Bylgju­lestin verður í stuði á Bíla­dögum á Akur­eyri

„Það er alltaf nóg um að vera á Akureyri og fastur liður í júní er auðvitað hinir árlegu Bíladagar. Þar ætlum við að vera á laugardaginn og koma okkur fyrir nánast við rásmarkið á svæði Bílaklúbbs Akureyrar,“ segir Bragi Guðmunds útvarpsmaður en með honum í för verður Kristín Ruth Jónsdóttir.

Góðir gestir munu kíkja í heimsókn eins og venjulega. „Við ætlum að fá til okkar Einar stjórnarformann Bílaklúbbsins sem mun fara yfir þessa frábæru dagskrá sem verður alla helgina. Einnig vonumst við til að hitta forsvarsfólk bæjarins til að heyra af öllu því góða sem er að gerast í bænum og svo kíkja Hvanndalsbræður til okkar með glænýjan sumarsmell.“

Bíladagar á Akureyri er einn stærsti íþróttaviðburður sinnar tegundar sem haldinn er á Íslandi og er einskonar árshátíð áhugamanna um mótorsport. Hátíðin fer fram dagana 13.-17. júní á svæði Bílaklúbbs Akureyrar við Hlíðarfjallsveg. Á dagskrá er m.a. spyrnu keppni, bíla limbó, Rallycross, hávaðakeppni, bílasýning sem fer fram í Boganum og margt fleira.

„Það er alltaf gaman að koma til Akureyrar hvenær sem er ársins og ekki síst vegna þess að þar er alltaf hlýtt í veðri og fólkið er gott. Við vonumst svo sannarlega til að sjá sem flesta,“ segir Bragi.

Samstarfsaðilar Bylgjulestarinnar verða með í för. Sjóvá og Samgöngustofa munu fjalla um umferðaröryggi, Topptjöld og vagnar verða með iKamper vagn til sýnis, 7up Zero gefur gestum frískandi drykki og bílaumboðið Askja verður með bílasýningu.

Næstu áfangastaðir Bylgjulestarinnar í sumar

21. júní Hallormsstaðarskógur

28. júní Hafnarfirði

5. júlí Akranes

13. júlí Selfoss

19. júlí Hljómskálagarðurinn

26. júlí Vaglaskógur