Göngu­garpar munu mynda Ljósa­foss niður Esjuna

„Ljósafossgangan“ er árlegur viðburður á þessum árstíma til styrktar Ljósinu, sem er endurhæfingarmiðstöð fyrir krabbameinsgreinda en mörg hundruð manns taka alltaf þátt í göngunni og er reiknað með sérstaklega góðri mætingu í dag í tilefni af 20 ára afmæli Ljóssins. Það að hittast á bílastæðinu við Esjurætur klukkan hálf fjögur og gangan sjálf hefst stundvíslega klukkan fjögur. Erna Magnúsdóttir er framkvæmdastýra hjá Ljósinu.

Þetta er ótrúlega vel gert hjá ykkur að gera þetta, ertu ekki sammála því?

„Jú og bara allir þeir, sem eru að koma og hjálpa okkur með þetta. Það er nú maður hérna, sem er algjör valkyrja eins og ég kalla hann en hann er kallaður „Fjalla Steini“ en heitir Þorsteinn Jakobsson en hann hefur leitt þessa göngu alveg frá upphafi. Og svo ætlar Sjóvá að styrkja Ljósið um tvö þúsund kall á hvern haus, sem mætir þannig að það er bara dásamlegt,“ segir Erna.

Þannig að þú hvetur fólk til að mæta?

„Ég hvet fólk til að mæta og það verður þarna Kjölur, sem sagt björgunarsveitin Kjölur frá Kjalarnesi, sem er alltaf með okkur í ferðinni til að gæta að öllum. Já, þetta er bara svo einstakt. Við löbbum upp í rökkri og svo löbbum við niður í myrkri og allir setja höfuðljós upp og við löbbum svolítið í þögninni niður og hugsum til þeirra, sem hafa fengið krabbamein eða eru að standa í þessu núna eða hafa kannski tapað baráttunni eða sigrað baráttuna. Þetta er bara ótrúlega falleg stund og bara svona magnþrungin,“ segir Erna.

Ljósið heimasíða