„Þetta er ekki venjulegt stríð, það eru engar reglur“ Hallgerður Kolbrún E. Jónsdóttir skrifar 8. október 2023 19:59 Sprenging eftir loftárás Ísraelsmanna á Gasaströnd í nótt. AP Photo/Fatima Shbair Öryggisráð Ísraels hefur lýst formlega yfir stríði í landinu. Minnst sjö hundruð Ísraelar eru látnir, aðeins lítill hluti þeirra hermenn, og fjögur hundruð Palestínumenn. Mörg þúsund til viðbótar hafa særst. Íslensk kona sem er búsett í Jerúsalem segir ástandið ekki hafa verið svona slæmt síðan í Jom kippúr stríðinu. Staðan sé martraðakennd. Sprengjum hefur rignt bæði á Gasaströndina og borgir og bæi í Ísrael undanfarinn einn og hálfan sólarhring. Öryggisráð Ísraels lýsti formlega yfir stríði í dag enda hefur spennan magnast til muna. Fjallað var um málið í kvöldfréttum Stöðvar 2. Átökin eru nær alfarið bundin við suðvesturhluta Ísrael í nágrenni Gasastrandarinnar, þó sprengjum hafi verið skotið á borgir eins og Jerúsalem og Tel Avív. Það kom hins vegar til átaka við Gólan-hæðir í dag, þegar samtökin Hezbollah í Líbanon skutu flugskeytum á herbyggingar Ísraela á svæðinu. Lengi hefur verið deilt um yfirráð á hæðunum og ávallt verið þar mikil spenna. Frá útför Abu Quta fjölskyldunnar, sem voru vígamenn Hamas. Fjölskyldan féll þegar Ísraelsmenn gerðu loftárás á heimili þeirra í Rafah-búðunum á suðurhluta Gasastrandarinnar.AP Photo/Hatem Ali Bæði Jórdanir og Líbanar hafa komið saman í dag til að sýna Palestínumönnum stuðning. Almenningur vopnast Ísraelar hafa bætt verulega í mótspyrnuna og flykktust hermenn, gráir fyrir járnum, að vígstöðvunum í suðri í morgun. Ísraelskar hersveitir hafa náð aftur einhverjum svæðanna sem vígamenn Hamas lögðu undir sig í gær. Verið er að undirbúa flutning íbúa frá landamærum Ísraels og Líbanon komi til frekari átaka þar og varnarmálaráðuneyti Ísrael hefur jafnframt hafið dreifingu skotvopna til íbúa bæði þar og við landamærin að Gasaströndinni. Ísraelsk fjölskylda yfirgefur heimili sitt í Ashkelon. Heimilið varð fyrir eldflaug Hamas.AP Photo/Tsafrir Abayov Svo virðist sem Hamas-liðar hafi tekið mikinn fjölda almennra borgara og hermanna í gíslingu og flutt yfir landamærin með sér. Talið er að minnst hundrað og jafnvel fleirum sé haldið föngum á Gasa, þar á meðal hópi ungmenna sem var á tónlistarhátíð nærri Gasaströndinni þegar Hamas-liðar réðust þangað inn. „Sonur minn og tengdadótir voru á tónlistarhátíðinni. Í gær klukkan korter í sjö hringdi sonur minn í dóttur mína með myndsímtali. Hann sagði henni að hann hafi meitt sig á handleggnum. Hryðjuverkamenn væru að skjóta á þau. Hann sagðist hafa verið skotinn í handlegginn og bringuna og nokkrum mínútum síðar kom hryðjuverkamaður og spurði hann hvort hann væri vopnaður. Þetta er það sem ég veit, ég hef ekki heyrt frá honum síðan,“ segir móðir ungs manns sem var á tónlistarhátíðinni í samtali við ísraelska fjölmiðla. Björguðu börnum úr gíslingu Þá eru erlendir ríkisborgarar einnig í hópi gíslanna, þar á