Kaldar kveðjur Ragnar Þór Ingólfsson skrifar 9. mars 2021 19:00 Ingibjörg Ósk Birgisdóttir, helsti stuðningsmaður mótframboðsins til formanns VR, skrifar afar rætna grein um mig persónulega, sem ég kippi mér ekki upp við, en það eru atriði í greininni sem ekki er hægt að láta eftir ósvarað. Greininni er dreift af mótframboðinu, væntanlega sem stefnu og skoðun. Mér er sjaldan misboðið þegar gæslufólk séhagsmuna skrifa gegn launafólki, tek því meira sem hvatningu í að gera betur. En þegar einhver úr okkar eigin röðum skrifar með þessum hætti þá staldrar maður við og er verulega hugsi. Ingibjörg Ósk Birgisdóttir skrifar í grein sem hún kallar „Áhugalítill formaður VR“ „Helsta verk Ragnars Þórs á sviði sjúkrasjóðs VR var að rýra réttindi VR-inga stórlega með fullkomlega ábyrgðarlausri auglýsingaherferð um kulnun, sem varð til þess að ásókn í sjóði stéttarfélaganna óx upp úr öllu valdi svo að stefnir í algjört óefni. Og nú stýrir Ragnar kostnaðarsamri auglýsingaherferð VR um stuðningslán til heimilanna, sem er dæmigert innihaldslaust og ófjármagnað loforð lýðskrumara í aðdraganda kosninga.“ Mótframboðið vill meina að þúsundir félagsmanna okkar, og annara stéttarfélaga, séu að gera sér upp veikindi. Vegna þess að þau sáu auglýsingu frá VR. Að þúsundir kvenna, margar hverjar einstæðar mæður, hafi ekki örmagnast vegna langvarandi álags heldur hafi fengið hugmynd í gegnum auglýsingaherferð VR um hvernig svindla megi á sjúkrasjóðum stéttarfélaganna eða ná út úr þeim peningum. Ég á bara ekki til eitt einasta aukatekið orð. Kulnun og streita eru ekki einhver hugtök heldur mjög alvarlegt ástand sem rekja má til margra samliggjandi þátta. Kvíði og langvarandi áhyggjur og álag brjóta niður fólk og fjölskyldur. Einkennin geta verið mjög alvarleg og afleiðingarnar skelfilegar og langvarandi. Það þekkja allir sem þekkja til eða hafa lent í sjálfir. Það var ekki að ástæðulausu að við fórum í herferðina á sínum tíma. Vegna þess að ásókn í sjúkrasjóði okkar og fleiri stéttarfélaga var orðin ósjálfbær og hafa flest öll félög þurftu að skerða réttindin. Staðan var orðin ósjálfbær áður en við fórum af stað með herferðina. Hvaða heilvita manni dytti í hug að fara í slíka herferð ef vandinn væri ekki til staðar? Við í VR og ég sem stjórnarmaður í VIRK starfsendurhæfingu þrýstum einnig á forvarnarátak og víðtækar rannsóknir á því hvað veldur, að í okkar ríka og gjöfula samfélagi er fólk sem er hreinlega að gefast upp í stórum stíl. Við höfum kallað til hæfasta fólkið á því sviði og allir sammála um að mikill vandi er til staðar og mikilvægi þess að vinna saman að lausnum og gera allt sem í okkar valdi stendur til að vinna gegn þessari þróun og hjálpa þeim sem lenda á vegg. Hjálpa fólki við að þekkja einkennin og grípa inn áður en illa fer. Aldrei hefur nokkrum dottið það til hugar að fólk sé að gera sér upp veikindin. Það vita sérfræðingar okkar sem taka á móti fárveiku fólki og hjálpar því að styrkja sig og komast aftur út á vinnumarkaðinn. Dapurlegast af öllu er að Ingibjörg Ósk veit þetta en kýs að fara þessa ógeðfelldu leið til að opinbera persónulega óvild í minn garð. Þá tekur steininn úr þegar hún gagnrýnir baráttu okkar fyrir frekari aðgerðum stjórnvalda um að bregðast við tekjufalli þúsunda félagsmanna okkar, og tugþúsunda annara, sem eru atvinnulausir og ná ekki endum saman. Félagsmenn okkar sem þurfa að velja á milli þess að kaupa mat eða borga reikninga. Þurfa