Innrás Rússa í Úkraínu

Fréttir af yfirstandandi innrás Rússa í Úkraínu sem hófst 24. febrúar 2022.

Rússar víg­búast við mörk Norður­landa

Rússar hafa á síðustu árum aukið umsvif sín á herstöðvum við landamærin að Norðurlöndum og Eystrasaltsríkjunum. Loftmyndir sýna hvernig gróður hefur vikið fyrir hervirkjum á sama tíma og umferð herbíla hefur aukist á svæðunum.

Erlent 10.6.2026 11:16

„Ekki óttast leiðina út úr þessu stríði“

Vólódímir Selenskí, forseti Úkraínu, hefur í opnu bréfi til Vladimír Putín Rússlandsforseta kallað eftir fundi á milli leiðtoganna í von um að koma á friði og binda enda á stríðið.

Erlent 5. júní 2026 06:44

Vilja banna rúss­neska túr­ista

Ísland er sagt vera meðal þeirra ellefu Evrópuríkja sem krefjast þess að Evrópusambandsríki hætti að veita rússneskum ferðamönnum vegabréfsáritanir. Ráðherrar landanna munu hafa sent framkvæmdastjórn ESB bréf þar sem þeir segji það óboðlegt að rússneskir ferðamenn fái að sóla sig á evrópskum ströndum á meðan sprengjur dynja á úkraínskum borgum.

Erlent 3. júní 2026 15:16

Á­rásir á Pétursborg á fyrsta degi fjárfestaráðstefnu Pútíns

Úkraínumenn gerðu í morgun árásir með langdrægum drónum á olíuinnviði og hernaðarleg skotmörk í Pétursborg. Miklir eldar kviknuðu við árásirnar en árleg viðskiptaráðstefna hófst í Pétursborg í morgun. Úkraínumenn segjast hafa ráðist á að minnsta kosti tuttugu olíuvinnslur á undanförnum 33 dögum.

Erlent 3. júní 2026 13:59

Ellefu látnir í um­fangs­miklum á­rásum Rússa

Að minnsta kosti ellefu eru látnir eftir umfangsmiklar árásir Rússa á Kænugarð, Kharkív og Dnipro. Þá eru tugir særðir og einhverjir fastir undir húsarústum.

Erlent 2. júní 2026 07:33

Frakkar tóku skuggaskip á At­lants­hafi

Franskir hermenn gerðu áhlaup um borð í olíuflutningaskip sem talið er hafa verið notað til að komast hjá viðskiptaþvingunum og refsiaðgerðum gegn Rússlandi. Skipið var stöðvað á alþjóðlegu hafsvæði með aðstoð annarra ríkja, eins og Bretlands, en Frakkar hafa stöðvað nokkur skuggaskip á undanförnum mánuðum.

Erlent 1. júní 2026 08:45

Ísrael og Rúss­land á svörtum lista vegna kyn­ferðis­of­beldis í á­tökum

Sameinuðu þjóðirnar hafa bætt Ísrael og Rússlandi á svartan lista vegna kynferðisofbeldis í átökum og vísa til misnotkunar af hálfu öryggissveita, þar á meðal nauðgunar á karlkyns föngum.

Erlent 30. maí 2026 08:45

Rýnt í stöðuna í Úkraínu: Nálgast stríðið vendi­punkt?

Verulega hefur dregið úr framsókn Rússa á víglínunni í Úkraínu á þessu ári. Á sama tíma hafa Úkraínumenn aukið umfang langdrægra og meðaldrægra árása sinna á olíuvinnsluinnviði og önnur skotmörk í Rússlandi. Einnig hefur árásum á birgðakeðjur og stjórnstöðvar Rússa nærri víglínunni fjölgað mjög.

Erlent 29. maí 2026 08:00

Tveir særðir eftir að rúss­neskur dróni lendir á fjöl­býlis­húsi í Rúmeníu

Tveir særðust þegar dróni sem var þáttur af árás Rússa á Úkraínu var flogið á fjölbýlishús í Galati í austurhluta Rúmeníu. Tvær F-16 þotur og þyrla voru sendar á loft og skilaboð send til íbúa á svæðinu. 

Erlent 29. maí 2026 06:48

Kalla rúss­neska sendi­herra á teppið vegna hótana

Leiðtogar Evrópusambandsins hafa kallað sendiherra Rússlands í Brussel á teppið eftir að ríkisstjórn Rússlands sagði evrópskum erindrekum að yfirgefa Kænugarð. Annars yrðu þeir sprengdir í loft upp.

Erlent 26. maí 2026 16:29

Hóta frekari á­rásum og hvetja sendi­full­trúa til að flýja Kænugarð

Stjórnvöld í Rússlandi hafa hótað kerfisbundnum árásum á Kænugarð þar sem skotmörkin yrðu stjórnstöðvar og drónaframleiðsla Úkraínumanna. Sendifulltrúar og erlendir ríkisborgarar eru hvattir til þess að yfirgefa höfuðborgina sem fyrst og almennir borgarar til að halda sig frá opinberum byggingum og hernaðarinnviðum.

Erlent 26. maí 2026 06:33

Ofurhljóðfrárri eld­flaug skotið að Úkraínu

Fjórir eru látnir eftir umfangsmiklar loftárásir sem Rússar gerðu á Kænugarð í nótt. Á níunda tug eru særðir og eldar loguðu víða í höfuðborginni í morgun.

