Fá Nóbelsverðlaun fyrir rannsóknir á sviði kennilegrar þéttefnisfræði

Eðlisfræðingarnar David Thouless, Duncan Haldane og Michael Kosterlitz hlutu í dag Nóbelsverðlaun í eðlisfræði fyrir rannsóknir sínar á sviði kennilegrar þéttefnisfræði.

Í rökstuðningi Nóbelsnefndarinnar segir að þeir fái verðlaunin fyrir „fyrir kennilegar uppgötvanir á grannfærðilegum fasabreytingum og grannfræðilegum efnisfösum“.

Verðlaununum í ár er deilt í tvennt, þar sem Thouless hlýtur einn hluta og þeir Haldane og Kosterlitz deila hinum.

Hinn 82 ára David Thouless er fæddur í Skotlandi, en hefur lengi búið í Bandaríkjunum. Hann hefur starfað í University of Washington, Berkeley, Birmingham Universlity og University of California.

Duncan Haldane, 65 ára, er breskur og hefur starfað hjá Princeton háskóla í Bandaríkjunum.

Michael Kosterlitz starfar sem professor við Brown háskóla.

Hér fyrir neðan má sjá meðlim Nóbelsnefndarinnar útskýra fræðin á skemmtilegan hátt með aðstoð kringlna í Stokkhólmi í morgun.