Leggja drög að á­kæru á hendur for­setanum

Forsetinn, Yoon Suk Yeol, sagði í gær nauðsynlegt að setja á herlög til þess að hægt væri að verja landið fyrir ógninni frá Norður-Kóreu og eins til þess að útrýma öflum innanlands sem væru að vinna gegn ríkinu. 

Aðeins tveimur tímum eftir að forsetinn setti lögin umdeildu höfðu þingmenn komið saman og greitt atkvæði um að ákvörðuninni skyldi hnekkt. 

Nú vilja þeir að forsetinn segi af sér og hópur stjórnarandstæðinga undirbýr ákæru á hendur honum fyrir afglöp í starfi. Í umfjöllun breska ríkisútvarpsins segir að ferlið gæti tekið marga daga en ef slík tillaga kemur fram á þinginu þarf aukinn meirihluti, eða tvo þriðju þingmanna, til að samþykkja hana.