Erlent 24. maí 2026 11:05

Spjallað í Reykja­vík á meðan drónarnir dynja á Kænu­garði

Sendiherra Úkraínu gagnvart Íslandi segist þakklátur Íslendingum og finnst hann meðal vina. Hann segir Ísland og Úkraínu eiga mikla sameiginlega hagsmuni og að diplómasía sé gífurlega mikilvæg fyrir þjóð í stríði og að hún geti hjálpað þar sem vopnin dugi ekki til.

Erlent 23. maí 2026 07:01

Vilja skipa erind­reka en vita ekki hvert erindið er

Ráðamenn í Evrópu eru með til skoðunar að skipa sérstakan erindreka gagnvart Rússlandi sem koma á að friðarviðræðum um Úkraínu. Þessi erindreki myndi þá eiga í viðræðum við ríkisstjórn Vladimírs Pútín, forseta Rússlands. Fyrst þurfa Evrópumenn þó að komast að samkomulagi um hvað erindrekinn á að segja.

Erlent 22. maí 2026 22:22

Rutte segir ríka Evrópu reiða sig um of á Banda­ríkin

Utanríkisráðherra Bandaríkjanna segir að bandarískum hermönnum í Evrópu muni fækka. Um það sé skilningur meðal aðildarríkja NATO en framkvæmdastjóri bandalagsins segir að hin ríka Evrópa hafi reitt sig of mikið á Bandaríkin í varnarmálum og að það muni breytast á næstu árum.

Erlent 22. maí 2026 14:38

Hafa þurft að draga veru­lega úr olíuframleiðslu vegna á­rása

Rússar hafa neyðst til draga úr framleiðslu eða jafnvel stöðva hana alveg í mörgum af helstu olíuvinnslum ríkisins. Það er vegna ítrekaðra drónaárása Úkraínumanna á olíuinnviði eins og vinnslur, dælustöðvar og geymslutanka en vegna þeirra hafa Rússar bannað alfarið útflutning á unnu eldsneyti í það minnsta út júlí.

Erlent 20. maí 2026 22:45

Hvernig Rúss­land tapaði vinum sínum og á­hrifum á heims­vísu

Frá því að Vladimir Pútín hóf allsherjarinnrás sína í Úkraínu fyrir meira en fjórum árum hefur honum ekki aðeins mistekist að ná þeim hernaðarlega sigri sem hann þráði. Hann hefur einnig grafið undan fjölmörgum samböndum og tengslum sem hann eyddi áratugum í að byggja upp, með þeim afleiðingum að Rússland er nú einangraðra en á nokkrum tíma síðan á fyrstu árum bolsévikabyltingarinnar.

Umræðan 17. maí 2026 15:32

Engir flökkudrónar fundist í Finn­landi

Finnsk yfirvöld segja að engir flökkudrónar hafi fundist eftir að almannavarnatilkynning var gefin út til íbúa Helsinki í nótt um að halda kyrru fyrir innandyra. Forsætisráðherrann segir viðbrögð yfirvalda ekki hafa verið ýkt miðað við tilefnið.

Erlent 15. maí 2026 11:26

Úkraínskir drónaflugmenn „rústuðu“ Svíum

Svíar og önnur aðildarríki Atlantshafsbandalagsins tóku nýverið á móti úkraínskum drónaflugmönnum á æfingu á Gotlandi. Þar áttu úkraínsku hermennirnir að kynna Svía og aðra fyrir drónahernaði. Úkraínumennirnir stóðu sig svo vel að Svíarnir stöðvuðu æfinguna þrisvar sinnum til að hugsa sinn gang og reyna að breyta aðferðum sínum.

Erlent 13. maí 2026 14:47

Hafa lofað Pútín að ná Donbas í sumar

Ráðamenn í bæði Rússlandi og í Úkraínu telja litlar líkur á því að hægt verði að endurlífga viðræðurnar þar sem Bandaríkjamenn hafa reynt að miðla málum þeirra á milli, jafnvel þegar stríði Bandaríkjanna gegn Íran lýkur. Vladimír Pútín, forseti Rússlands, er sagður staðráðinn í að leggja undir sig meira landsvæði í Úkraínu og þá sérstaklega Donbas-svæðið svokallaða.

Erlent 13. maí 2026 13:13

Skildu skrið­drekana eftir á víg­línunni

„Sigurinn verður, og hefur alltaf verið, okkar,“ sagði Vladimír Pútín Rússlandsforseti er hann flutti ræðu á Rauða torginu í Moskvu þar sem hersveitir höfðu stillt sér upp að tilefni Sigurdagsins svokallaða. Hersýningin var með breyttu sniði í ár, nánar til tekið smærri, þar sem flest þungavopn Rússa eru á víglínunni í Úkraínu um þessar mundir.

Erlent 9. maí 2026 22:13

Þriggja daga vopna­hlé í Úkraínu

Donald Trump Bandaríkjaforseti hefur boðað þriggja daga vopnahlé í innrásarstríði Rússa í Úkraínu. Volodimír Selenskí Úkraínuforseti staðfestir að vopnahléð hefjist á morgun, laugardag.

Erlent 8. maí 2026 18:46

Mest lesið