Dæmdur fyrir sérstaklega hættulega líkamsárás Kolbeinn Tumi Daðason skrifar 12. nóvember 2024 12:03 Kristján Markús Sívarsson neitaði sök og kannaðist ekkert við árásina. Vísir Kristján Markús Sívarsson hefur verið dæmdur í sextán mánaða fangelsi fyrir sérstaklega hættulega líkamsárás og vörslu og vopna og fíkniefna. Konunni sem varð fyrir árásinni voru dæmdar 800 þúsund krónur í miskabætur en hún hlaut höfuðkúpubrot og mar á heila. Það var að kvöldi 22. janúar 2022 sem lögregla var kölluð út að heimili á höfuðborgarsvæðinu þar sem hún hitti fyrir kærustupar. Konan sagði Kristján Markús hafa kastað kertastjaka í höfuð hennar með þeim afleiðingum að hún fékk gat á höfuðið. Þau hefðu verið í íbúð Kristjáns í Reykjavík. Síðar um nóttina hafði starfsfólk bráðamóttökunnar í Fossvogi samband við lögreglu og tilkynntu að konan væri þangað komin með opið höfuðkúpubrot. Fóru þá tveir lögreglumenn að heimili Kristjáns og handtóku. Í íbúðinni var auk Kristjáns kona í mjög annarlegu ástandi. Konan staðfesti að kærustuparið hefði komið í heimsókn til þeirra fyrr um kvöldið og þau fjögur farið saman í göngutúr. Lagt var hald á fíkniefni og tvær axir í íbúðinni en enginn kertastjaki fannst. Konan sem var í íbúðinni með Kristjáni Markúsi neitaði að gefa skýrslu fyrir dómi vegna tengsla þeirra. Kannaðist ekki við neina árás Kristján sagðist fyrir dómi ekkert geta sagt til um umrædda líkamsárás og ekkert vita hvað hefði komið fyrir konuna. Hún hefði komið heim til hans með einhverja hluti sem hún hefði fengið lánaða en konurnar tvær hefðu þekkst. Hann sagðist ekki muna eftir neinum göngutúr. Hann hefði vaknað við að lögregla reyndi að brjóta upp hurðina á heimili hans um nóttina. Hann myndi ekki hvort þeir hefðu tjáð honum hvert tilefnið væri. Hann hefði talið að um eitthvert lyfjamisferli væri að ræða. Hann kannaðist við fíkniefnin sem fundust en sagðist ekki hafa vitað að axirnar sem voru haldlagðar væru ólöglegar. Geðshræring eða annarlegt ástand? Sérfræðingur á bráðamóttöku stðafesti að áverkarnir á konunni samrýmdust frásögn hennar. Um hefði verið að ræða hættulegt höfuðkúpubrot og mar á heila sem ekki hefði verið hægt að útiloka að yrði alvarlegra. Þá hefði lækninum reynst auðvelt að tala við konuna sem hefði ekkert minnst á gerandann. Hann taldi ekkert benda til annarlegs ástands hjá konunni. Varðandi lýsingar lörgeglumanna klukkustund áður um slíkt ástand sagði læknirinn að hugsanlega hefði verið um að ræða geðshræringu eða hræðslu. Erfitt væri að segja hvers konar hlut hefði verið kastað í konuna en áverkinn hefði litið út fyrir að vera af kertastjaka. Hefði konan lent á gólfinu hefði útlitið verið annað og raunar sjaldgæft að höfuðkúpa brotni við slíkt fall. Þá sæi hann ekki fyrir sér að hún hefði getað lent á borðsbrún eða borðshorni þá það væri mögulegt. Sakaði konuna um þjófnað Konan sagðist hafa farið til Kristjáns ásamt kærasta sínum. hún hefði verið illa klædd, skroppið heim og fengið lánaða úlpu og skó. Þegar hún hefði komið aftur hefði Kristján verið mjög æstur og sakað hana um þjófnað. Hann hefði orðið reiðari og reiðari, hún svo fengið eitthvað í höfuðið og byrjað að svima. Hún hefði ekki séð hverju hefði verið kastað í hana