Fjöru­tíu ár liðin frá and­láti Johns Lennon

Bítillinn fyrrverandi var að koma heim til sín að kveldi hins 8. desember það ár með eiginkonu sinni Yoko Ono þegar hann var skotinn þremur skotum í bakið.

Lögreglumenn voru fljótir á staðinn og töldu ekki hægt að bíða eftir sjúkrabíl og óku honum á sjúkrahús þar sem hann var fljótlega úrskurðaður látinn.

John og Yoko höfðu nýlega gefið út plötuna Double Fantasy og voru að vinna að annarri plötu og höfðu verið að vinna að henni í hljóðveri áður en þau komu heim þetta afdrifaríka kvöld.

Ringo Starr félagi Lennons í The Beatles óskar þess á Facebook í dag að allar útvarpsstöðvar heimsins spili Strawberyy Fileds Forever með Lennon og hinum Bítlunum í tilefni dagsins.