Avion Group kaupir RGH

Avion Group hefur fest kaup á The Really Great Holliday Company (RGH) sem á og rekur ferðaskrifstofurnar Travel City Direct, Transatlantic Vacations og Carshop. Travel City Direct er þekkt ferðafyrirtæki og býður einkum ferðalög frá Bretlandi til Florída. Eftir kaupin verða Really Great Holliday og systurfélag þess, Excel Airways, til samans áttunda stærsta félagið á Bretlandseyjum í afþreyingarferðum. Kaupverð Really Great Holliday er ekki gefið upp en Íslandsbanki fjármagnaði kaupin að hluta. Heildarvelta fyrirtækisins árið 2004 var 118 milljónir punda eða rétt rúmlega 14 milljarðar íslenskra króna.