Lífið

Leiðir skilja hjá leikhúspari

Leikstjórinn Kolfinna Nikulásdóttir og leikarinn Sigurbjartur Sturla Atlason hafa slitið sambandi sínu. Þau hafa verið eitt heitasta par íslensku leikhússenunnar síðustu tvö ár, kynntust við uppsetningu á Ást Fedru og unnu aftur saman að Hamlet á síðasta leikvetri. Kolfinna segir þau skilja í góðu og munu verða vini að eilífu.

Lífið

Stærðarinnar hola gleypti inn­keyrslu Cage

Hollywood-leikarinn Nicolas Cage á ekki sjö dagana sæla um þessar mundir. Streymisveitan Prime Video var að slaufa sjónvarpsseríu hans Spider Noir og stærðarinnar hola gleypti innkeyrslu að glæsiheimili hans í Malibu í vikunni. 

Lífið

Nornir komu saman á miðils­fundi

Áhrifavaldarnir og athafnakonurnar Erna Hrund Hermannsdóttir og Elísabet Metta Svan Ásgeirsdóttir buðu skvísum landsins í nornabíó í gærkvöldi á frumsýningu Practical Magic 2 í Ásberg í Kringlubíói. Voru gestir hvattir til að klæðast nornalegum fötum og Valgerður Backman hélt miðilsfund fyrir sýningu.

Lífið

Prinsinn hefur nám við Eton-skóla

Georg prins, elsti sonur Vilhjálms Bretaprins og Katrínar prinsessu, hóf í dag skólagöngu sína í Eton-skólanum, einum dýrasta heimavistarskóla Bretlands. Hann fetar því í fótspor föður síns og frænda, Harrys hertoga af Sussex, auk margra fyrrverandi forsætisráðherra og rithöfunda.

Lífið

Hafnaði tæpum fimm milljarða þagnarsamningi Musks

Rithöfundurinn og áhrifavaldurinn Ashley St. Clair segist hafa neitað að skrifa undir fjörutíu milljóna dala þagnarsamning við auðjöfurinn Elon Musk, barnsföður sinn. Í dag var frumsýnd heimildarmynd um ævi og feril Musks, auðugasta manns heims.

Lífið

South Park verður South America

Forsvarsmenn South Park, teiknimyndaþáttanna vinsælu, hafa tilkynnt að breyta eigi nafni þáttanna. Þeir eigi nú að heita South America, í takt við breytingar Donalds Trump á nöfnum Mexíkóflóa og Ontario-vatns í Ameríkuflóa og Ameríkuvatn.

Lífið

Kapps­mál sett á ís

Spurningaþátturinn Kappsmál verður ekki á dagskrá Ríkisútvarpsins í vetur. Bragi Valdimar Skúlason, einn stjórnenda þáttarins, greinir frá þessu í Facebook-færslu.

Lífið

Ás­laug Arna setur lúxusíbúð á leigu

Áslaug Arna Sigurbjörnsdóttir, nýr starfsmaður Fenris Creations og fyrrverandi ráðherra og þingmaður Sjálfstæðisflokksins, er flutt til Lundúna og hefur því sett lúxusíbúð sína á Hafnartorgi á leigu. Síðustu tvö árin hafa einkennst af miklu breytingum í lífi Áslaugar.

Lífið

Hvað veistu um… textana hans Bubba?

Tónlistarmaðurinn Bubbi Morthens er einn áhrifamesti texta- og tónlistarmaður Íslendinga. Textar hans eru margir fyrir löngu orðnir ódauðlegir þar sem hann fjallar meðal annars um ástina, söknuð, einmanaleika, samfélagið og lífsbaráttuna almennt.

Lífið

Engin á­kvörðun tekin um Euro­vision þátt­töku

Stjórn Ríkisútvarpsins hefur ekki tekið neina ákvörðun um þátttöku Íslands í Eurovision söngvakeppninni árið 2027. Stjórnin fundar næst eftir rúmar tvær vikur en líklega mun ekkert liggja fyrir um þáttöku fyrr en í desember.