meðal bandarískir og tælenskir. Tælensk yfirvöld hafa biðlað til Hamas að láta tælendinga lausa. Ísraelsk kona syrgir ættingja sinn sem var drepinn af vígamönnum Hamas í borginni Sderot nærri landamærum Gasastrandarinnar í gær. AP Photo/Baz Ratner Ísraelska hernum tókst að bjarga hópi Ísraela sem Hamas-liðar höfðu tekið í gíslingu í dag. Á myndefninu sjást lítil börn í hópnum. Íris hefur búið í Jerúsalem í þrjátíu ár, er gift ísraelskum manni og á þar börn.Aðsend „Þetta er eins og martröð. Maður er bara að bíða eftir að vakna og átta sig á að þetta hafi verið draumur. Það er greinilega ekki. Þetta er bara svo slæmt ástand. Það er svo mikil óvissa, það er svo margt sem er ekki ennþá ljóst,“ segir Íris Hanna Bigi-Levi. Íris hefur búið í Jerúsalem í þrjátíu ár og orðið vitni að mörgum skærum milli þjóðanna tveggja. „Þetta eru lokin á laufskálahátíðinni hjá gyðingum. Við vöknuðum við sírenur klukkan 6:30 í gærmorgun og vissum ekki alveg hvað var að gerast,“ segir Íris. Hún segir árásir Hamas í gærmorgun hafa komið verulega á óvart. „Þetta eru eins og stór mistök. Þetta á ekki að geta gerst. En hryðjuverkamenn á Gasaströndinni byrjuðu á að skjóta á okkur rakettum. Við fórum inn og út úr byrgjum í gær. Þar sem ég er í Jerúsalem hafa ekki fallið sprengjur í dag en það hafa fallið sprengjur annars staðar nær Gasaströndinni.“ „Það er svo erfitt að vera hér og upplifa þetta“ Þetta segir hún ekki í líkingu við neitt sem hún hefur upplifað áður. „Þetta er rosalega slæmt stríðsástand. Hér í Jerúsalem var okkur sagt að fara ekkert út. Hvorki í gær né í dag, ég rétt skrapp út í búð til að sækja smá í matinn af því að maður veit ekki hvernig hlutirnir munu ganga. Í Austur-Jerúsalem voru arabarnir, í staðin fyrir að kalla á fólk að koma og biðja fyrir, að kalla á alla að fara út og gera hryðjuverk. Þannig að við erum bara virkilega hrædd,“ segir Íris. Flugskeytum skotið frá Gasaströndinni í átt að Ísrael.AP Photo/Fatima Shbair „Þetta er ekki venjulegt stríð, það eru engar reglur. Maður hefur séð myndbönd þar sem verið er að taka gamla konu yfir á Gasaströndina, ungbörn og heilu fjölskyldurnar,“ segir Íris. Hún segir þennan atburð bæði merkan og hræðilegan. „Það er svo erfitt að vera hér og upplifa þetta. Við erum nokkrar íslenskar konur sem búum hér og ein þeirra, sem býr í Ashkelon, er að fela sig. Hryðjuverkamennirnir fóru inn á götur og jafnvel inn á heimili. Það var allt svo óljóst, fólk var að hringja í lögreglu og hún kom ekki. Það kom svo í ljós að lögreglan var sjálf undir árás,“ segir hún. Lögreglumaður á Gasa ber særða stúlku inn á sjúkrahúsið í Beit Lahiya á Gasaströndinni. AP Photo/Mahmoud Essa Ástandið hafi ekki verið svona slæmt síðan Jom kippúr stríðið var árið 1973. „Þegar eldra fólk er að segja frá segir það að ástandið hafi aldrei verið eins slæmt og núna,“ segir Íris. „Almenningur hér er alveg rosalega reiður og fólk er búið að fá nóg. Þetta er hundrað prósent stríð og margir hér halda að það þurfi að svara með fullum hálsi.