillögu Íslands eru Japan, Chile og Suður-Afríka. Þá greiddu Ungverjaland og Indland gegn tillögunni.Niðurstöðu atkvæðagreiðslunnar má sjá á myndinni hér að neðan.Japan var meðal þeirra þjóða sem sat hjá.Hófsöm ályktun Með samþykkt ályktunarinnar lýsir mannréttindaráðið formlega yfir áhyggjum af ástandinu á Filippseyjum, hvetur stjórnvöld í landinu til að stöðva aftökur á fólki án dóms og laga og draga þá til ábyrgðar sem hafa staðið fyrir slíku. „Það gerist auðvitað ekkert nema stjórnvöld á Filippseyjum spili með. Það hefur verið vandinn. Þau hafa ekki verið tilbúin til þess. Okkar áhersla hefur verið mjög skýr. Við höfum talið að þau lönd sem eru með setu í mannréttindaráðinu eigi að ganga áfram með góðu fordæmi. Þess vegna höfum við komið nokkrum sinnum með þessa ályktun vegna Filippseyja og sömuleiðis tekið málefni Sádí-Arabíu á dagskrá.“ Ráðherra minnir á að ekki sé verið að velta neinum steinum með ályktuninni. „Þessi ályktun er mjög hófsöm. Hún fer fram á það að filippeysk stjórnvöld hleypi virtum alþjóðlegum stofnunum í landið til að skoða ástand mannréttindamála. Það hefur verið gagnrýnt sérstaklega. En það getur ekki gerst nema stjórnvöld á Filippseyjum séu tilbúin í það. Þetta mun setja pressu á að gera það og við vonumst til þess að svo verði.“Filippseyingar höfnuðu ályktun mannréttindaráðsins að lokinni atkvæðagreiðslu.Ráðherrann móðgaður Guðlaugur Þór gefur lítið fyrir gagnrýni stjórnvalda á Filippseyjum sem brugðust illa við ályktuninni í dag. Fulltrúi Filippseyja í ráðinu hafði meðal annars þetta að segja að atkvæðagreiðslunni lokinni: „Í ljósi aðstæðna í dag þá erum við nú vinir vina okkar, óvinir óvina okkar og enn meiri óvinir falskra vina. Við endurnýjum samstöðu við sanna vini sem hafa staðið með okkur í gegnum þennan farsa. En við munum ekki láta viðgangast nokkra óvirðingu eða gjörðir í annarlegum tilgangi. Það verða afleiðingar, sem munu teygja sig langt.“ Teddy Locsin Jr., utanríkisráðherra landsins, lítur á niðurstöðuna sem móðgun.No effect. Such resolutions especially those passed by a tiny minority can and will be ignored. No consequences. On the other hand, the initiative to insult the Philippines with the assumption without proof that it commits gross abuses there will be far reaching consequences. https://t.co/dir5nhF1FW— Teddy Locsin Jr. (@teddyboylocsin) July 11, 2019 „Mannréttindaráðið hlýtur að vera þarna af einhverri ástæðu. Að pressa á stjórnvöld í þeim löndum þar sem mannréttindi eru ekki eins og við viljum hafa þau að bæta sitt ráð. Sérstaklega hjá þeim sem eru með setu í mannréttindaráðinu. Það getur ekki verið markmið að þetta sé bara einhver klúbbur þar sem menn koma til að spjalla saman. Við viljum sjá árangur þannig að ég tek þessa gagnrýni stjórnvalda í Filippseyjum ekki alvarlega. Á meðan við erum þarna inni munum við beita okkur eins og við höfum gert,“ segir Guðlaugur Þór.Hissa á þjóðum sem byggja á sömu gildum Guðlaugur Þór segir að fulltrúar Íslands í mannréttindaráðinu muni halda áfram sínu góða starfi. „Þetta mál hefur vakið hvað mesta athygli en við erum sömuleiðis að vinna í jafnréttismálum, málefnum samkynhneigðra og minnihlutahópa. Það sem okkur finnst vera sjálfsögð mannréttindi á Íslandi er það sem við erum að beita okkur fyrir í mannréttindaráðinu.“ Viðbrögð Filippseyinga hafa ekki komið honum á óvart heldur annað. „Það sem hefur komið meira á óvart er að mér hefur fundist, við vitum hvernig ástandið er í heiminum, sum lönd sem byggja á sömu gildum og við hefðu mátt beita sér betur og greiða atkvæði með þessari tillögu. En í heildina getum við ekki kvartað. Það var barist hart gegn þessari ályktun. Vinna okkar skilaði árangri, ályktunin er komin í gegn og það er auðvitað mikið gleðiefni.“ Filippseyjar Utanríkismál Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Eygir vonarneista í fyrsta sinn í marga mánuði Innlent Segir dregið úr veiðum á grundvelli „Walt Disneylíffræði“ Innlent Brunarústirnar fjarlægðar tveimur árum eftir brunann Innlent Skoða að efla geðheilbrigðisþjónustu á Austurlandi eftir röð áfalla Innlent Fleiri fréttir Nýupptekið grænmeti á Flúðum í dag og opnar garðyrkjustöðvar Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Sjá meira
