Óvæntur sigur ÍR í Keflavík

ÍR kom heldur betur á óvart í dag og vann fyrstu rimmu sína gegn Keflavík í undanúrslitum Íslandsmótsins í körfubolta karla í dag, 80-88 en leikið var í Keflavík. Gestirnir úr Breiðholtinu voru yfir í hálfleik,35-51. Stigahæstir í liði ÍR voru Theo Dixon með 26 stig, Grant Davis 21 og Eiríkur Önundarson 21. Í liði Íslandsmeistaranna var Anthony Glover stigahæstur með 25 stig, Nick Bradford 22 og Elentínus Margeirsson með 11 stig. Liðin mætast næst á mánudaginn í Seljaskóla.