“ Ísrael Palestína Hernaður Sameinuðu þjóðirnar Átök í Ísrael og Palestínu Mest lesið Silja Björk biður Ingó afsökunar Innlent Helgi í Góu og fyrrverandi borguðu brúsann Innlent Albert mættur í dómsal Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent Fleiri fréttir Trump vígreifur en veit betur Bon Jovi lofaður fyrir að bjarga konu í sjálfsvígshugleiðingum Fyrsta geimganga óbreyttra borgara Fujimori er látinn „Lærisveinn“ Pélicot sagður hafa beitt sömu aðferðum á eigin konu 171 handtekinn og 402 börnum bjargað í aðgerðum í Malasíu Sex starfsmenn UNRWA sagðir hafa verið drepnir í árás Ísraelshers Gerði sér mat úr kattaráti andlega veikrar konu Sprengdu yfirgefinn skýjakljúf í Lousiana Daunill þróun í metanlosun mannkynsins Baráttan um Bandaríkin: Sögulegar kappræður gerðar upp Gætu leyft Úkraínu að nota langdræg flugskeyti gegn Rússlandi Krefjast þess að Ísraelsher bæti ráð sitt eftir dráp á Bandaríkjamanni Brú yfir Saxelfi hrundi í Dresden Trump í mikilli vörn en lýsir yfir sigri 1,4 milljarðar króna fyrir að mæta ekki fyrir rétt Bein útsending: Harris og Trump takast á í fyrsta sinn Sveik 1,3 milljarða úr streymisveitum með gervispilunum Trump verði áfram Trump en meira í húfi fyrir Harris Verður næsti utanríkisráðherra Svíþjóðar Hafa fengið skotflaugar frá Íran Reglur kvöldsins: Engir áhorfendur og slökkt á meðan hinn talar Siðblindur raðlygari sem sýndi aðra hlið út á við Ætla í fyrstu borgaralegu geimgönguna Handtekinn í Dubaí Rannsókn hafin en efasemdir uppi um sekt Letby Auglýsa eftir upplýsingum um 28 ára gamalt morðmál Brú hrundi eftir gríðarlegan fellibyl Weinstein fluttur í flýti í bráðaaðgerð Þjóðverjar herða tökin á landamærum Sjá meira
Sprengjum hefur rignt bæði á Gasaströndina og borgir og bæi í Ísrael undanfarinn einn og hálfan sólarhring. Öryggisráð Ísraels lýsti formlega yfir stríði í dag enda hefur spennan magnast til muna. Fjallað var um málið í kvöldfréttum Stöðvar 2. Átökin eru nær alfarið bundin við suðvesturhluta Ísrael í nágrenni Gasastrandarinnar, þó sprengjum hafi verið skotið á borgir eins og Jerúsalem og Tel Avív. Það kom hins vegar til átaka við Gólan-hæðir í dag, þegar samtökin Hezbollah í Líbanon skutu flugskeytum á herbyggingar Ísraela á svæðinu. Lengi hefur verið deilt um yfirráð á hæðunum og ávallt verið þar mikil spenna. Frá útför Abu Quta fjölskyldunnar, sem voru vígamenn Hamas. Fjölskyldan féll þegar Ísraelsmenn gerðu loftárás á heimili þeirra í Rafah-búðunum á suðurhluta Gasastrandarinnar.AP Photo/Hatem Ali Bæði Jórdanir og Líbanar hafa komið saman í dag til að sýna Palestínumönnum stuðning. Almenningur vopnast Ísraelar hafa bætt verulega í mótspyrnuna og flykktust hermenn, gráir fyrir járnum, að vígstöðvunum í suðri í morgun. Ísraelskar hersveitir hafa náð aftur einhverjum svæðanna sem vígamenn Hamas lögðu undir sig í gær. Verið er að undirbúa flutning íbúa frá landamærum Ísraels