Engin slys urðu á fólki, en fyrst var greint frá atvikinu á vef Eyjafrétta.
„Það var eins og hann hafi ekki náð að hemla hjá sér. Þannig að bíllinn fór bara ágætlega inn hjá mér,“ segir Svava sem tekur fram að bíllinn hafi komið nokkurri ferð inn í búðina „Hann talaði um að bíllinn hefði verið eitthvað bilaður. Ég veit auðvitað ekkert hvernig það mál er.“
Svava segir engan hafa staðið við gluggann þar sem bíllinn skaust inn, en sjálf hafi hún ekki verið langt frá. „Ég var nokkuð nálægt, en það slapp samt alveg til.“
Hún segist vonast til að geta opnað verslunina aftur á morgun. Búið sé að setja plötu fyrir gluggann sem brotnaði. Unnið sé að því að þrífa glerbrotin upp.
