Barkley hefur löngum verið þekktur fyrir að leyfa sér margt í mat og drykk, en á leikmannaferli sínum fékk hann sér gjarnan sömu máltíðina fyrir leik: Tvo fiskborgara á McDonald's, stórar franskar og að sjálfsögðu Diet Coke til að skola þessu öllu niður.
Nú hefur kappinn ákveðið að hætta í kókinu og ætlar að vera duglegri við að drekka vatn, þó svo að hann viðurkenni að honum finnist bragðið af því ekki upp á marga fiska.
Til að aðstoða Barkley við að standa við nýársheitið greip félagi hans í TNT teyminu, Shaquille O'Neal, fram fyrir hendurnar á honum og dró undan borðinu birgðir Barkleys af kókdósum og dreifði þeim meðal þáttastjórnendanna sem létu ekki sitt eftir liggja og gúlluðu innihaldi dósanna í sig.
Charles Barkley said he wanted to give up Diet Coke as a New Year's Resolution.
— Awful Announcing (@awfulannouncing) January 5, 2024
In response, Shaq, Kenny Smith and Ernie Johnson each enjoyed a Diet Coke as Inside the NBA goes off the air. pic.twitter.com/DAWQAyb8B1
Þess má til gamans geta að Shaq er með auglýsingasamning við Pepsi en ekki liggur ljóst fyrir hvort um samningsbrot hjá Shaq hafi verið að ræða þegar hann ákvað að drekka Coke í beinni útsendingu.