og Líbanon komi til frekari átaka þar og varnarmálaráðuneyti Ísrael hefur jafnframt hafið dreifingu skotvopna til íbúa bæði þar og við landamærin að Gasaströndinni. Ísraelsk fjölskylda yfirgefur heimili sitt í Ashkelon. Heimilið varð fyrir eldflaug Hamas.AP Photo/Tsafrir Abayov Svo virðist sem Hamas-liðar hafi tekið mikinn fjölda almennra borgara og hermanna í gíslingu og flutt yfir landamærin með sér. Talið er að minnst hundrað og jafnvel fleirum sé haldið föngum á Gasa, þar á meðal hópi ungmenna sem var á tónlistarhátíð nærri Gasaströndinni þegar Hamas-liðar réðust þangað inn. „Sonur minn og tengdadótir voru á tónlistarhátíðinni. Í gær klukkan korter í sjö hringdi sonur minn í dóttur mína með myndsímtali. Hann sagði henni að hann hafi meitt sig á handleggnum. Hryðjuverkamenn væru að skjóta á þau. Hann sagðist hafa verið skotinn í handlegginn og bringuna og nokkrum mínútum síðar kom hryðjuverkamaður og spurði hann hvort hann væri vopnaður. Þetta er það sem ég veit, ég hef ekki heyrt frá honum síðan,“ segir móðir ungs manns sem var á tónlistarhátíðinni í samtali við ísraelska fjölmiðla. Björguðu börnum úr gíslingu Þá eru erlendir ríkisborgarar einnig í hópi gíslanna, þar á meðal bandarískir og tælenskir. Tælensk yfirvöld hafa biðlað til Hamas að láta tælendinga lausa. Ísraelsk kona syrgir ættingja sinn sem var drepinn af vígamönnum Hamas í borginni Sderot nærri landamærum Gasastrandarinnar í gær. AP Photo/Baz Ratner Ísraelska hernum tókst að bjarga hópi Ísraela sem Hamas-liðar höfðu tekið í gíslingu í dag. Á myndefninu sjást lítil börn í hópnum. Íris hefur búið í Jerúsalem í þrjátíu ár, er gift ísraelskum manni og á þar börn.Aðsend „Þetta er eins og martröð. Maður er bara að bíða eftir að vakna og átta sig á að þetta hafi verið draumur. Það er greinilega ekki. Þetta er bara svo slæmt ástand. Það er svo mikil óvissa, það er svo margt sem er ekki ennþá ljóst,“ segir Íris Hanna Bigi-Levi. Íris hefur búið í Jerúsalem í þrjátíu ár og orðið vitni að mörgum skærum milli þjóðanna tveggja. „Þetta eru lokin á laufskálahátíðinni hjá gyðingum. Við vöknuðum við sírenur klukkan 6:30 í gærmorgun og vissum ekki alveg hvað var að gerast,“ segir Íris. Hún segir árásir Hamas í gærmorgun hafa komið verulega á óvart. „Þetta eru eins og stór mistök. Þetta á ekki að geta gerst. En hryðjuverkamenn á Gasaströndinni byrjuðu á að skjóta á okkur rakettum. Við fórum inn og út úr byrgjum í gær. Þar sem ég er í Jerúsalem hafa ekki fallið sprengjur í dag en það hafa fallið sprengjur annars staðar nær Gasaströndinni.