Lífið

Sögu­frægt verslunar­hús til sölu

Hjónin Inga Lára Baldvinsdóttir og Magnús Karel Hannesson hafa sett á sölu hið sögufræga hús Sjónarhól að Eyrargötu 46 á Eyrarbakka. Um er að ræða sjarmerandi hús með tæplega 140 ára sögu og hagstætt fermetraverð. Húsnæðið býður upp á ýmis tækifæri og stuttan akstur til höfuðborgarsvæðins.

Lífið

Hélt alls­herjar skilnaðarpartý: „Ég er frjáls“

„Hér er mitt ráð varðandi skilnað almennt: Það er aldrei of seint að fá skilnað og það er aldrei of snemmt heldur,“ segir grínistinn, rithöfundurinn og listamaðurinn Rebecca Scott Lord sem er nýskilin og fagnaði því með pomp og prakt með partýi á dögunum. Blaðamaður ræddi við Rebeccu um tímamótin.

Lífið

Lést eftir mis­lukkaða typpastækkun í Taí­landi

Bresk-nígeríski viðskiptajöfurinn Igho „Tiny“ Ubiribo lést eftir að farið í typpastækkunaraðgerð í Taílandi en hann var þar í fríi með eiginkonu sinni í mars. Upphaflega var talið að Ubiribo hefði dáið úr hjartaáfalli en nú hefur dánardómstjóri úrskurðað að typpastækkunin hafi dregið hann til dauða.

Lífið

Stjörnulífið: Undir hárlengingum og bótoxi leynist ís­lenskur karl­maður

Það var líf og fjör í liðinni viku hjá stjörnum landsins og september tekur á móti landsmönnum með sól og fögrum haustdögum. Raunveruleikastjarnan Patrekur Jaime sýndi á sér nýjar og óvæntar hliðar, Birgitta Líf fór í Reykjaböðin, Ásgerður Diljá fagnaði afmæli í París og Dorrit hékk á hvolfi og sagði að það væri besti þynnkubaninn. 

Lífið

Eitt allra krúttlegasta mót ársins

Hjólamót Hjólaskólans, hjólreiðafélagsins Tinds og Krónunnar fór fram í Öskjuhlíð á dögunum. Mótið, sem sumir myndu líklega segja að væri krúttlegasta hjólamót landsins, var þá haldið í níunda sinn og mættu um fjögur hundruð börn, þau yngstu tveggja ára en þau elstu tólf, til leiks.

Lífið

Ó­líkt hafast þeir að for­setarnir fyrr­verandi

Guðni Th. Jóhannesson, fyrrverandi forseti lýðveldisins og prófessor í sagnfræði, hefur tekist á hendur mikið verk sem er að skrásetja hvað gekk á í þorskastríðunum. Að efni til kallast bókin óbeint á við nýafstaðna þjóðaratkvæðagreiðslu. Guðna finnst þægilegt að fela sig í fortíðinni öfugt við annan fyrrverandi forseta sem heitir Ólafur Ragnar Grímsson. Honum finnst hann enn fulltrúi afla sem hann er ósammála og geti því ekki tjáð sig fyrirvaralaust.

Lífið

Einn mánuður án á­fengis breytti öllu

Sunna Ben Guðrúnardóttir hefur lengi verið áberandi í íslensku menningar- og skemmtanalífi sem ljósmyndari og plötusnúður og hefur komið víða við í skapandi störfum. Fyrir þrettán árum var staðan þó allt önnur. Hún var 24 ára, nýkomin heim úr myndlistarnámi, atvinnulaus, blönk og glímdi við kvíða sem áfengið gerði enn verri. Þegar hún ákvað að prófa einn mánuð án áfengis hafði hún enga hugmynd um að sá mánuður yrði upphafið að nýju lífi.

