Stefán Teitur mætir West Ham | Vaduz á möguleika

Runólfur Trausti Þórhallsson skrifar 26. ágúst 2022 13:25

Stefán Teitur Þórðarson og liðsfélagar hans fengu einkar erfiðan riðil. Lars Ronbog/Getty Images

Dregið var í riðlakeppni Sambandsdeildar Evrópu í fótbolta nú rétt eftir hádegi. Stefán Teitur Þórðarson og félagar í danska úrvalsdeildarliðinu Silkeborg fara til Lundúna og mæta enska úrvalsdeildarliðinu West Ham United. Þá fer Björn Bergmann Sigurðarson til Írlands.

Alls eru 32 lið eftir í keppninni og þar á meðal eru fulltrúar tveggja þjóða sem aldrei hafa spilað í Evrópukeppnum; Vaduz frá Liechtenstein og Ballkani frá Kósovó. Riðlakeppni Sambandsdeildarinnar hefst 8. september og verður leikið í átta fjögurra liða riðlum.

Stefán Teitur á ærið verkefnið fyrir höndum en ásamt Silkeborg og West Ham í B-riðli eru stórlið Anderlecht frá Belgíu og FCSB frá Rúmeníu. Björg Bergmann og félagar hans í Molde mæta Gent frá Belgíu, Shamrock Rovers frá Írlandi og Djurgården frá Svíþjóð.

Þá vekur athygli að Dnipro-1 frá Úkraínu er í E-riðli en knattspyrnutímabilið þar í landi hófst nýverið á nýjan leik þrátt fyrir skelfilegar aðstæður. Það er ljóst að Knattspyrnusamband Evrópu mun ekki leyfa liðinu að spila í Úkraínu og því verður forvitnilegt að sjá hvar liðið mun leika heimaleiki sína.

A-riðill

İstanbul Başakşehir (Tyrkland)

Fiorentina (Ítalía)

Hearts (Skotland)

RFS (Lettland)

B-riðill

West Ham (England)

FCSB (Rúmenía)

Anderlecht (Belgía)

Silkeborg (Danmörk)

C-riðill

Villareal (Spánn)

H. Beer-Sheva (Ísrael)

Austria Vín (Austurríki)

Lech Poznań (Pólland)

D-riðill

Partizan (Serbía)

Köln (Þýskaland)

Nice (Frakkland)

Slovácko (Tékkland)

E-riðill

AZ Alkmaar (Holland)

Apollon Limassol (Kýpur)

Vaduz (Liechtenstein)

Dnipro-1 (Úkraína)

F-riðill

Gent (Belgía)

Molde (Noregur)

Shamrock Rovers (Írland)

Djurgården (Svíþjóð)

G-riðill

Slavia Prag (Tékkland)

CFR Cluj (Rúmenía)

Sivasspor (Tyrkland)

Ballkani (Kósovó)

H-riðill

Basel (Sviss)

Slovan Bratislava (Slóvenía)

Žalgiris (Litáen)

Pyunik (Armenía)

Sambandsdeild Evrópu Fótbolti

Tengdar fréttir

Alfons mætir Arsenal | Þægilegur riðill hjá United

Dregið var í riðlakeppni Evrópudeildarinnar í fótbolta í hádeginu. Alfons Sampsted og félagar hans í Bodö/Glimt frá Noregi drógust í riðil með enska stórliðinu Arsenal og þá fer Elías Rafn Ólafsson til Rómarborgar.

26. ágúst 2022 11:30

„Leikmenn munu fara í loftvarnarbyrgi meðan loftárásir standa yfir“

Úkraínska úrvalsdeildin í fótbolta karla mun fara af stað á nýjan leik í ágúst samkvæmt tilkynningu Vadym Gutzeit, ráðherra æsku og íþrótta í landinu. Það virðist sem Úkraínumenn ætli ekki að láta innrás Rússa stöðva sig í að sparka bolta sín á milli.

12. júlí 2022 09:01

Mest lesið

Fleiri fréttir