Styrkja fræðslu um geðheilbrigði í íslenskum grunnskólum og samfélagsverkefni um allan heim

Body shop 21. október 2022 13:52

Kristín Ósk Sylla Ólafsdóttir heldur utan um samfélagsverkefni Body shop á Íslandi en hluti söluverðs af hverri keyptri jólagjöf rennur til samfélagsmála bæði hér heima og erlendis. Ný heimasíða er komin í loftið og 20% afsláttur af öllum vörum í dag og á morgun.

„Þú lætur gott af þér leiða þegar þú kaupir jólagjafirnar hjá okkur. Þú styrkir bæði Community Fair Trade verkefni sem Body shop tekur þátt í víða um heim og þá erum við alltaf í samstarfi um íslensk verkefni.

Hugrún geðfræðslufélag hefur verið samstarfsaðili okkar undanfarið eitt og hálft ár en þau vinna meðal annars að því að geðfræðslu verði komið inn í grunnskólana,“ útskýrir Kristín Ósk Sylla Ólafsdóttir hjá Body Shop.

Jólavörurnar eru komnar í allar verslanir Body shop og þar eru jóladagatölin vinsælust.

„Dagatölin eru ótrúlega vegleg og falleg og seljast alltaf upp. Við hvetjum því fólk til að tryggja sér eintak tímanlega,“ segir Kristín. „Við erum með þrjár stærðir, í því stærsta og miðstærðinni eru 25 gjafir og 24 í því minnsta. Þau innihalda allskonar vörur eins og sturtusápu, maska, handáburð og flottar andlitsvörur. Í hverjum glugga er einnig skemmtilegur boðskapur sem gaman er að taka með út í daginn. Það er einnig góð tilfinning að vita af því að þú ert að láta gott af þér leiða út um allan heim auk þess sem þú ert að fá gæðavörur,“ útskýrir Kristín.

Jóladagatalið styrkir samfélag í nauð

Hvert jóladagatal Body shop er unnið í samstarfi við Community Fair Trade verkefni og í hverju dagatali er hægt að lesa sögur frá samstarfaðilum.

Stærsta jóladagatal Body shop styrkir verkefnið Recycled Plastic frá Plastic For Change, Bengaluru í Indlandi.

Stærsta dagatalið er unnið í samvinnu við verkefnið Recycled Plastic frá Plastic For Change, Bengaluru í Indlandi. Verkefnið gengur út á að týna plast af götum borgarinnar, hreinsa það og endurvinna.

Miðstærð jóladagatals Body shop styður við verkefnið Shea Butter frá Tungteiya Womens Association, Tamale í Ghana

Miðstærðin er unnin í samvinnu við verkefnið Shea Butter frá Tungteiya Womens Association, Tamale í Ghana og styrkir atvinnusköpun kvenna á svæðinu. „Yfir 600 konur fá atvinnu við verkefnið sem veitir þeim sjálfstraust og fjárhagslegt sjálfstæði,“ útskýrir Kristín. „Það sama á við um minnsta dagatalið sem styrkir verkefnið Mango Seed Oil frá Manorama industries, Chhattisgarh í Indlandi. Þar er verið að styrkja samfélag í nauð.“