Lífið

Skrifaði gaman­þætti um löggur á meðan hann var sjálfur að leika löggu

Kvartanir vegna kynlífsathafna. Maður dettur í karókí. Kúkur á bílahúddi. Maður í annarlegu ástandi „bítur frá sér“. Fyrir flesta eru þetta furðulegar, stuttar færslur úr dagbók lögreglunnar sem maður les, brosir yfir og gleymir svo. Fyrir Ólaf Ásgeirsson og samstarfsfólk hans urðu þær hins vegar að efnivið í nýja íslenska gamanþáttaröð, Dagbók lögreglu, þar sem hversdagsleg og oft stórfurðuleg útköll lögreglu eru tekin, teygð, snúin og færð yfir í skáldskap.

Lífið

Myndin til­einkuð mömmu

„Mamma mín spilaði hana mjög mikið. Maður á ófáar góðar og hlýjar minningar af því þegar maður sat í aftursætinu í bíl með mömmu á rúntinum og hún var alltaf með Sálina skrúfaða upp í botn.“

Lífið

Skrifaði sig í sögu­bækur Cambridge

„Maður finnur drifkraftinn og brennandi áhugann í loftinu frá öllu fólkinu í kringum mann og það er mjög smitandi,“ segir hin 25 ára gamla og kraftmikla Guðrún Diljá Agnarsdóttir sem er búsett í Cambridge í Bretlandi þar sem hún er á lokaárinu sínu í doktorsnámi og rannsakar líffræðilegar afleiðingar stökkbreytinga í geni sem valda Parkinson-sjúkdómi. Samhliða krefjandi námi stundar hún róður af fullum krafti en hún féll fyrir sportinu á fyrstu vikunum sínum úti og vann nýverið til virtra verðlauna á því sviði. 

Lífið

Opnar sig um bótoxnotkunina

Leikkonan Jennifer Lawrence gengst við notkun fegrunarlyfsins bótox eftir miklar vangaveltur fólks undanfarin ár um að hún hafi lagst undir skurðhnífinn. Hún hafi líka viljað láta fjarlægja fitu úr kinnum sínum en gæti það ekki því umbreytingin yrði of augljós.

Lífið

Skipti máli að börn með krabba­mein eigi sinn dag

Haldið er upp á treyjudaginn svokallaða í dag en þá er fólk hvatt til að klæðast sinni uppáhalds íþróttatreyju til stuðnings börnum með krabbamein. Framkvæmdastjóri styrktarfélagsins Börn með krabbamein segir verkefnið eiga uppruna sinn í Danmörku og markmiðið sé að vekja athygli á félaginu.

Lífið

Gísli Marteinn syrgir þrjóskan Vesturbæing

Fjölmiðlamaðurinn Gísli Marteinn Baldursson syrgir „skemmtilegasta og þrjóskasta tréð í Vesturbænum,“ lítið birkitré sem festi rætur við Hagatorg fyrir meira en átta árum og var fellt nýverið. Hann furðar sig á þeirri ákvörðun borgaryfirvalda að fella tré sem hafi glatt fólk og haft hraðalækkandi áhrif á umferðina. Ekki eru allir sammála honum.

Lífið

„Ætlarðu að lifa eða ætlarðu að deyja?“

Sálfræðingurinn og listamaðurinn Birgir Örn Steinarsson, betur þekktur sem Biggi Maus, fór í gegnum krísu þegar hann var 27 ára og ákvað að kúvenda lífi sínu til hins betra. Ungt fólk eigi að leyfa sér að gera mistök og hvetur hann sín eigin börn til þess að bíða með barneignir þar til eftir þrítugt.

Lífið

Hættir með stefnumótaþættina vin­sælu

Amelia Dimoldenberg hefur ákveðið að hætta með þættina geysivinsælu Chicken Shop Date. Hún hefur haldið úti þáttunum í rúman áratug og fengið til sín yfir hundrað gesti á „stefnumót.“ 

Lífið

Mest lesið