Síðasta drónaárásin í Kabúl: Sjö börn úr sömu fjölskyldunni dóu Samúel Karl Ólason skrifar 11. september 2021 10:52 Þessi mynd var tekin skömmu eftir árásina sem Ahmadi og fjölskyldumeðlimir hans dóu í. AP/Khwaja Tawfiq Síðasta eldflaugin sem vitað er að Bandaríkjamenn skutu í Afganistan grandaði ekki ISIS-liða eins og ráðamenn hafa haldið fram. Þess í stað lenti hún á bíl manns sem hefur starfað fyrir bandarísk hjálparsamtök sem var að skutla vinnufélögum sínum til og frá vinnu. Tíu manns féllu í árásinni og þar á meðal sjö börn. Þetta kemur fram í frétt New York Times en blaðamenn miðilsins vörðu miklu púðri í að rannsaka árásina, sem gerð var þann 29. ágúst, og þá sem dóu í henni. Þennan dag var mikil óreiða í Kabúl eftir valdatöku Talibana og stóðu umfangsmiklir flutningar fólks frá borginni yfir. Þá hafði Íslamska ríkið gert mannskæða sprengjuárás á þvöguna við flugvöllinn. Sjá einnig: Fékk bandaríska hermenn á tal við sig áður en hann sprengdi sig í loft upp Bandarískir embættismenn segjast hafa séð manninn, sem New York Times segir hafa heitið Zemari Ahmadi, koma sprengiefnum fyrir í bíl sínum og segja hann hafa heimsótt hús sem ISIS-liðar hefðu sótt áður. Blaðamenn NYT segja þó að myndbönd sýni Ahmadi hafa sett vatnsbrúsa í bíl sinn en ekki sprengiefni. Hann hafi ætlað að fara með vatnið heim til sín. Ahmadi var 43 ára gamall og hafði starfað sem rafvirki fyrir bandarísku hjálparsamtökin Nutrition and Education International (NEI) frá árinu 2006. Þennan dag var hann á hvítri Corollu sem var í eigu NEI en bandarískir embættismenn segja bílinn hafa sést við hús sem talið var vera skjól ISIS-liða. Þá var byrjað að fylgjast með bílnum úr lofti. Ekki liggur fyrir hvort húsið sem um ræðir var heimili Ahmadis eða heimili tveggja samstarfsfélaga hans sem hann sótti eða heimili yfirmanns hans. Þangað fór hann til að sækja fartölvu. Degi seinna var eldflaugum skotið frá stað nærri heimilis yfirmanns Ahmadis að flugvellinum í Kabúl. Fylgdust með honum allan daginn Dróni var notaður til að fylgjast með ferðum Ahmadis og hafa embættismenn haldið því fram að skilaboð frá ISIS-liðum til ökumanns bílsins hafi verið hleruð. Allan daginn var fylgst með Ahmadi en samstarfsmenn hans segja vinnudag hans hafa verið eðlilegan. Hann hafi verið mikið á ferðinni og hafi meðal annars keyrt nokkra úr vinnunni á lögreglustöð þar sem þeir báðu Talibana um leyfi til að gefa flóttafólki matvæli. Seinna um daginn hjálpaði öryggisvörður Ahmadi við að fylla stóra brúsa af vatni og koma þeim fyrir í bílnum. Ahmadi ætlaði með vatnið heim til sín. Þar sem skortur var á vatni í hverfi hans. Hér má sjá ítarlega sjónvarpsfrétt New York Times þar sem meðal ananrs er farið yfir myndefni sem notað var til að skrásetja síðasta dag Ahmedi. Í grein New York Times segir að yfirlýsingar embættismanna um hvar Ahmadi hafi sést koma sprengjuefnum fyrir í bíl sínum séu til marks um að þar sé átt við vatnið sem hann tók á vinnustað sínum. Þrír aðrir fóru með Ahmadi úr vinnu og segja þeir allir að engar sprengjur hafi verið í bílnum. Ahmadi skutlaði vinnufélögum sínum heim og fór svo heim til sín en hann bjó nærri flugvellinum í Kabúl. Það var svo þegar Ahmadi var að leggja bílnum við heimili sitt að ákvörðun var tekin um að skjóta eldflaug að bílnum. Það var ákveðið þrátt fyrir að bílnum hefði