en útilokað væri að það hefði verið hin konan sem sat í sófanum. Kristján hefði svo ákveðið að þau héldu heim til hennar. Á leiðinni hefði hún kastað upp, grátið og hana svimað. Kristján hefði ásakað hana um að vera að vekja á sér athygli og sparkað í fót hennar. Raunar var upphaflega ákært fyrir þetta brot en saksóknari féll frá þeim ákærulið fyrir dómi. Hann hefði komið inn, fengið sér jónu og farið að gramsa í skúffum. Hún hefði beðið eftir að hann færi og þá hringt á sjúkrabíl. Hún hefði sjálf verið undir áhrifum en muna vel hvað hefði gerst. Atburðurinn hefði valdið henni kvíða og áfallastreitu. Kærasti konunnar sagðist ekki hafa séð þegar hlutnum var kastað því hann hefði verið að horfa í aðra átt. Allt í einu hefði kærasta hans verið stórslösuð og Kristján fjúkandi reiður. Á leiðinni yfir í íbúð konunnar hefði Kristján virkað æstur og hann gert sitt besta til að halda friðinn. Löng brotasaga Kristján neitaði sök og sagðist ekkert vita hvað hefði komið fyrir. Héraðsdómur sagði framburð kærustuparsins hjá lögreglu og fyrir dómi hafa verið stöðugan um það sem máli skipti. Kristján hefði upphaflega neitað að konan hefði komið á heimili hans umrætt kvöld en breytti þeim framburði fyrir dómi. Taldi héraðsdómur sannað að Kristján hefði gerst sekur um árásina auk vörslu efna og vopna. Um hefði verið að ræða sérstaklega hættulega líkamsárás. Væri hann því sakfelldur og refsing metin. Við það mat horfði dómurinn til langrar refsisögu Kristjáns sem hefur frá árinu 1998 ítrekað verið dæmdur til refsingar. Sex sinnum hefur hann hlotið dóm fyrir ofbeldisbrot auk ítrekaðra brota á fíkniefnalögum. Alvarleg og fólskuleg árás án tilefnis Árásin var framin áður en hann hlaut tveggja mánaða dóm fyrir fíkniefnalagabrot snemma árs 2022. Var þetta brot því hegningarauki. Þá hafði brotið ítrekunaráhrif vegna fjögurra ára og níu mánaða dóms sem Kristján hlaut árið 2015 fyrir ofbeldisbrot. Afplánun þess dóms lauk um fjórum árum eftir að dómur féll. Þá var horft til þess að um var að ræða alvarlega, fólskulega og hættulega líkamsárás án nokkurs tilefnis sem beindist að höfði konunnar. Einnig var litið til þess hve langan tíma málið hefði tekið í kerfinu. Skýrslutökum hefði verið lokið degi eftir árásina en ákæra ekki gefin út fyrr en rúmum tveimur árum síðar. Þessi dráttur á málinu kom til refsilækkunar. Var Kristján dæmdur í sextán mánaða fangelsi og til að greiða konunni 800 þúsund krónur í skaðabætur. Sagðist ekki brjóta á saklausu fólki Kristján Markús var í viðtali við Vísi í janúar 2021 en hann hafði þá hafið veðlánastarfsemi. Var hann spurður út í afbrotasögu sína í því samhengi. „Það er voðalega leiðinlegt ef fólk er hrætt við mig, titlar mig illmenni. Ég hef vissulega framið ljóta glæpi sem maður þyrfti að vera illmenni til að framkvæma. En ég hef verið í mikilli neyslu og rugli,“ segir Kristján. „Þetta hefur aldrei verið fólk sem hefur komið saklaust inn í líf mitt,“ segir Kristján. Barnaníðingur og maður sem braust inn til mömmu hans hafi fengið að kenna á því. „En ég hef ekki brotið á saklausu fólki. Ég hef aldrei lamið neinn fyrir peninga, eða hækkað skuld við neinn. Þeir sem þekkja mig vita það.