að neita sér og börnum sínum um eðlilega þáttöku í samfélaginu vegna fjárhagsstöðu. Ingibjörg kallar þetta „dæmigert innihaldslaust og ófjármagnað loforð lýðskrumara“ Ingibjörg Ósk hefur um áraraðir unnið innan verkalýðshreyfingarinnar. Unnið af miklum heilindum og til gagns fyrir félagsmenn okkar og samfélagið allt. Ingibjörg Ósk er með duglegri konum sem ég hef kynnst og starfað með innan VR og hreyfingarinnar. Hún er hinsvegar mjög ósátt við þær breytingar sem orðið hafa innan okkar raða og ASÍ. Hún kýs að taka það út á mér persónulega. Ég trúi því að það sé ástæðan fyrir skrifum hennar og að persónuleg óvild í minn garð hafi farið út fyrir allt velsæmi í þessu tilfelli. Þetta er allavega ekki sú Ingibjörg sem ég þekki og starfaði með um árabil innan hreyfingarinnar. Hvort þessi skrif Ingibjargar endurspegli viðhorf mótframboðsins get ég ekki svarað til um, en kaldari verða kveðjurnar ekki í garð þeirra sem hafa örmagnast eða misst vinnu. Ég vil nota tækifærið og biðja fólk um að gæta orða sinna í athugasemdum. Við Ingibjörg Ósk höfum verið ósammála um margt, eins og leiðir að markmiðum. Við höfum líka verið sammála og ég veit að hún brennur fyrir verkalýðsmálum og hefur alltaf gert. Ég ætla því ekki að dæma hana út frá þessari einu grein, eða skoðun hennar á mér eða mínun verkum, heldur störfum hennar fyrir VR síðastliðin 10 ár. Höfundur er formaður VR. Viltu birta grein á Vísi? Sendu okkur póst. Senda grein Ragnar Þór Ingólfsson Formannskjör í VR Mest lesið Sameiginlegt sundkort fyrir höfuðborgarsvæðið – löngu tímabært Þórdís Lóa Þórhallsdóttir Skoðun Okur fákeppni og ofurvextir halda uppi verðbólgu Þorsteinn Sæmundsson Skoðun Tvær leiðir færar til þess að skóli fyrir alla geti virkað Íris Björk Eysteinsdóttir Skoðun Viljum við læra af sögunni eða endurtaka hana? Arndís Anna Kristínardóttir Gunnarsdóttir Skoðun Skrift er málið Guðbjörg Rut Þórisdóttir Skoðun Viltu hafa jákvæð áhrif þegar þú ferðast? Ásdís Guðmundsdóttir Skoðun Ástarsvik ein tegund ofbeldis gegn eldra fólki Kolbrún Áslaugar Baldursdóttir Skoðun Sköpum samfélag fyrir börn Gunnar Salvarsson Skoðun Óverjandi framkoma við fyrirtæki Ólafur Stephensen Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson Skoðun Skoðun Skoðun Okur fákeppni og ofurvextir halda uppi verðbólgu Þorsteinn Sæmundsson skrifar Skoðun Óverjandi framkoma við fyrirtæki Ólafur Stephensen skrifar Skoðun Viljum við læra af sögunni eða endurtaka hana? Arndís Anna Kristínardóttir Gunnarsdóttir skrifar Skoðun Réttlæti hins sterka. Þegar vitleysan í dómsal slær allt út Jörgen Ingimar Hansson skrifar Skoðun Sameiginlegt sundkort fyrir höfuðborgarsvæðið – löngu tímabært Þórdís Lóa Þórhallsdóttir skrifar Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson skrifar Skoðun Ástarsvik ein tegund ofbeldis gegn eldra fólki Kolbrún Áslaugar Baldursdóttir skrifar Skoðun Lítil bleik slaufa kemur miklu til leiðar Halla Þorvaldsdóttir skrifar Skoðun Fræ menntunar – frá Froebel til Jung Kristín Magdalena Ágústsdóttir skrifar Skoðun 1500 vanvirk ungmenni í Reykjavík Magnea Gná Jóhannsdóttir skrifar Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson skrifar Skoðun Að hafa trú á samfélaginu Hjálmar Bogi Hafliðason skrifar Skoðun Sköpum samfélag fyrir börn Gunnar Salvarsson skrifar Skoðun Skrift er málið Guðbjörg Rut Þórisdóttir skrifar Skoðun Viltu hafa jákvæð áhrif þegar þú ferðast? Ásdís Guðmundsdóttir skrifar