verið lagt í þéttbýlu íbúðasvæði. Ættingjar hans segja að börn hans og bróður hans hafi hoppað upp í bílinn þegar Ahmadi var að leggja honum. Allir sem dóu í sömu fjölskyldunni Eins og áður segir, dóu tíu í árásinni og þar af sjö börn. Það er samkvæmt fjölskyldu Ahmadi. Auk hans dóu Zamir (20), Faisal (16) og Farzad (10), sem voru börn hans. Naser, þrítugur frændi Ahmadis dó einnig og þrjú börn bróður hans, þau Arwin (7), Benyamin (6) og Hayat (2). Auk þeirra dóu Mailka og Somaya sem báðar voru þriggja ára. Bandaríkjamenn hafa bara viðurkennt að þrír almennir borgarar hafi dáið. Embættismenn hafa haldið því fram að eftir að eldflaugin lenti á bílnum hafi önnur og stærri sprenging orðið. Það sé til marks um að bíllinn hafi verið hlaðinn sprengiefni. NYT fékk þó nokkra sérfræðinga til að skoða myndefni frá heimilinu og enginn þeirra hafi séð ummerki annarrar sprengingar. Skýr ummerki séu um eldflaugaárás og það að bíllinn hafi brunnið. Hins vegar séu engar aðrar skemmdir eins og hrundir veggir eða brunninn gróður til marks um aðra sprengingu. Þá sé aðeins ein dæld á hliðinu við húsið, sem sé til marks um að aðeins ein höggbylgja hafi skollið á því. Afganistan Bandaríkin Hernaður Tengdar fréttir Fyrsta almenna farþegaflugið frá Kabul í langan tíma Fyrsta flugvélin í almennu farþegaflugi kom til Kabul höfuðborgar Afganistans í dag. Talsmaður Talibana vonar að flugvöllurinn verði tilbúinn fyrir venjubundið farþgaflug innan tíðar. 9. september 2021 19:41 Kína skýtur á Bandaríkin og heitir neyðaraðstoð til handa Afganistan Stjórnvöld í Kína hafa heitið 4 milljörðum króna í neyðaraðstoð til Afganistan, meðal annars í formi matarbirgða og bóluefna gegn Covid-19. Þá segjast þau reiðubúin til að eiga opið samtal við nýja stjórn talíbana. 9. september 2021 07:46 Bandaríkjamenn hafa áhyggjur af bráðabirgðastjórninni Bandarísk stjórnvöld segjast hafa áhyggjur af nýskipaðri bráðabirgðastjórn í Afganistan sem talíbanar kynntu til sögunnar í gær. 8. september 2021 07:03 Talibanar sakaðir um að myrða ólétta lögreglukonu Vígamenn Talibana í Afganistan hafa verið sakaðir um að hafa skotið ólétta lögreglukonu til bana. Konan er sögð hafa verið komin átta mánuði á leið. 5. september 2021 18:26 Óttast að hryðjuverkahópar skjóti aftur rótum í Afganistan Mark Milley, yfirmaður herforingjaráðs Bandaríkjanna, telur líklegt að borgarastyrjöld muni skella á í Afganistan og að hryðjuverkahópar geti notið þá óreiðu til að skjóta þar niður rótum. Talibanar berjast nú við andófsmenn í Panjshir-dal en virðast vera að bera sigur úr býtum. 5. september 2021 07:45 Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira
Tíu manns féllu í árásinni og þar á meðal sjö börn. Þetta kemur fram í frétt New York Times en blaðamenn miðilsins vörðu miklu púðri í að rannsaka árásina, sem gerð var þann 29. ágúst, og þá sem dóu í henni. Þennan dag var mikil óreiða í Kabúl eftir valdatöku Talibana og stóðu umfangsmiklir flutningar fólks frá borginni yfir. Þá hafði Íslamska ríkið gert mannskæða sprengjuárás á þvöguna við flugvöllinn. Sjá einnig: Fékk bandaríska hermenn á tal við sig áður en hann sprengdi sig í loft upp Bandarískir embættismenn segjast hafa séð manninn, sem New York Times segir hafa heitið Zemari Ahmadi, koma sprengiefnum fyrir í bíl sínum og segja hann hafa heimsótt hús sem ISIS-liðar