Hópur réðst á fimmtán ára dreng um miðjan dag og myrti hann

Þeir sem réðust á hann flúðu á bíl en óku bílnum á hús þar nærri og flúðu á tveimur jafnfljótum. Einn fjórtán ára drengur hefur verið handtekinn vegna morðsins.

Samkvæmt frétt Sky News segjast vitni hafa heyrt ótilgreindan fjölda skothvella á meðan á árásinni stóð.

Rannsóknarlögregluþjónninn sem stýrir rannsókn lögreglu segir ótækt að ofbeldi af þessu tagi geti átt sér stað á miðri götu um miðjan dag. Þá sér það sérstaklega slæmt að fórnarlambið hafi verið fimmtán ára drengur.

Lögreglan vinnur nú að því að rannsaka bílinn sem árásarmennirnir flúðu á, skoða upptökur úr öryggismyndavélum og leita vitna sem geti varpað ljósi á hverjir árásarmennirnir eru.