Guðlaugur Þór Þórðarson utanríkisráðherra gagnrýnir að nokkur lönd sem viðhafa sömu gildi og Íslendingar hafi ekki beitt sér fyrir eða kosið með ályktun Íslands um stöðu mannréttindamála á Filippseyjum. Ályktunin var samþykkt með átján atkvæðum gegn fjórtán en fimmtán þjóðir sátu hjá. „Þetta er mjög ánægjulegt og mjög góðar fréttir, fyrst og fremst í baráttunni fyrir mannréttindum og líka fyrir okkur Íslendinga að sú vinna sem við erum að vinna á alþjóðlegum vettvangi er að skila árangri,“ segir Guðlaugur Þór. Mannréttindaráðið eigi ekki að vera einhver spjallklúbbur. Þar eigi að passa upp á mannréttindi í heiminum og undrast Guðlaugur Þór að mörg lönd, sem byggi á sömu gildum og Íslendingar, hafi ekki greitt atkvæði með tillögunni. 47 þjóðir innan Sameinuðu þjóðanna eiga sæti í mannréttindaráðinu hverju sinni. Meðal landa sem greiddu ekki atkvæði með tillögu Íslands eru Japan, Chile og Suður-Afríka. Þá greiddu Ungverjaland og Indland gegn tillögunni.Niðurstöðu atkvæðagreiðslunnar má sjá á myndinni hér að neðan.Japan var meðal þeirra þjóða sem sat hjá.Hófsöm ályktun Með samþykkt ályktunarinnar lýsir mannréttindaráðið formlega yfir áhyggjum af ástandinu á Filippseyjum, hvetur stjórnvöld í landinu til að stöðva aftökur á fólki án dóms og laga og draga þá til ábyrgðar sem hafa staðið fyrir slíku. „Það gerist auðvitað ekkert nema stjórnvöld á Filippseyjum spili með. Það hefur verið vandinn. Þau hafa ekki verið tilbúin til þess. Okkar áhersla hefur verið mjög skýr. Við höfum talið að þau lönd sem eru með setu í mannréttindaráðinu eigi að ganga áfram með góðu fordæmi. Þess vegna höfum við komið nokkrum sinnum með þessa ályktun vegna Filippseyja og sömuleiðis tekið málefni Sádí-Arabíu á dagskrá.“ Ráðherra minnir á að ekki sé verið að velta neinum steinum með ályktuninni. „Þessi ályktun er mjög hófsöm. Hún fer fram á það að filippeysk stjórnvöld hleypi virtum alþjóðlegum stofnunum í landið til að skoða ástand mannréttindamála. Það hefur verið gagnrýnt sérstaklega. En það getur ekki gerst nema stjórnvöld á Filippseyjum séu tilbúin í það. Þetta mun setja pressu á að gera það og við vonumst til þess að svo verði.“Filippseyingar höfnuðu ályktun mannréttindaráðsins að lokinni atkvæðagreiðslu.Ráðherrann móðgaður Guðlaugur Þór gefur lítið fyrir gagnrýni stjórnvalda á Filippseyjum sem brugðust illa við ályktuninni í dag. Fulltrúi Filippseyja í ráðinu hafði meðal annars þetta að segja að atkvæðagreiðslunni lokinni: „Í ljósi aðstæðna í dag þá erum við nú vinir vina okkar, óvinir óvina okkar og enn meiri óvinir falskra vina. Við endurnýjum samstöðu við sanna vini sem hafa staðið með okkur í gegnum þennan farsa. En við munum ekki láta viðgangast nokkra óvirðingu eða gjörðir í annarlegum tilgangi. Það verða afleiðingar, sem munu teygja sig langt.“ Teddy Locsin Jr., utanríkisráðherra landsins, lítur á niðurstöðuna sem móðgun.No effect. Such resolutions especially those passed by a tiny minority can and will be ignored. No consequences. On the other hand, the initiative to insult the Philippines with the assumption without proof that it commits gross abuses there will be far reaching consequences. https://t.co/dir5nhF1FW— Teddy Locsin Jr. (@teddyboylocsin) July 11, 2019 „Mannréttindaráðið hlýtur að vera þarna af einhverri ástæðu. Að pressa á stjórnvöld í þeim löndum þar sem mannréttindi eru ekki eins og við viljum hafa þau að bæta sitt ráð. Sérstaklega hjá þeim sem eru með setu í mannréttindaráðinu. Það getur ekki verið markmið að þetta sé bara einhver klúbbur þar sem menn koma til að spjalla saman. Við viljum sjá árangur þannig að ég tek þessa gagnrýni stjórnvalda í Filippseyjum ekki alvarlega. Á meðan við erum þarna inni munum við beita okkur eins og við höfum gert,“ segir Guðlaugur Þór.Hissa á þjóðum sem byggja á sömu gildum Guðlaugur Þór segir að fulltrúar Íslands í mannréttindaráðinu muni halda áfram sínu góða starfi. „Þetta mál hefur vakið hvað mesta athygli en við erum sömuleiðis að vinna í jafnréttismálum, málefnum samkynhneigðra og minnihlutahópa. Það sem okkur finnst vera sjálfsögð mannréttindi á Íslandi er það sem við erum að beita okkur fyrir í mannréttindaráðinu.“ Viðbrögð Filippseyinga hafa ekki komið honum á óvart heldur annað. „Það sem hefur komið meira á óvart er að mér hefur fundist, við vitum hvernig ástandið er í heiminum, sum lönd sem byggja á sömu gildum og við hefðu mátt beita sér betur og greiða atkvæði með þessari tillögu. En í heildina getum við ekki kvartað. Það var barist hart gegn þessari ályktun. Vinna okkar skilaði árangri, ályktunin er komin í gegn og það er auðvitað mikið gleðiefni.“
Filippseyjar Utanríkismál Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Eygir vonarneista í fyrsta sinn í marga mánuði Innlent Segir dregið úr veiðum á grundvelli „Walt Disneylíffræði“ Innlent Brunarústirnar fjarlægðar tveimur árum eftir brunann Innlent Skoða að efla geðheilbrigðisþjónustu á Austurlandi eftir röð áfalla Innlent Fleiri fréttir Nýupptekið grænmeti á Flúðum í dag og opnar garðyrkjustöðvar Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Sjá meira