hefðu sótt áður. Blaðamenn NYT segja þó að myndbönd sýni Ahmadi hafa sett vatnsbrúsa í bíl sinn en ekki sprengiefni. Hann hafi ætlað að fara með vatnið heim til sín. Ahmadi var 43 ára gamall og hafði starfað sem rafvirki fyrir bandarísku hjálparsamtökin Nutrition and Education International (NEI) frá árinu 2006. Þennan dag var hann á hvítri Corollu sem var í eigu NEI en bandarískir embættismenn segja bílinn hafa sést við hús sem talið var vera skjól ISIS-liða. Þá var byrjað að fylgjast með bílnum úr lofti. Ekki liggur fyrir hvort húsið sem um ræðir var heimili Ahmadis eða heimili tveggja samstarfsfélaga hans sem hann sótti eða heimili yfirmanns hans. Þangað fór hann til að sækja fartölvu. Degi seinna var eldflaugum skotið frá stað nærri heimilis yfirmanns Ahmadis að flugvellinum í Kabúl. Fylgdust með honum allan daginn Dróni var notaður til að fylgjast með ferðum Ahmadis og hafa embættismenn haldið því fram að skilaboð frá ISIS-liðum til ökumanns bílsins hafi verið hleruð. Allan daginn var fylgst með Ahmadi en samstarfsmenn hans segja vinnudag hans hafa verið eðlilegan. Hann hafi verið mikið á ferðinni og hafi meðal annars keyrt nokkra úr vinnunni á lögreglustöð þar sem þeir báðu Talibana um leyfi til að gefa flóttafólki matvæli. Seinna um daginn hjálpaði öryggisvörður Ahmadi við að fylla stóra brúsa af vatni og koma þeim fyrir í bílnum. Ahmadi ætlaði með vatnið heim til sín. Þar sem skortur var á vatni í hverfi hans. Hér má sjá ítarlega sjónvarpsfrétt New York Times þar sem meðal ananrs er farið yfir myndefni sem notað var til að skrásetja síðasta dag Ahmedi. Í grein New York Times segir að yfirlýsingar embættismanna um hvar Ahmadi hafi sést koma sprengjuefnum fyrir í bíl sínum séu til marks um að þar sé átt við vatnið sem hann tók á vinnustað sínum. Þrír aðrir fóru með Ahmadi úr vinnu og segja þeir allir að engar sprengjur hafi verið í bílnum. Ahmadi skutlaði vinnufélögum sínum heim og fór svo heim til sín en hann bjó nærri flugvellinum í Kabúl. Það var svo þegar Ahmadi var að leggja bílnum við heimili sitt að ákvörðun var tekin um að skjóta eldflaug að bílnum. Það var ákveðið þrátt fyrir að bílnum hefði verið lagt í þéttbýlu íbúðasvæði. Ættingjar hans segja að börn hans og bróður hans hafi hoppað upp í bílinn þegar Ahmadi var að leggja honum. Allir sem dóu í sömu fjölskyldunni Eins og áður segir, dóu tíu í árásinni og þar af sjö börn. Það er samkvæmt fjölskyldu Ahmadi. Auk hans dóu Zamir (20), Faisal (16) og Farzad (10), sem voru börn hans. Naser, þrítugur frændi Ahmadis dó einnig og þrjú börn bróður hans, þau Arwin (7), Benyamin (6) og Hayat (2). Auk þeirra dóu Mailka og Somaya sem báðar voru þriggja ára. Bandaríkjamenn hafa bara viðurkennt að þrír almennir borgarar hafi dáið. Embættismenn hafa haldið því fram að eftir að eldflaugin lenti á bílnum hafi önnur og stærri sprenging orðið. Það sé til marks um að bíllinn hafi verið hlaðinn sprengiefni. NYT fékk þó nokkra sérfræðinga til að skoða myndefni frá heimilinu og enginn þeirra hafi séð ummerki annarrar sprengingar. Skýr ummerki séu um eldflaugaárás og það að bíllinn hafi brunnið. Hins vegar séu engar aðrar skemmdir eins og hrundir veggir eða brunninn gróður til marks um aðra sprengingu. Þá sé aðeins ein dæld á hliðinu við húsið, sem sé til marks um að aðeins ein höggbylgja hafi skollið á því.