“ Dómsmál Lögreglumál Reykjavík Mest lesið Vill skipta út borgarstjórnarflokknum en halda Hildi inni Innlent Hútar réðust inn til Sameinuðu þjóðanna og tóku ellefu starfsmenn í hald Innlent Biðjast ekki afsökunar Innlent Friðarsúlan „gagnslaus“ og megi alveg eins heita „woke-súlan“ Innlent Ferðamaður tekinn á tvö hundruð kílómetra hraða Fréttir Vilja losna við lífsýni sem tengt var Ásu Erlent Mótorhjólakappi fluttur á sjúkrahús eftir árekstur við framúrakstur Innlent Fer hörðum orðum um „óveðursskýið“ Jóhann Pál Innlent Vilja reisa gervigreindarborgir á rústum Gasa Erlent „Dökk að utan en mjólkurhvít að innan“ Innlent Fleiri fréttir Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar BMX brós strákarnir hafa skemmt á flestum bæjarhátíðum sumarsins Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Fer hörðum orðum um „óveðursskýið“ Jóhann Pál Boðar sumarveður inn í september Google Maps beinir ökumönnum um Krýsuvíkurleiðina vegna villu Uppsagnir vegna veiðigjalda, hamfarakólnun og fagnaðarlæti Flokks fólksins Ísland standi frammi fyrir hamfarakólnun verði ekkert gert „Mikill léttir“ af nýjum þingflokksformanni Hafstraumar, menntun, húsnæðisverð og pólitíkin í haust á Sprengisandi Tvö útköll vegna veiðarfæra í skrúfum Ósammála því að jarðvarmavirkjanir séu í losunarbókhaldinu Vilja búa til „friðarfána“ svo ekki þurfi að flagga erlendum fánum „Dökk að utan en mjólkurhvít að innan“ Þjóðin sé orðin þreytt á málþófi Tókst ekki að flýja lögreglu og var gómaður með þrjá hnífa og meint eiturlyf Leikskólabörn sungu með 89 ára harmonikuleikara í Garðabæ Skorar á verktaka að lækka íbúðaverð Björguðu ketti sem var fastur inni í Teslu Varnaðarorð sálfræðings, auðveldari leið inn á húsnæðismarkað og bangsakvöld Lýst eftir Ólafi í Búlgaríu Þyrlan kölluð út vegna beinbrotinnar göngukonu Vesturbæjarlaug opnar enn á ný Sjá meira
Það var að kvöldi 22. janúar 2022 sem lögregla var kölluð út að heimili á höfuðborgarsvæðinu þar sem hún hitti fyrir kærustupar. Konan sagði Kristján Markús hafa kastað kertastjaka í höfuð hennar með þeim afleiðingum að hún fékk gat á höfuðið. Þau hefðu verið í íbúð Kristjáns í Reykjavík. Síðar um nóttina hafði starfsfólk bráðamóttökunnar í Fossvogi samband við lögreglu og tilkynntu að konan væri þangað komin með opið höfuðkúpubrot. Fóru þá tveir lögreglumenn að heimili Kristjáns og handtóku. Í íbúðinni var auk Kristjáns kona í mjög annarlegu ástandi. Konan staðfesti að kærustuparið hefði komið í heimsókn til þeirra fyrr um kvöldið og þau fjögur farið saman í göngutúr. Lagt var hald á fíkniefni og tvær axir í íbúðinni en enginn kertastjaki fannst. Konan sem var í íbúðinni með Kristjáni Markúsi neitaði að gefa skýrslu fyrir dómi vegna tengsla þeirra. Kannaðist ekki við neina árás Kristján sagðist fyrir dómi ekkert geta sagt til um umrædda líkamsárás og ekkert vita hvað hefði komið fyrir konuna. Hún hefði komið heim til hans með einhverja hluti sem hún hefði fengið lánaða en konurnar tvær hefðu þekkst. Hann sagðist ekki muna eftir neinum göngutúr. Hann hefði vaknað við að lögregla reyndi að brjóta upp hurðina á heimili hans um nóttina. Hann myndi ekki hvort þeir hefðu tjáð honum hvert tilefnið væri. Hann hefði talið að um eitthvert lyfjamisferli væri að