“ „Það er svo erfitt að vera hér og upplifa þetta“ Þetta segir hún ekki í líkingu við neitt sem hún hefur upplifað áður. „Þetta er rosalega slæmt stríðsástand. Hér í Jerúsalem var okkur sagt að fara ekkert út. Hvorki í gær né í dag, ég rétt skrapp út í búð til að sækja smá í matinn af því að maður veit ekki hvernig hlutirnir munu ganga. Í Austur-Jerúsalem voru arabarnir, í staðin fyrir að kalla á fólk að koma og biðja fyrir, að kalla á alla að fara út og gera hryðjuverk. Þannig að við erum bara virkilega hrædd,“ segir Íris. Flugskeytum skotið frá Gasaströndinni í átt að Ísrael.AP Photo/Fatima Shbair „Þetta er ekki venjulegt stríð, það eru engar reglur. Maður hefur séð myndbönd þar sem verið er að taka gamla konu yfir á Gasaströndina, ungbörn og heilu fjölskyldurnar,“ segir Íris. Hún segir þennan atburð bæði merkan og hræðilegan. „Það er svo erfitt að vera hér og upplifa þetta. Við erum nokkrar íslenskar konur sem búum hér og ein þeirra, sem býr í Ashkelon, er að fela sig. Hryðjuverkamennirnir fóru inn á götur og jafnvel inn á heimili. Það var allt svo óljóst, fólk var að hringja í lögreglu og hún kom ekki. Það kom svo í ljós að lögreglan var sjálf undir árás,“ segir hún. Lögreglumaður á Gasa ber særða stúlku inn á sjúkrahúsið í Beit Lahiya á Gasaströndinni. AP Photo/Mahmoud Essa Ástandið hafi ekki verið svona slæmt síðan Jom kippúr stríðið var árið 1973. „Þegar eldra fólk er að segja frá segir það að ástandið hafi aldrei verið eins slæmt og núna,“ segir Íris. „Almenningur hér er alveg rosalega reiður og fólk er búið að fá nóg. Þetta er hundrað prósent stríð og margir hér halda að það þurfi að svara með fullum hálsi.“
Ísrael Palestína Hernaður Sameinuðu þjóðirnar Átök í Ísrael og Palestínu Mest lesið Silja Björk biður Ingó afsökunar Innlent Helgi í Góu og fyrrverandi borguðu brúsann Innlent Albert mættur í dómsal Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent Fleiri fréttir Trump vígreifur en veit betur Bon Jovi lofaður fyrir að bjarga konu í sjálfsvígshugleiðingum Fyrsta geimganga óbreyttra borgara Fujimori er látinn „Lærisveinn“ Pélicot sagður hafa beitt sömu aðferðum á eigin konu 171 handtekinn og 402 börnum bjargað í aðgerðum í Malasíu Sex starfsmenn UNRWA sagðir hafa verið drepnir í árás Ísraelshers Gerði sér mat úr kattaráti andlega veikrar konu Sprengdu yfirgefinn skýjakljúf í Lousiana Daunill þróun í metanlosun mannkynsins Baráttan um Bandaríkin: Sögulegar kappræður gerðar upp Gætu leyft Úkraínu að nota langdræg flugskeyti gegn Rússlandi Krefjast þess að Ísraelsher bæti ráð sitt eftir dráp á Bandaríkjamanni Brú yfir Saxelfi hrundi í Dresden Trump í mikilli vörn en lýsir yfir sigri 1,4 milljarðar króna fyrir að mæta ekki fyrir rétt Bein útsending: Harris og Trump takast á í fyrsta sinn Sveik 1,3 milljarða úr streymisveitum með gervispilunum Trump verði áfram Trump en meira í húfi fyrir Harris Verður næsti utanríkisráðherra Svíþjóðar Hafa fengið skotflaugar frá Íran Reglur kvöldsins: Engir áhorfendur og slökkt á meðan hinn talar Siðblindur raðlygari sem sýndi aðra hlið út á við Ætla í fyrstu borgaralegu geimgönguna Handtekinn í Dubaí Rannsókn hafin en efasemdir uppi um sekt Letby Auglýsa eftir upplýsingum um 28 ára gamalt morðmál Brú hrundi eftir gríðarlegan fellibyl Weinstein fluttur í flýti í bráðaaðgerð Þjóðverjar herða tökin á landamærum Sjá meira