Viðskipti innlent

Fjögur ráðin til Pipar\TBWA

Atli Ísleifsson skrifar
Salka Þorsteinsdóttir, Kristján Gauti Karlsson og Anna Bergmann. Sitjandi fyrir framan er Margrét Ósk Hildur Hallgrímsdóttir.
Salka Þorsteinsdóttir, Kristján Gauti Karlsson og Anna Bergmann. Sitjandi fyrir framan er Margrét Ósk Hildur Hallgrímsdóttir. Pipar/TBWA

Auglýsingastofan Pipar\TBWA hefur ráðið þau Sölku Þorsteinsdóttur, Kristján Gauta Karlsson, Önnu Bergmann og Margréti Ósk Hildi Hallgrímsdóttur til starfa.

Í tilkynningu kemur fram að þau hafi öll hafið störf hjá stofunni.

„Salka Þorsteinsdóttir er grafískur hönnuður, FÍT. Salka er með B.A í grafískri hönnun frá Listaháskóla Íslands. Hún starfaði áður sem grafískur hönnuður á Íslensku auglýsingastofunni árin 2016-2020.

Kristján Gauti Karlsson er texta- og hugmyndasmiður. Kristján er með B.A. í íslensku frá Háskóla Íslands og starfaði áður sem blaðamaður á Skessuhorni árin 2015-2021.

Anna Bergmann er samfélagsmiðlafulltrúi í efnisframleiðslu. Anna er með B.A. í Fashion Business, Communication and Media frá Istituto Marangoni í Mílanó. Hún hefur bloggað á Trendnet undanfarin 2 ár og starfaði sem markaðsfulltrúi hjá ChitoCare árið 2020.

Margrét Ósk Hildur Hallgrímsdóttir er grafískur hönnuður, FÍT. Margrét er með B.A. í grafískri hönnun frá Listaháskóla Íslands. Hún var áður sjálfstætt starfandi,“ segir í tilkynningunni.

Vistaskipti Auglýsinga- og markaðsmál


Mest lesið


Fleiri fréttir

Sjá meira


×

Mest lesið