ræða. Hann kannaðist við fíkniefnin sem fundust en sagðist ekki hafa vitað að axirnar sem voru haldlagðar væru ólöglegar. Geðshræring eða annarlegt ástand? Sérfræðingur á bráðamóttöku stðafesti að áverkarnir á konunni samrýmdust frásögn hennar. Um hefði verið að ræða hættulegt höfuðkúpubrot og mar á heila sem ekki hefði verið hægt að útiloka að yrði alvarlegra. Þá hefði lækninum reynst auðvelt að tala við konuna sem hefði ekkert minnst á gerandann. Hann taldi ekkert benda til annarlegs ástands hjá konunni. Varðandi lýsingar lörgeglumanna klukkustund áður um slíkt ástand sagði læknirinn að hugsanlega hefði verið um að ræða geðshræringu eða hræðslu. Erfitt væri að segja hvers konar hlut hefði verið kastað í konuna en áverkinn hefði litið út fyrir að vera af kertastjaka. Hefði konan lent á gólfinu hefði útlitið verið annað og raunar sjaldgæft að höfuðkúpa brotni við slíkt fall. Þá sæi hann ekki fyrir sér að hún hefði getað lent á borðsbrún eða borðshorni þá það væri mögulegt. Sakaði konuna um þjófnað Konan sagðist hafa farið til Kristjáns ásamt kærasta sínum. hún hefði verið illa klædd, skroppið heim og fengið lánaða úlpu og skó. Þegar hún hefði komið aftur hefði Kristján verið mjög æstur og sakað hana um þjófnað. Hann hefði orðið reiðari og reiðari, hún svo fengið eitthvað í höfuðið og byrjað að svima. Hún hefði ekki séð hverju hefði verið kastað í hana en útilokað væri að það hefði verið hin konan sem sat í sófanum. Kristján hefði svo ákveðið að þau héldu heim til hennar. Á leiðinni hefði hún kastað upp, grátið og hana svimað. Kristján hefði ásakað hana um að vera að vekja á sér athygli og sparkað í fót hennar. Raunar var upphaflega ákært fyrir þetta brot en saksóknari féll frá þeim ákærulið fyrir dómi. Hann hefði komið inn, fengið sér jónu og farið að gramsa í skúffum. Hún hefði beðið eftir að hann færi og þá hringt á sjúkrabíl. Hún hefði sjálf verið undir áhrifum en muna vel hvað hefði gerst. Atburðurinn hefði valdið henni kvíða og áfallastreitu. Kærasti konunnar sagðist ekki hafa séð þegar hlutnum var kastað því hann hefði verið að horfa í aðra átt. Allt í einu hefði kærasta hans verið stórslösuð og Kristján fjúkandi reiður. Á leiðinni yfir í íbúð konunnar hefði Kristján virkað æstur og hann gert sitt besta til að halda friðinn. Löng brotasaga Kristján neitaði sök og sagðist ekkert vita hvað hefði komið fyrir. Héraðsdómur sagði framburð kærustuparsins hjá lögreglu og fyrir dómi hafa verið stöðugan um það sem máli skipti. Kristján hefði upphaflega neitað að konan hefði komið á heimili hans umrætt kvöld en breytti þeim framburði fyrir dómi. Taldi héraðsdómur sannað að Kristján hefði gerst sekur um árásina auk vörslu efna og vopna. Um hefði verið að ræða sérstaklega hættulega líkamsárás. Væri hann því sakfelldur og refsing metin. Við það mat horfði dómurinn til langrar refsisögu Kristjáns sem hefur frá árinu 1998 ítrekað verið dæmdur til refsingar. Sex sinnum hefur hann hlotið dóm fyrir ofbeldisbrot auk ítrekaðra brota á fíkniefnalögum. Alvarleg og fólskuleg árás án tilefnis Árásin var framin áður en hann hlaut tveggja mánaða dóm fyrir fíkniefnalagabrot snemma árs 2022. Var þetta brot því hegningarauki. Þá hafði brotið