Eitt númer í tveimur símum

Og Vodafone hefur tekið í notkun þjónustu sem gerir GSM notendum kleift að hafa eitt símanúmer í tveimur símtækjum.

Þjónustan nefnist Aukakort og hentar þeim sem eru með BlackBerry tæki fyrir tölvupóstsamskipti og GSM þjónustu í vinnu en vilja hafa léttari og smærri GSM síma utan vinnutíma.

Í tilkynningu frá Og Vodaone er haft eftir Gísla Þorsteinssyni, upplýsingafulltrúa fyrirtækisins, að um sé að ræða mikið hagræði fyrir þá GSM notendur sem nota fleiri en eitt GSM símtæki því nú geti þeir haft eitt símanúmer í stað tveggja.