Davíð Már ráðinn upplýsingafulltrúi Landsbjargar

Davíð Már Bjarnason hefur verið ráðinn upplýsinga- og kynningafulltrúi Slysavarnafélagsins Landsbjargar.

Þetta kemur fram í tilkynningu frá félaginu. Davíð tekur við stöðunni af Þorsteini G. Gunnarssyni sem tók við starfinu síðasta sumar.

Davíð Már hefur um fimmtán ára reynslu af markaðs- og kynningarmálum. „Var framkvæmdastjóri Kapital auglýsingastofu og Miðstrætis auglýsingastofu svo fátt eitt sé nefnt. Davíð hefur komið að markaðs- og kynningamálum fyrir Slysavarnafélagið Landsbjörg síðan árið 2003.

Hann er félagi í Björgunarsveit Hafnarfjarðar og Björgunarsveitinni Strandasól, á þrjú börn og er í sambúð með Sigrúnu Sverrisdóttur,“ segir í tilkynningunni.