Innlent

Hring­veginum lokað við Skeiðar­ár­sand vegna al­var­legs bíl­slyss

Jón Ísak Ragnarsson skrifar
Hringveginum er lokað við Skeiðarársand.
Hringveginum er lokað við Skeiðarársand. Vísir/Vilhelm

Alvarlegur árekstur varð í Öræfasveit við Gígjukvísl á þriðja tímanum í dag þegar tveir bílar skullu saman. Þyrla Landhelgisgæslunnar var kölluð á vettvang og mikill viðbúnaður er á svæðinu. Lokað er fyrir umferð um veginn.

Talið er að bílarnir hafi komið úr gagnstæðri átt þegar þeir skullu saman. Fjórir voru í bílnunum og voru allir fluttir með sjúkraflutningum til aðhlynningar.

Ekki er hægt að segja nánar til um alvarleika áverkanna eða líðan þeirra.

Hringveginum er lokað við Skeiðarársand um óákveðinn tíma. Málið er ennþá í skoðun og engar frekari upplýsingar liggja fyrir.

Þetta staðfestir Brynja Sverrisdóttir, aðalvarðstjóri lögreglunnar á Suðurlandi.

Uppfært kl 15:45

Sveitarfélagið Hornafjörður Umferð Samgönguslys Landhelgisgæslan Lögreglumál

Mest lesið


Fleiri fréttir

Sjá meira


×

Mest lesið