Afganistan Bandaríkin Hernaður Tengdar fréttir Fyrsta almenna farþegaflugið frá Kabul í langan tíma Fyrsta flugvélin í almennu farþegaflugi kom til Kabul höfuðborgar Afganistans í dag. Talsmaður Talibana vonar að flugvöllurinn verði tilbúinn fyrir venjubundið farþgaflug innan tíðar. 9. september 2021 19:41 Kína skýtur á Bandaríkin og heitir neyðaraðstoð til handa Afganistan Stjórnvöld í Kína hafa heitið 4 milljörðum króna í neyðaraðstoð til Afganistan, meðal annars í formi matarbirgða og bóluefna gegn Covid-19. Þá segjast þau reiðubúin til að eiga opið samtal við nýja stjórn talíbana. 9. september 2021 07:46 Bandaríkjamenn hafa áhyggjur af bráðabirgðastjórninni Bandarísk stjórnvöld segjast hafa áhyggjur af nýskipaðri bráðabirgðastjórn í Afganistan sem talíbanar kynntu til sögunnar í gær. 8. september 2021 07:03 Talibanar sakaðir um að myrða ólétta lögreglukonu Vígamenn Talibana í Afganistan hafa verið sakaðir um að hafa skotið ólétta lögreglukonu til bana. Konan er sögð hafa verið komin átta mánuði á leið. 5. september 2021 18:26 Óttast að hryðjuverkahópar skjóti aftur rótum í Afganistan Mark Milley, yfirmaður herforingjaráðs Bandaríkjanna, telur líklegt að borgarastyrjöld muni skella á í Afganistan og að hryðjuverkahópar geti notið þá óreiðu til að skjóta þar niður rótum. Talibanar berjast nú við andófsmenn í Panjshir-dal en virðast vera að bera sigur úr býtum. 5. september 2021 07:45 Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira
Fyrsta almenna farþegaflugið frá Kabul í langan tíma Fyrsta flugvélin í almennu farþegaflugi kom til Kabul höfuðborgar Afganistans í dag. Talsmaður Talibana vonar að flugvöllurinn verði tilbúinn fyrir venjubundið farþgaflug innan tíðar. 9. september 2021 19:41
Kína skýtur á Bandaríkin og heitir neyðaraðstoð til handa Afganistan Stjórnvöld í Kína hafa heitið 4 milljörðum króna í neyðaraðstoð til Afganistan, meðal annars í formi matarbirgða og bóluefna gegn Covid-19. Þá segjast þau reiðubúin til að eiga opið samtal við nýja stjórn talíbana. 9. september 2021 07:46
Bandaríkjamenn hafa áhyggjur af bráðabirgðastjórninni Bandarísk stjórnvöld segjast hafa áhyggjur af nýskipaðri bráðabirgðastjórn í Afganistan sem talíbanar kynntu til sögunnar í gær. 8. september 2021 07:03
Talibanar sakaðir um að myrða ólétta lögreglukonu Vígamenn Talibana í Afganistan hafa verið sakaðir um að hafa skotið ólétta lögreglukonu til bana. Konan er sögð hafa verið komin átta mánuði á leið. 5. september 2021 18:26
Óttast að hryðjuverkahópar skjóti aftur rótum í Afganistan Mark Milley, yfirmaður herforingjaráðs Bandaríkjanna, telur líklegt að borgarastyrjöld muni skella á í Afganistan og að hryðjuverkahópar geti notið þá óreiðu til að skjóta þar niður rótum. Talibanar berjast nú við andófsmenn í Panjshir-dal en virðast vera að bera sigur úr býtum. 5. september 2021 07:45