Megan Rapin­oe heiðrar Britt­n­ey Griner á orðu­af­hendingu í Hvíta húsinu

Þetta er í fyrsta sinn sem Biden veitir orðuna frá því að hann tók við embætti en hann sagði orðuna vera veitta til einstaklinga sem hafi stutt gildi Bandaríkjana og verið til fyrirmyndar í sínum verkum.

Meðal viðtakenda var einnig fyrrum stórfylkis- og liðsforinginn Wilma Vaught, fyrsti Bandaríkjamaðurinn til þess að fá Covid bóluefni utan lyfjaprófana. Stofnandi Apple, Steve Jobs og fyrrverandi þingmaður Repúblikana John McCain hlutu orðuna einnig eftir andlát sitt. Þetta kemur fram í umfjöllun CNN.

Á athöfninni heiðraði knattspyrnukonan Megan Rapinoe körfuboltakonuna Brittney Griner sem hefur verið í haldi Rússa síðan í febrúar en hún var handtekin á flugvelli í Rússlandi vegna hassolíu sem hún hafði meðferðis í rafrettu.

Þess má geta að Biden er einnig handhafi Friðarorðu sjálfur. Fyrrverandi forseti Bandaríkjanna Barack Obama veitti honum orðuna árið 2017 þegar Biden gegndi embætti varaforseta.

Hægt er að sjá myndband af afhendingunni í spilaranum hér að ofan.