Festu kaup á fasteign Sóltúns

Mbl greindi fyrst frá. Í tilkynningu frá Regin kemur fram að seljandi sé félagið Öldungur hf., sem heldur nú eftir tíu prósenta hlut í Sóltúni fasteign ehf. Báðir aðilar muni eiga aðila í stjórn félagsins.

Engin áhrif á rekstur Sóltúns

„Öldungur rekur hjúkrunarheimilið Sóltún á grundvelli þjónustusamnings við íslenska ríkið. Kaupin munu ekki hafa nein áhrif á rekstur og starfsemi hjúkrunarheimilisins. Á milli félaganna Sóltún fasteign og Öldungs er í gildi leigusamningur og munu kaupin engin áhrif hafa á hann en Reginn sérhæfir sig í fasteignarekstri til langs tíma,“ segir í tilkynningu frá Regin.

Þá kemur þar fram að Öldungur og Reginn hafi gert með sér samkomulag um samstarf að uppbyggingu hjúkrunarheimila, „þar sem sérfræðiþekking og reynsla Öldungs mun nýtast við rekstur hjúkrunarheimila en reynsla og þekking Regins á rekstri og viðhaldi fasteigna.“

Með því sé kominn nýr valmöguleiki fyrir ríki og sveitarfélög til að sinna uppbyggingu og rekstri hjúkrunarheimila, sé viljinn til staðar.

Uppfært klukkan 10:03: Fyrirsögn fréttarinar hefur verið uppfærð til samræmis við efni fréttarinnar.