Síðustu kaffi­húsum Kaffi­társ lokað

„Það er með trega en einnig miklu þakklæti í hjarta að við tilkynnum að síðustu kaffihúsin okkar í Kringlunni og Háskólanum í Reykjavík munu loka 31. maí næstkomandi. En þrátt fyrir breytta tíma er margt spennandi framundan hjá okkur! Við munum halda áfram að efla „pop-up” kaffibarinn á viðburðum, fyrirtækjaþjónustuna okkar og kaffiframboð í verslunum. Við höldum áfram að framleiða gæðakaffið okkar í Kaffibrennslu Kaffitárs og þróa spennandi nýjar tegundir, eins og Skuggatár nú síðast,“ segir í tilkynningu á Facebooksíðu Kaffitárs.

Í Kaffitári í Kringlunni verði allar vörurnar á afslætti út maí. Kaffitár minni þau sem eiga fyrirframgreidd kaffikort eða gjafakort á að nú sé síðasti séns að nýta þau.

„Ykkur öllum, vinum, viðskiptavinum, starfsfólki og samstarfsaðilum þökkum við innilega fyrir árin og samfylgdina. Takk fyrir 31 ár af gleði og ilmandi kaffi á kaffihúsunum okkar!“