Komin með nýjan rappara í sigtið

Heimildir fréttastofu herma að parið hafi verið að slá sér upp síðan í sumar. Pétur birti mynd af Hrafnkötlu í Instagram-færslu í byrjun mánaðar þar sem þau höfðu greinilega verið að spila tennis saman í Tennishöll Kópavogs.

Saint Pete er ein helsta vonarstjarna íslensks rapps en hann kom fyrst fram á sjónarsviðið árið 2023 með laginu „Akureyri“ sem Úlfur Úlfur og KÁ-AKÁ röppuðu einnig á. 

Hann gaf út stuttskífuna Græna Pakkann í fyrra með ofursmellinum „Tala minn skít“ og var hann síðan valinn nýliði ársins á Hlustendaverðlaununum í mars á þessu ári. Nýjasta lag hans er ábreiða af „Superman“ eftir Ladda.

Hrafnkatla Unnarsdóttir er fatahönnuður sem starfar hjá Farmers market samhliða því að gera við og selja vintage-barnaföt undir nafninu Pons Vintage. 

Hrafnkatla á soninn Benjamín með Friðriki Róbertssyni, sem er betur þekktur sem Floni. Þau eignuðust soninn árið 2022 eftir nokkurra ára samband, slitu sambandinu í fyrra en ala drenginn áfram upp í sameiningu.