Skoðun Tvær leiðir færar til þess að skóli fyrir alla geti virkað Íris Björk Eysteinsdóttir skrifar Skoðun Örorkubyrði og örorkuframlag lífeyrissjóða Björgvin Jón Bjarnason skrifar Skoðun Komið gott! Álfhildur Leifsdóttir,Hólmfríður Jennýjar Árnadóttir skrifar Skoðun Gervigreind er persónulegi kennarinn þinn – Lærum að læra upp á nýtt Sigvaldi Einarsson skrifar Skoðun Gegn áætluðu kílómetragjaldi stjórnvalda á bifhjól Matthías Arngrímsson skrifar Skoðun Tillaga um hærri vörugjöld á mótorhjól er skref aftur á bak Unnar Már Magnússon skrifar Skoðun Hvernig hugsar þú um hreint vatn? Lovísa Árnadóttir skrifar Skoðun Takk Vigdís! Takk Guðni! Takk Halla! — Takk þjóð! Hjörtur Hjartarson skrifar Skoðun Blóðmerar - skeytingarleysi hinna þriggja valda Árni Stefán Árnason skrifar Skoðun Krefjandi tímar í veitingageiranum Einar Bárðarson skrifar Skoðun Má endalaust vera níðingur!! Arna Magnea Danks skrifar Skoðun Um pólitík óttans, öryggisvæðingu fólksflótta og hina ICElensku varðhaldsstöð Sema Erla Serdaroglu skrifar Skoðun Silfurfat Samfylkingarinnar Helgi Áss Grétarsson skrifar Skoðun Opið bréf til Jóhanns Páls Jóhannssonar umhverfis-, orku- og loftlagsráðherra Kolbrún Georgsdóttir skrifar Skoðun Fjármálabylting: Gervigreind og táknvæðing fyrir almenning Björgmundur Örn Guðmundsson skrifar Sjá meira
Ingibjörg Ósk Birgisdóttir, helsti stuðningsmaður mótframboðsins til formanns VR, skrifar afar rætna grein um mig persónulega, sem ég kippi mér ekki upp við, en það eru atriði í greininni sem ekki er hægt að láta eftir ósvarað. Greininni er dreift af mótframboðinu, væntanlega sem stefnu og skoðun. Mér er sjaldan misboðið þegar gæslufólk séhagsmuna skrifa gegn launafólki, tek því meira sem hvatningu í að gera betur. En þegar einhver úr okkar eigin röðum skrifar með þessum hætti þá staldrar maður við og er verulega hugsi. Ingibjörg Ósk Birgisdóttir skrifar í grein sem hún kallar „Áhugalítill formaður VR“ „Helsta verk Ragnars Þórs á sviði sjúkrasjóðs VR var að rýra réttindi VR-inga stórlega með fullkomlega ábyrgðarlausri auglýsingaherferð um kulnun, sem varð til þess að ásókn í sjóði stéttarfélaganna óx upp úr öllu valdi svo að stefnir í algjört óefni. Og nú stýrir Ragnar kostnaðarsamri auglýsingaherferð VR um stuðningslán til heimilanna, sem er dæmigert innihaldslaust og ófjármagnað loforð lýðskrumara í aðdraganda kosninga.“ Mótframboðið vill meina að þúsundir félagsmanna okkar, og annara stéttarfélaga, séu að gera sér upp veikindi. Vegna þess að þau sáu auglýsingu frá VR. Að þúsundir kvenna, margar hverjar einstæðar mæður, hafi ekki örmagnast vegna langvarandi álags heldur hafi fengið hugmynd í gegnum auglýsingaherferð VR um hvernig svindla megi á sjúkrasjóðum stéttarfélaganna eða ná út úr þeim peningum. Ég á bara ekki til eitt einasta aukatekið orð. Kulnun og streita eru ekki einhver hugtök heldur mjög alvarlegt ástand sem rekja má til margra samliggjandi þátta. Kvíði og langvarandi áhyggjur og álag brjóta niður fólk og fjölskyldur. Einkennin geta verið mjög alvarleg og afleiðingarnar skelfilegar og langvarandi. Það þekkja allir sem þekkja til eða hafa lent í sjálfir. Það var ekki að ástæðulausu að við fórum í herferðina á sínum tíma. Vegna þess að ásókn í sjúkrasjóði okkar og fleiri stéttarfélaga var orðin ósjálfbær og hafa flest öll félög þurftu að skerða réttindin. Staðan var orðin ósjálfbær áður en við fórum af stað með herferðina. Hvaða heilvita manni