ítrekunaráhrif vegna fjögurra ára og níu mánaða dóms sem Kristján hlaut árið 2015 fyrir ofbeldisbrot. Afplánun þess dóms lauk um fjórum árum eftir að dómur féll. Þá var horft til þess að um var að ræða alvarlega, fólskulega og hættulega líkamsárás án nokkurs tilefnis sem beindist að höfði konunnar. Einnig var litið til þess hve langan tíma málið hefði tekið í kerfinu. Skýrslutökum hefði verið lokið degi eftir árásina en ákæra ekki gefin út fyrr en rúmum tveimur árum síðar. Þessi dráttur á málinu kom til refsilækkunar. Var Kristján dæmdur í sextán mánaða fangelsi og til að greiða konunni 800 þúsund krónur í skaðabætur. Sagðist ekki brjóta á saklausu fólki Kristján Markús var í viðtali við Vísi í janúar 2021 en hann hafði þá hafið veðlánastarfsemi. Var hann spurður út í afbrotasögu sína í því samhengi. „Það er voðalega leiðinlegt ef fólk er hrætt við mig, titlar mig illmenni. Ég hef vissulega framið ljóta glæpi sem maður þyrfti að vera illmenni til að framkvæma. En ég hef verið í mikilli neyslu og rugli,“ segir Kristján. „Þetta hefur aldrei verið fólk sem hefur komið saklaust inn í líf mitt,“ segir Kristján. Barnaníðingur og maður sem braust inn til mömmu hans hafi fengið að kenna á því. „En ég hef ekki brotið á saklausu fólki. Ég hef aldrei lamið neinn fyrir peninga, eða hækkað skuld við neinn. Þeir sem þekkja mig vita það.“
Dómsmál Lögreglumál Reykjavík Mest lesið Vill skipta út borgarstjórnarflokknum en halda Hildi inni Innlent Hútar réðust inn til Sameinuðu þjóðanna og tóku ellefu starfsmenn í hald Innlent Biðjast ekki afsökunar Innlent Friðarsúlan „gagnslaus“ og megi alveg eins heita „woke-súlan“ Innlent Ferðamaður tekinn á tvö hundruð kílómetra hraða Fréttir Vilja losna við lífsýni sem tengt var Ásu Erlent Mótorhjólakappi fluttur á sjúkrahús eftir árekstur við framúrakstur Innlent Fer hörðum orðum um „óveðursskýið“ Jóhann Pál Innlent Vilja reisa gervigreindarborgir á rústum Gasa Erlent „Dökk að utan en mjólkurhvít að innan“ Innlent Fleiri fréttir Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar BMX brós strákarnir hafa skemmt á flestum bæjarhátíðum sumarsins Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Fer hörðum orðum um „óveðursskýið“ Jóhann Pál Boðar sumarveður inn í september Google Maps beinir ökumönnum um Krýsuvíkurleiðina vegna villu Uppsagnir vegna veiðigjalda, hamfarakólnun og fagnaðarlæti Flokks fólksins Ísland standi frammi fyrir hamfarakólnun verði ekkert gert „Mikill léttir“ af nýjum þingflokksformanni Hafstraumar, menntun, húsnæðisverð og pólitíkin í haust á Sprengisandi Tvö útköll vegna veiðarfæra í skrúfum Ósammála því að jarðvarmavirkjanir séu í losunarbókhaldinu Vilja búa til „friðarfána“ svo ekki þurfi að flagga erlendum fánum „Dökk að utan en mjólkurhvít að innan“ Þjóðin sé orðin þreytt á málþófi Tókst ekki að flýja lögreglu og var gómaður með þrjá hnífa og meint eiturlyf Leikskólabörn sungu með 89 ára harmonikuleikara í Garðabæ Skorar á verktaka að lækka íbúðaverð Björguðu ketti sem var fastur inni í Teslu Varnaðarorð sálfræðings, auðveldari leið inn á húsnæðismarkað og bangsakvöld Lýst eftir Ólafi í Búlgaríu Þyrlan kölluð út vegna beinbrotinnar göngukonu Vesturbæjarlaug opnar enn á ný Sjá meira