Viðskipti innlent

Allir héldu stjörnunni og Óx fékk eina græna til

Árni Sæberg skrifar
Frá vinstri: Agne Petkeviciute, Guðgeir Ingi Kanneworff Steindórsson, Rúnar Pierre Heriveaux yfirkokkur á Óx og Þráinn Freyr Vigfússon stofnandi og einn eigenda Óx. Þráinn er einnig einn eigenda Sumac, sem finna má í Michelin-vegahandbókinni.
Frá vinstri: Agne Petkeviciute, Guðgeir Ingi Kanneworff Steindórsson, Rúnar Pierre Heriveaux yfirkokkur á Óx og Þráinn Freyr Vigfússon stofnandi og einn eigenda Óx. Þráinn er einnig einn eigenda Sumac, sem finna má í Michelin-vegahandbókinni. Aðsend

Allir þrír staðirnir hérlendis sem skartað hafa hinni eftirsóttu Michelin-stjörnu halda stjörnunni milli ára. Tvær breytingar eru þó frá síðastu Michelin-vegahandbók en Óx hlaut græna stjörnu ásamt þeirri hefðbundnu og Hosiló bætist á lista yfir veitingastaði sem dekkjaframleiðandinn mælir með.

Michelin-vegahandbókin fyrir Norðurlöndin árið 2025 var kynntur á hátíðarmóttöku þann 16. júní. Alls mælir Michelin með 282 veitingastöðum á Norðurlöndunum, sex staðir hlutu þrjár stjörnur, fimmtán tvær stjörnur, 75 eina stjörnu, 44 svokallaða Bib gourmand-viðurkenningu og 39 græna stjörnu.

Hér á landi hlutu veitingastaðirnir Dill, Óx og Moss Michelin-stjörnu en þeir höfðu allir verið sæmdir orðunni áður. Dill og Óx hlutu græna stjörnu, sem veitt er veitingastöðum sem taldir eru skara fram úr í sjálfbærri matargerð. Dill bjó þegar yfir grænni stjörnu en Óx fær hana nú í fyrsta skipti.

Hosiló bætist á lista yfir veitingastaði sem Michelin mælir með en þar voru áður Matur og drykkur, Sumac, Oto, Brút og Tides.

Michelin Matur Veitingastaðir Reykjavík Grindavík


Mest lesið


Fleiri fréttir

Sjá meira


×

Mest lesið