dytti í hug að fara í slíka herferð ef vandinn væri ekki til staðar? Við í VR og ég sem stjórnarmaður í VIRK starfsendurhæfingu þrýstum einnig á forvarnarátak og víðtækar rannsóknir á því hvað veldur, að í okkar ríka og gjöfula samfélagi er fólk sem er hreinlega að gefast upp í stórum stíl. Við höfum kallað til hæfasta fólkið á því sviði og allir sammála um að mikill vandi er til staðar og mikilvægi þess að vinna saman að lausnum og gera allt sem í okkar valdi stendur til að vinna gegn þessari þróun og hjálpa þeim sem lenda á vegg. Hjálpa fólki við að þekkja einkennin og grípa inn áður en illa fer. Aldrei hefur nokkrum dottið það til hugar að fólk sé að gera sér upp veikindin. Það vita sérfræðingar okkar sem taka á móti fárveiku fólki og hjálpar því að styrkja sig og komast aftur út á vinnumarkaðinn. Dapurlegast af öllu er að Ingibjörg Ósk veit þetta en kýs að fara þessa ógeðfelldu leið til að opinbera persónulega óvild í minn garð. Þá tekur steininn úr þegar hún gagnrýnir baráttu okkar fyrir frekari aðgerðum stjórnvalda um að bregðast við tekjufalli þúsunda félagsmanna okkar, og tugþúsunda annara, sem eru atvinnulausir og ná ekki endum saman. Félagsmenn okkar sem þurfa að velja á milli þess að kaupa mat eða borga reikninga. Þurfa að neita sér og börnum sínum um eðlilega þáttöku í samfélaginu vegna fjárhagsstöðu. Ingibjörg kallar þetta „dæmigert innihaldslaust og ófjármagnað loforð lýðskrumara“ Ingibjörg Ósk hefur um áraraðir unnið innan verkalýðshreyfingarinnar. Unnið af miklum heilindum og til gagns fyrir félagsmenn okkar og samfélagið allt. Ingibjörg Ósk er með duglegri konum sem ég hef kynnst og starfað með innan VR og hreyfingarinnar. Hún er hinsvegar mjög ósátt við þær breytingar sem orðið hafa innan okkar raða og ASÍ. Hún kýs að taka það út á mér persónulega. Ég trúi því að það sé ástæðan fyrir skrifum hennar og að persónuleg óvild í minn garð hafi farið út fyrir allt velsæmi í þessu tilfelli. Þetta er allavega ekki sú Ingibjörg sem ég þekki og starfaði með um árabil innan hreyfingarinnar. Hvort þessi skrif Ingibjargar endurspegli viðhorf mótframboðsins get ég ekki svarað til um, en kaldari verða kveðjurnar ekki í garð þeirra sem hafa örmagnast eða misst vinnu. Ég vil nota tækifærið og biðja fólk um að gæta orða sinna í athugasemdum. Við Ingibjörg Ósk höfum verið ósammála um margt, eins og leiðir að markmiðum. Við höfum líka verið sammála og ég veit að hún brennur fyrir verkalýðsmálum og hefur alltaf gert. Ég ætla því ekki að dæma hana út frá þessari einu grein, eða skoðun hennar á mér eða mínun verkum, heldur störfum hennar fyrir VR síðastliðin 10 ár. Höfundur er formaður VR.
Skoðun Viljum við læra af sögunni eða endurtaka hana? Arndís Anna Kristínardóttir Gunnarsdóttir skrifar
Skoðun Sameiginlegt sundkort fyrir höfuðborgarsvæðið – löngu tímabært Þórdís Lóa Þórhallsdóttir skrifar
Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson skrifar
Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson skrifar
Skoðun Gervigreind er persónulegi kennarinn þinn – Lærum að læra upp á nýtt Sigvaldi Einarsson skrifar
Skoðun Um pólitík óttans, öryggisvæðingu fólksflótta og hina ICElensku varðhaldsstöð Sema Erla Serdaroglu skrifar
Skoðun Opið bréf til Jóhanns Páls Jóhannssonar umhverfis-, orku- og loftlagsráðherra Kolbrún Georgsdóttir skrifar
Skoðun Fjármálabylting: Gervigreind og táknvæðing fyrir almenning Björgmundur Örn Guðmundsson skrifar